India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News December 13, 2024
అల్లు అర్జున్‌తో మిస్ బిహేవ్ చేయలేదు: పోలీసులు
అల్లు అర్జున్‌ను బెడ్ రూమ్‌లోకి వెళ్లి అరెస్ట్ చేశారని, ఆయనతో తమ సిబ్బంది దురుసుగా ప్రవర్తించారని వస్తున్న వార్తలను పోలీసులు ఖండించారు. ‘మేము వారి ఇంటికి వెళ్లగానే దుస్తులు మార్చుకోవడానికి అల్లు అర్జున్ టైమ్ అడిగారు. తన బెడ్ రూమ్‌కు వెళ్లారు. పోలీసులు బయటే ఉన్నారు. ఆయన బయటకు వచ్చాకే కస్టడీలోకి తీసుకున్నారు. భార్య, కుటుంబంతో మాట్లాడేందుకు ఆయనకు సమయం ఇచ్చాం’ అని స్పష్టం చేశారు.
News December 13, 2024
రేపు కీలక ప్రకటన: మంచు విష్ణు
మంచు మోహన్ బాబు ఇంట్లో వివాదం నేపథ్యంలో మంచు విష్ణు ఆసక్తికర ట్వీట్ చేశారు. రేపు మధ్యాహ్నం 12 గంటలకు తాను ఓ ప్రకటన విడుదల చేస్తానని వెల్లడించారు. తాను చేసే ప్రకటన మనసుకు చాలా దగ్గరగా ఉంటుందని ఆయన ట్వీట్‌లో పేర్కొన్నారు. దీంతో విష్ణు ఎలాంటి విషయం వెల్లడించబోతున్నారనే దానిపై ఆసక్తి నెలకొంది.
News December 13, 2024
అల్లు అర్జున్ విడుదల ఆలస్యం
చంచల్‌గూడ జైలు నుంచి అల్లు అర్జున్ విడుదల కాస్త ఆలస్యం కానుంది. న్యాయమూర్తి ఆదేశాల కాపీ సైట్‌లో అప్‌లోడ్ అయిన తర్వాత వాటిని జైలర్ వెరిఫై చేసుకుని ఖైదీలను రిలీజ్ చేస్తారు. ప్రస్తుతం తీర్పు కాపీ ప్రిపరేషన్‌లో ఉందని సమాచారం. దీంతో బన్నీ బయటకు వచ్చేందుకు మరో అరగంటకు పైగా సమయం పట్టవచ్చని తెలుస్తోంది. కాగా బన్నీకి స్వాగతం పలికేందుకు జైలు బయట భారీగా ఫ్యాన్స్, ఇంటి వద్ద కుటుంబీకులు వేచి చూస్తున్నారు.
News December 13, 2024
ఈ రోజు మార్కెట్ల జోష్‌కు కార‌ణం ఇదే!
స్టాక్ మార్కెట్లు Fri ఉద‌యం నుంచి న‌ష్టాల్లో ప‌య‌నించినా మిడ్ సెష‌న్‌లో కొనుగోళ్ల మ‌ద్ద‌తుతో తిరిగి పుంజుకున్నాయి. దీనికి ప్ర‌ధానంగా FIIల పెట్టుబ‌డుల ప్ర‌వాహం కార‌ణంగా క‌నిపిస్తోంది. DIIలు ₹732 కోట్ల విలువైన షేర్లు అమ్మేశారు. అయితే, FII/FPIలు ₹2,335 కోట్ల విలువైన షేర్లు కొనుగోలు చేశారు. దీంతో కీలక రంగాలకు ల‌భించిన కొనుగోళ్ల మ‌ద్ద‌తు సూచీల రివ‌ర్స‌ల్‌కి కార‌ణ‌మైంద‌ని నిపుణులు విశ్లేషిస్తున్నారు.
News December 13, 2024
రేపు సంక్షేమ హాస్టళ్లలో సీఎం తనిఖీలు
TG: రాష్ట్రంలోని సంక్షేమ హాస్టళ్ల పరిస్థితిని అంచనా వేసేందుకు CM రేవంత్, మంత్రులు, అధికారులు రేపు గురుకుల, రెసిడెన్షియల్ హాస్టళ్లను సందర్శించనున్నారు. RR, VKB, HYD జిల్లాల్లో ఏదో ఒక సంక్షేమ హాస్టల్‌లో CM ఆకస్మిక తనిఖీ నిర్వహిస్తారని అధికారులు తెలిపారు. విద్యార్థులతో కలిసి భోజనం చేస్తారని పేర్కొన్నారు. కాగా సంక్షేమ హాస్టళ్ల విద్యార్థులకు ప్రభుత్వం ఇటీవల డైట్, కాస్మోటిక్ ఛార్జీలను పెంచింది.
News December 13, 2024
అల్లు అర్జున్ అరెస్టు.. స్పందించిన రష్మిక
అల్లు అర్జున్ అరెస్టుపై ‘పుష్ప-2’ హీరోయిన్ రష్మిక స్పందించారు. ‘సంధ్య థియేటర్ ఘటన దురదృష్టకరం, విచారకరం. కానీ ఈ విషయంలో అందరూ ఒకే వ్యక్తిని నిందించడం చూస్తుంటే బాధ కలుగుతోంది’ అని ట్వీట్ చేశారు. నితిన్, శ్రీ విష్ణు, సందీప్ కిషన్, అడివి శేష్, అనిల్ రావిపూడి, మెహర్ రమేశ్ తదితర సినీ ప్రముఖులు అల్లు అర్జున్ అరెస్టును ఖండించారు.
News December 13, 2024
రాజ్యసభకు ముగ్గురి ఎన్నిక ఏకగ్రీవం
ఆంధ్రప్రదేశ్‌లో మూడు స్థానాలకు జరిగిన రాజ్యసభ ఉపఎన్నికలు ఏకగ్రీవమయ్యాయి. బీజేపీ నుంచి ఆర్ కృష్ణయ్య, టీడీపీ నుంచి బీద మస్తాన్‌ రావు, సానా సతీశ్ ఎన్నికయ్యారు. ఎన్నికల్లో పోటీ లేకపోవడంతో రాజ్యసభకు వీరి ఎన్నిక లాంఛనమైంది. ఎన్నికైన అభ్యర్థులు శుక్రవారం ఆర్వో నుంచి ధ్రువీకరణపత్రాన్ని అందుకున్నారు. ఈ సందర్భంగా కృష్ణయ్యను బీసీ సంక్షేమ సంఘం ప్రతినిధులు గవ్వల భరత్ తదితరులు సన్మానించారు.
News December 13, 2024
శుభవార్త చెప్పిన ప్రభుత్వం
AP: కర్నూలు(D) పత్తికొండ మార్కెట్‌లో రూ.1కి పడిపోయి రైతులు ఆవేదన వ్యక్తం చేయడంపై మంత్రి అచ్చెన్నాయుడు స్పందించారు. లాభ నష్టాలు లేకుండా కిలో రూ.8కి మార్కెటింగ్ శాఖ కొనాలని ఆదేశించారు. APలోని మార్కెట్లలో కూడా అదే ధరకు విక్రయించాలని అధికారులను ఆదేశించారు. ఇతర రాష్ట్రాల నుంచి టమాటా దిగుమతి, తక్కువ ధరకు నాసిరకం పంట అందుబాటులోకి రావడంతో సాధారణ టమాటాపై ప్రభావం పడిందని అధికారులు, రైతులు పేర్కొన్నారు.
News December 13, 2024
పుష్కరాల్లో భక్తులు పోతే దేవుళ్లను అరెస్ట్ చేస్తారా?: RGV
అల్లు అర్జున్ కేసుకు సంబంధించి పోలీసులకు RGV 4 ప్రశ్నలు వేశారు. ‘పుష్కరాలు, బ్రహ్మోత్సవాల్లో తోపులాటలో భక్తులు పోతే దేవుళ్లను అరెస్ట్ చేస్తారా? ఎన్నికల ప్రచారాల తొక్కిసలాటలో ఎవరైనా పోతే రాజకీయ నేతలను అరెస్ట్ చేస్తారా? ప్రీ రిలీజ్ ఫంక్షన్స్‌లో ఎవరైనా పోతే హీరో, హీరోయిన్‌ను అరెస్ట్ చేస్తారా? భద్రత ఏర్పాట్లు పోలీసులు, ఆర్గనైజర్లు తప్ప హీరోలు, ప్రజా నాయకులు ఎలా కంట్రోల్ చేయగలరు?’ అని ప్రశ్నించారు.
News December 13, 2024
డ్రామాలతో కాంగ్రెస్ డైవర్షన్ పాలన: బండి సంజయ్
అల్లు అర్జున్ అరెస్ట్, రిమాండ్, మధ్యంతర బెయిల్ ఘటనలపై కేంద్ర మంత్రి బండి సంజయ్ స్పందించారు. ‘ఇలా డ్రామాలు చేసి డైవర్షన్ పాలన సాగిస్తోందీ తెలంగాణలోని కాంగ్రెస్ ప్రభుత్వం. ఒకప్పుడు తప్పుడు పాలన చేసి రాష్ట్రాన్ని దోచుకున్నవారు స్వేచ్ఛగా తిరుగుతుంటే, జాతీయ అవార్డు గ్రహీత నటుడిని మాత్రం అరెస్ట్ చేశారు. సెన్సేషనలిజం వారి అసమర్థతను దాచలేదు. కాంగ్రెస్ నాటకాన్ని దేశం మొత్తం చూసింది’ అని ఫైరయ్యారు.
Featured News
Sorry, no posts matched your criteria.