India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 6, 2024
ఇన్వెస్ట‌ర్లు వెయిట్ అండ్ వాచ్‌
దేశీయ స్టాక్ మార్కెట్లు ఆల్ టైం హైలో ఉన్న ప‌రిస్థితుల్లో ప్రైస్ కరెక్షన్ అయ్యే అవ‌కాశాలు ఉన్నందునా ఇన్వెస్ట‌ర్లు జాగ్రత్తగా ఉండాలని నిపుణులు సూచిస్తున్నారు. అమెరికా మాంధ్యం భ‌యాలు, ఇజ్రాయెల్‌-ఇరాన్ ఘర్షణ, వ‌డ్డీ రేట్ల పెంపు, ఎన్నిక‌లు ముగియ‌డం, కేంద్రం పూర్తి స్థాయి బ‌డ్జెట్‌ను ప్ర‌వేశ‌పెట్ట‌డం, కార్పొరేట్ ఫ‌లితాల వెల్ల‌డి వ‌ల్లే ప్రైస్ కరెక్షన్ అవుతున్నట్టు క‌నిపిస్తోంది.
News August 6, 2024
జిల్లా ఆస్పత్రుల్లో త్వరలో MRI, సీటీ స్కాన్ సేవలు: ప్రభుత్వం
TG: HYDలోని ఉస్మానియా, గాంధీ హాస్పిటళ్లలో అందించే వైద్య సేవలను ఉమ్మడి జిల్లా కేంద్రాల్లోని ఆస్పత్రుల్లో అందించేందుకు ప్రభుత్వం చర్యలు చేపట్టింది. పలువురు సీనియర్ డాక్టర్లను జిల్లా ఆస్పత్రులకు బదిలీ చేసింది. అన్ని ఆస్పత్రుల్లో MRI, సీటీ స్కాన్ సేవలను అందుబాటులోకి తేనుంది. ఇందుకోసం మెషీన్ల కొనుగోలుకు ఆదేశాలిచ్చింది. సిటీలోని ఆసుపత్రుల్లో ఖాళీ పోస్టులను వారం రోజుల్లో భర్తీ చేస్తామని తెలిపింది.
News August 6, 2024
ఈ నెలలోనే రూ.2లక్షల రుణమాఫీ పూర్తి: మంత్రి పొన్నం
TG: రూ.2 లక్షల రైతు రుణమాఫీ ప్రక్రియను ఈ నెలలోనే పూర్తిచేయనున్నట్లు మంత్రి పొన్నం ప్రభాకర్ స్పష్టం చేశారు. ఇప్పటికే రూ.లక్షన్నర వరకు రుణాలను మాఫీ చేశామని, టెక్నికల్ సమస్యలతో పెండింగ్‌లో ఉన్న వాటిని కూడా పూర్తి చేస్తామన్నారు. బస్సు సౌకర్యం లేని గ్రామాలకు సర్వీసులు ప్రారంభిస్తామని, HYDలో మొత్తం ఎలక్ట్రిక్ బస్సులే నడిపేలా చర్యలు చేపడుతున్నామని చెప్పారు.
News August 6, 2024
ఏపీలో గత ఐదేళ్లలో నరికేసిన చెట్లు 4.84 లక్షలు
ఏపీలో గత ఐదేళ్లలో 4,84,249 చెట్లు నరికేసినట్లు కేంద్ర మంత్రి భూపేందర్ యాదవ్ తెలిపారు. టీడీపీ ఎంపీ కేశినేని చిన్ని లోక్‌సభలో అడిగిన ప్రశ్నకు ఆయన సమాధానమిచ్చారు. ఇందులో పట్టాదారు భూముల్లో 2,44,830, మళ్లించిన అటవీ భూముల్లో 1,35,023 చెట్లు, చట్టవిరుద్ధంగా 1,04,396 చెట్లను తొలగించినట్లు వెల్లడించారు. అత్యధికంగా తిరుపతి జిల్లాలో చట్టబద్ధంగా 61,964, చట్టవిరుద్ధంగా 40,349 చెట్లు నరికేసినట్లు పేర్కొన్నారు.
News August 6, 2024
బంగ్లా సంక్షోభం వెనుక జమాతే ఇస్లామీ?
జమాతే ఇస్లామీ పాక్-బంగ్లాలో ప్రాబల్యం కలిగిన ఇస్లామిక్ రాజకీయ పార్టీ. 1941లో మౌలానా మౌదూది దీన్ని స్థాపించారు. బంగ్లాలో దీని విద్యార్థి విభాగం ఛాత్ర శిబిర్‌కు ఐఎస్ఐ అండ ఉందని, విద్యార్థి ఉద్యమం కాస్త రాజకీయ ఉద్యమంగా మారడం వెనుక ఇదే కీలకంగా తెలుస్తోంది. బంగ్లా అల్ల‌ర్ల వెనుక ఈ పార్టీ హ‌స్తం ఉందని షేక్ హసీనా ఆగస్టు 1న జమాతే ఇస్లామీని ఉగ్ర‌వాద సంస్థ‌గా ప్ర‌క‌టించి నిషేధించారు.
News August 6, 2024
YCP ప్రభుత్వం చేపట్టిన ప్రాజెక్టులను కొనసాగిస్తాం: సీఎం
AP: వైసీపీ ప్రభుత్వం ప్రారంభించిన అభివృద్ధి ప్రాజెక్టులను విధ్వంసం చేయాలన్న ఆలోచన తమకు లేదని సీఎం చంద్రబాబు స్పష్టం చేశారు. ‘గతంలో టీడీపీ సర్కారు PPP విధానంలో పోర్టులను పూర్తిచేయాలనుకుంది. వైసీపీ ప్రభుత్వం వాటిని EPC(ఇంజినీరింగ్, ప్రొక్యూర్‌మెంట్, కన్‌స్ట్రక్షన్) విధానానికి మార్చింది. ఆ నిబంధనలు మారిస్తే ప్రాజెక్టులు నిలిచిపోయే ప్రమాదం ఉంది. అందువల్ల యథావిధిగా కొనసాగిస్తాం’ అని తెలిపారు.
News August 6, 2024
ఇకపై టీచర్లు, లెక్చరర్ల బదిలీలకు ప్రత్యేక కమిటీ
TG: ప్రభుత్వ పాఠశాలలు, కళాశాలల టీచర్లు, లెక్చరర్ల బదిలీల కోసం ప్రభుత్వం ప్రత్యేక కమిటీని నియమించనుంది. ట్రాన్స్‌ఫర్ల వినతులను ఈ కమిటీ పరిశీలించి నిర్ణయం తీసుకుంటుంది. పైరవీలకు తావు లేకుండా నేరుగా లేదా ఆన్‌లైన్‌ ద్వారా ప్రత్యేక వెబ్‌పోర్టల్‌లో దరఖాస్తు చేసుకోవాల్సి ఉంటుంది. వీటిపై కమిటీ తీసుకునే నిర్ణయాలకు అనుగుణంగా బదిలీలు, ఆన్ డ్యూటీ, డిప్యుటేషన్‌లపై ఆయా శాఖల ఉన్నతాధికారులు చర్యలు తీసుకుంటారు.
News August 6, 2024
భూముల మార్కెట్ ధరల పెంపు ఎప్పుడంటే?
TG: రాష్ట్రంలో భూముల మార్కెట్ ధరల పెంపు సెప్టెంబర్‌లో ఉండొచ్చని రిజిస్ట్రేషన్ శాఖ వర్గాలు తెలిపాయి. ఎంత మేర ధరలు పెంచవచ్చనే దానిపై రిజిస్ట్రేషన్ల శాఖ కసరత్తు చేస్తోంది. అనంతరం ప్రభుత్వానికి నివేదిక ఇవ్వనుంది. ఆ తర్వాత రెవెన్యూ మంత్రి సమీక్షించి తుది నిర్ణయం తీసుకుంటారు. ధరల పెంపు ప్రతిపాదనను సంబంధిత వెబ్‌సైట్‌లో ఉంచి, ప్రజాభిప్రాయం సేకరిస్తారు. ఈ ప్రక్రియకు మరో 30రోజులు పట్టే ఛాన్స్ ఉంది.
News August 6, 2024
సీఎం చంద్రబాబు కీలక నిర్ణయాలు
✒ చిన్న సమస్యల పరిష్కారానికి ప్రతి జిల్లాకు రూ.5 కోట్లు కేటాయింపు
✒ వైసీపీ ప్రభుత్వంలో మంజూరైన ఇళ్లపై సమగ్ర సర్వే
✒ ఇళ్లులేని పేదలను PMAY2.O పథకానికి ఎంపిక
✒ రేషన్ దుకాణాల్లో జొన్నలు, రాగులు, సజ్జలు
✒ ఏడాదిలో గ్రామాల్లో 6,721KM మేర కొత్త రోడ్లు
✒ ఎక్కడైనా సాగునీటి ప్రాజెక్టుల గేట్లు కొట్టుకుపోతే ఈఈ, ఏఈలపై వేటు
✒ త్వరలో రాష్ట్రవ్యాప్తంగా నెలరోజులపాటు వన మహోత్సవం
News August 6, 2024
హసీనా రాజీనామా.. భారత్‌కు తలనొప్పి!
షేక్ హసీనా పాలనలో భారత్-బంగ్లాదేశ్ మధ్య అనేక ఆర్థిక ఒప్పందాలు జరిగాయి. జల పంపకాల వివాదాలు పరిష్కారమయ్యాయి. ఇరు దేశాలను కలిపే రోడ్డు, రైల్వే ప్రాజెక్టులు వేగవంతమయ్యాయి. టెర్రరిజాన్ని అరికట్టేందుకు హసీనా మన దేశంతో కలిసి పని చేశారు. అయితే హసీనా రాజీనామాతో మాజీ PM ఖలీదా జియా (బంగ్లాదేశ్ నేషనలిస్ట్ పార్టీ) పగ్గాలు చేపట్టే అవకాశం ఉంది. ఆ పార్టీ చైనా, పాకిస్థాన్‌లకు అనుకూలంగా ఉండటం ఇండియాకు తలనొప్పే.
Featured News
Sorry, no posts matched your criteria.