India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 6, 2024
కాసేపట్లో ఈ జిల్లాల్లో వర్షాలు
తెలంగాణలోని పలు జిల్లాల్లో మరో 3 గంటల్లో తేలికపాటి నుంచి మోస్తరు వర్షాలు కురుస్తాయని HYD వాతావరణ కేంద్రం తెలిపింది. హైదరాబాద్, మహబూబాబాద్, మహబూబ్‌నగర్, మల్కాజ్‌గిరి, రంగారెడ్డి, సిద్దిపేట్, వికారాబాద్, వరంగల్, హన్మకొండ జిల్లాల్లో వర్షాలు కురుస్తాయని ఎల్లో అలర్ట్ జారీ చేసింది. మీ జిల్లాల్లో వర్షాలు కురుస్తున్నాయా? కామెంట్ చేయండి.
News August 6, 2024
డెమోక్రాట్ల ఉపాధ్యక్ష అభ్యర్థిగా టిమ్ వాల్జ్?
అమెరికా అధ్యక్ష అభ్యర్థిని ప్రకటించిన డెమోక్రాటిక్ పార్టీ తాజాగా ఉపాధ్యక్ష అభ్యర్థిని ఎంపిక చేసినట్లు తెలుస్తోంది. ఈమేరకు మిన్నెసోటా గవర్నర్ టిమ్ వాల్జ్‌ను కమలా ఖరారు చేసినట్లు CNN పేర్కొంది. ఈనెల 19న చికాగోలో జరిగే జాతీయ సమావేశంలో దీనిపై ప్రకటన చేసే అవకాశం ఉంది. దీంతో NOVలో జరిగే ఎన్నికల్లో రిపబ్లికన్ పార్టీ అభ్యర్థులు డొనాల్డ్ ట్రంప్, JD వాన్స్‌తో కమలా హారిస్, వాల్జ్ తలపడే ఛాన్స్ ఉంది.
News August 6, 2024
ప్రపంచ విజేతను గెలిచినా.. దేశంలోని వ్యవస్థ ముందు ఓడింది: పునియా
పారిస్ ఒలింపిక్స్‌లోని రెజ్లింగ్‌‌లో ప్రపంచ విజేతను ఓడించిన వినేశ్ ఫొగట్‌ దేశంలోని వ్యవస్థ ముందు ఓడిందని ఒలింపిక్ మెడలిస్ట్ బజరంగ్ పునియా అన్నారు. ‘వినేశ్ ఫొగట్‌ ఈరోజు వరుస మ్యాచుల్లో గెలిచి గర్జించింది. 4 సార్లు ప్రపంచ ఛాంపియన్‌, డిఫెండింగ్ ఒలింపిక్ ఛాంపియన్‌ను ఓడించింది. కానీ తన దేశంలోనే ఈ అమ్మాయిని తన్ని చితకబాది వీధుల్లోకి లాగారు’ అని ట్వీట్‌లో పేర్కొన్నారు.
News August 6, 2024
HYDలో ట్రైజిన్ AI ఇన్నోవేషన్ సెంటర్
TG: AI స్టార్టప్‌లకు సొల్యూషన్స్ అందించే ట్రైజిన్ టెక్నాలజీస్ HYDలో AI ఇన్నోవేషన్, డెలివరీ సెంటర్ ఏర్పాటు చేయనున్నట్లు ప్రకటించింది. 6 నెలల్లో కార్యకలాపాలు ప్రారంభం కానున్నట్లు తెలిపింది. మూడేళ్లలో 1000 మందికి ఉద్యోగాలు, శిక్షణ ఇవ్వనున్నట్లు వివరించింది. US పర్యటనలో ఉన్న CM రేవంత్, IT మంత్రి శ్రీధర్ బాబు నేతృత్వంలోని అధికారుల బృందంతో ఆ కంపెనీ ప్రతినిధులు ప్రత్యేకంగా సమావేశమయ్యారు.
News August 6, 2024
తిరుమల శ్రీవారి ఆభరణాలేంటో తెలుసా?
తిరుమల శ్రీవారిని దగ్గర నుంచి చూసే భాగ్యం లభించదు. దీపాల వెలుగులో మెరిసిపోతున్న తిరుమలేశుని చూసి భక్తులు తరిస్తుంటారు. ఆయన ధరించే బంగారు ఆభరణాలేంటో తెలిపే ఫొటో ఒకటి వైరలవుతోంది. ఆయన ఆభరణాలివే.. కిరీటం, మకర కుండలం, చక్ర, శంఖు, వైజయంతి హారం, నాగాభరణం, దశావతార కంకణం, కటి హస్త, యజ్ఞోపవీతం, తులసీ మాల, సూర్య కటారి, వరద హస్త ఉంటాయి.
News August 6, 2024
మథుర వివాదం: సుప్రీంలో హిందూపక్షం కేవియెట్
‘మథుర’ కేసులో హిందూ పక్షం లాయర్ విష్ణుశంకర్ జైన్ సుప్రీం కోర్టులో కేవియెట్ దాఖలు చేశారు. ఒకవేళ అలహాబాద్ హైకోర్టు తీర్పును ముస్లిం పక్షం సవాల్ చేస్తే తమ వాదనలను వినకుండా ఎలాంటి వ్యతిరేక ఆదేశాలు ఇవ్వొద్దని కోరారు. శ్రీకృష్ణ మందిరం- ఈద్గా మసీదుపై 18 కేసుల మెయింటెనబిలిటీపై వచ్చిన ఫిర్యాదులను ఆగస్టు 1న అలహాబాద్ హైకోర్టు తిరస్కరించింది. మసీదు రిలీజియన్ క్యారెక్టర్ నిర్ధారించాల్సి ఉందని పేర్కొంది.
News August 6, 2024
విమానంలోకి కొబ్బరి ప్రసాదం తీసుకెళ్లొచ్చా?
ఎండిన కొబ్బరి కాయ, కుడకలు(కొబ్బరి ముక్కల) విమానంలోని క్యాబిన్ బ్యాగేజ్‌లోకి సిబ్బంది అనుమతించరు. వాటికి మండే స్వభావమే ఇందుకు కారణం. అలాగే కొబ్బరి ప్రసాదాన్ని కూడా క్యాబిన్ బ్యాగేజ్‌లోకి అనుమతించరు. అయితే చెక్ ఇన్ లగేజ్‌లో తీసుకెళ్లే అవకాశం ఉంటుంది. క్యాబిన్ బ్యాగేజ్ అంటే ఫ్లైట్‌లో ప్రయాణికులతో పాటు ఉంచుకునేది. చెక్ ఇన్ లగేజ్‌ అంటే సిబ్బందికి అప్పగించి, బెల్ట్ వద్ద తీసుకునేది.
News August 6, 2024
చంద్రబాబు హామీలు విస్మరించారు: జగన్
AP: ప్రజలకు ఇచ్చిన హామీలను సీఎం చంద్రబాబు విస్మరించారని మాజీ సీఎం జగన్ మండిపడ్డారు. ‘రైతులకు పెట్టుబడి సాయం, విద్యార్థులకు అమ్మఒడి, వసతి దీవెన, మహిళలకు రూ.1800, సున్నా వడ్డీ మాఫీని సీఎం ఎగ్గొట్టారు. కానీ నేను సీఎంగా ఉన్నప్పుడు వారందరినీ ఆదుకున్నా. ఇచ్చిన హామీలన్నీ చంద్రబాబు బేషరతుగా అమలు చేయాలి’ అని ఆయన డిమాండ్ చేశారు.
News August 6, 2024
బంగ్లా కల్లోలం.. అమిత్ షా అత్యవసర మీటింగ్
బంగ్లాదేశ్ అల్లకల్లోలం నేపథ్యంలో కేంద్ర మంత్రి జైశంకర్, జాతీయ భద్రతా సలహాదారు అజిత్ దోవల్‌తో హోంమంత్రి అమిత్ షా అత్యవసర భేటి నిర్వహించారు. ఆ దేశంలో జరుగుతున్న పరిణామాలపై వారితో చర్చించారు. భారత్, బంగ్లా బోర్డర్‌లో భద్రత పెంపు, ఢిల్లీలో షేక్ హసీనా భద్రత, బంగ్లా నుంచి అక్రమ వలసలు వంటి వాటిపై హోంమంత్రి సమీక్షించారు.
News August 6, 2024
44,288 ఉద్యోగాలు.. ఎల్లుండి వరకే ఛాన్స్
దేశంలోని పోస్టాఫీసుల్లోని 44,288 పోస్ట్ మాస్టర్, అసిస్టెంట్ పోస్ట్ మాస్టర్, డాక్ సేవక్ ఉద్యోగాల భర్తీకి దరఖాస్తుల స్వీకరణ ముగిసింది. నేటి నుంచి AUG 8 వరకు అభ్యర్థులు దరఖాస్తుల్లో మార్పులు చేసుకోవచ్చు. ఉదయం సర్వర్‌లో లోపం కారణంగా <
Featured News
Sorry, no posts matched your criteria.