India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News March 16, 2024
కాసేపట్లో వైసీపీ ఎమ్మెల్యే అభ్యర్థుల జాబితా ప్రకటన
AP: సీఎం జగన్ ఇడుపులపాయకు బయలుదేరారు. మ.12.30కు వైఎస్సార్ ఘాట్ వద్ద నివాళి అర్పిస్తారు. మ.1 గంటకు ఎమ్మెల్యే అభ్యర్థుల పేర్లను ప్రకటిస్తారు. ఒకేసారి 175 అసెంబ్లీ, 25 ఎంపీ స్థానాలకు అభ్యర్థులను ఖరారు చేయనున్నారు. ఇప్పటికే 68 అసెంబ్లీ స్థానాల్లో జగన్ మార్పులు చేశారు.
News March 16, 2024
జాబితాలో బీసీలకు అధిక ప్రాధాన్యం: సజ్జల
AP: చంద్రబాబు పార్టీ వెంటిలేటర్‌పై ఉందని ప్రభుత్వ సలహాదారు సజ్జల రామకృష్ణారెడ్డి అన్నారు. ప్రతిపక్షాలు ఎన్ని కుయుక్తులు పన్నినా గెలుపు తమదేనని ధీమా వ్యక్తం చేశారు. ఎమ్మెల్యే అభ్యర్థుల జాబితాలో బీసీలకు అధిక ప్రాధాన్యం ఇచ్చారని తెలిపారు. ఎస్సీ, ఎస్టీ, బీసీలకు స్థానిక సంస్థల్లో 50శాతం రిజర్వేషన్లు కల్పించాలని గుర్తు చేశారు. చంద్రబాబు మాటలే తప్ప బీసీలకు ఏనాడు న్యాయం చేయలేదని విమర్శించారు.
News March 16, 2024
కవిత అరెస్టు: INDIA కూటమి మద్దతిస్తుందా?
EDని అడ్డుపెట్టుకొని కేంద్రంలోని BJP ప్రతిపక్ష నేతలను అరెస్టులతో వేధిస్తోందని ఆరోపణలున్నాయి. తాజాగా BRS ఎమ్మెల్సీ కవితను ED అరెస్ట్ చేసింది. దీంతో కేంద్రంలో BJPని వ్యతిరేకించే INDIA కూటమి KCR కుటుంబానికి మద్దతిస్తుందా? అనే చర్చ మొదలైంది. అయితే.. రాష్ట్రంలో BRS, కాంగ్రెస్ మధ్య పొలిటికల్ వార్‌ తారస్థాయికి చేరింది. దీంతో INDIA కూటమి BRSకు మద్దతిచ్చే అవకాశం లేదని కొందరు అంటున్నారు. మీ అభిప్రాయం ఏంటి?
News March 16, 2024
కోర్టులో వాడీవేడి వాదనలు
కవిత అరెస్టుపై రౌస్ అవెన్యూ కోర్టులో వాడీవేడి వాదనలు సాగుతున్నాయి. కవిత తరఫున సీనియర్ లాయర్ విక్రమ్ చౌదరి, ఈడీ తరఫున ఎన్.కె.మట్టా, హుస్సేన్ వాదనలు వినిపిస్తున్నారు. కవితను విచారించేందుకు 10 రోజులు కస్టడీకి ఇవ్వాలని ఈడీ తరఫు న్యాయవాదులు కోరుతుండగా.. ఇది అక్రమ అరెస్ట్ అని, బెయిల్ ఇవ్వాలంటూ కవిత లాయర్ వాదిస్తున్నారు. కవిత మాట్లాడేందుకు న్యాయమూర్తి 5 నిమిషాల సమయం ఇచ్చారు.
News March 16, 2024
మధ్యాహ్నం సీఎం రేవంత్ ప్రెస్‌మీట్
TS: సీఎం రేవంత్ రెడ్డి మధ్యాహ్నం ఒంటి గంటకు ప్రెస్‌మీట్ నిర్వహించనున్నారు. రాష్ట్రంలోని తాజా రాజకీయ పరిణామాలపై ఆయన మాట్లాడనున్నట్లు తెలుస్తోంది. అయితే కవిత అరెస్టుపై రేవంత్ స్పందిస్తారా? లేదా? అన్నది ఆసక్తిగా మారింది.
News March 16, 2024
ఈ సారి ఎలక్షన్స్ ఎన్ని దశలో?
ఇవాళ సార్వత్రిక ఎన్నికల షెడ్యూల్ విడుదల కానుంది. గతంలో ఎలక్షన్స్‌ను దశల వారీగా నిర్వహించారు. 2004లో 4, 2009లో 5, 2014లో 9, 2019లో 7 దశల్లో ఎన్నికలు జరిగాయి. దీంతో ఈ సారి ఎన్ని దశల్లో ఎలక్షన్స్ నిర్వహిస్తారన్న ఉత్కంఠ నెలకొంది. గత ఎన్నికలకు మార్చి 10న షెడ్యూల్ విడుదల కాగా.. ఈ సారి ఆరు రోజులు ఆలస్యంగా వస్తుండడం గమనార్హం.
- « Previous
1
…
3,337
3,338
3,339
Featured News
Sorry, no posts matched your criteria.