India's largestHyperlocal short
news App
Get daily news updates that are tailored for you based on your preferred language & location.
download Way2News app now
Hyderabad
News May 19, 2024
HYD నగరంలో కుక్కలకు వ్యాక్సినేషన్
గ్రేటర్ HYD పరిధిలో 2022-23 ఆర్థిక సంవత్సరంలో 73,969 కుక్కలకు, 2023-24 ఆర్థిక సంవత్సరంలో 94,500 కుక్కలకు రాబిస్ టీకాలు వేసినట్లుగా అధికారులు తెలియజేశారు. కుక్కల నియంత్రణ కోసం ఎక్కడికక్కడ చర్యలు చేపడుతున్నామని వెల్లడించారు. కుక్కల బెడద ఉన్న ప్రతి ప్రాంతంలో వ్యాక్సినేషన్ ప్రక్రియ కొనసాగుతుందని, గత నెల రోజుల్లో 1,000 కుక్కలకు పైగా వ్యాక్సినేషన్ అందించినట్లు తెలిపారు.
News May 19, 2024
HYD: రియల్ ఎస్టేట్ దందా.. ముగ్గురు అరెస్ట్
మేడ్చల్ జిల్లా కొంపల్లి పరిధిలో భారతి బిల్డర్స్ పేరుతో ప్రీ లాంచ్ ఆఫర్స్ అంటూ మాయమాటలు చెప్పి మోసం చేసిన శివరామకృష్ణ, నాగరాజు, నరసింహరావును పోలీసులు అరెస్టు చేశారు. వీరు అమాయక ప్రజల నుంచి రూ.60 కోట్ల డబ్బు వసూలు చేసి మోసం చేయటంతో సైబరాబాద్ పోలీసులు రిమాండ్ చేసినట్లు తెలిపారు. రియల్ ఎస్టేట్లో పెట్టుబడుల విషయంలో అప్రమత్తంగా ఉండాలని అధికారులు సూచించారు.
News May 19, 2024
ఉప్పల్‌లో నేడు ట్రాఫిక్ ఆంక్షలు
ఉప్పల్ స్టేడియంలో ఆదివారం SRH- కింగ్స్ ఎలెవన్ పంజాబ్ జట్ల మధ్య మ్యాచ్ జరగనున్న నేపథ్యంలో ట్రాఫిక్ ఆంక్షలు విధిస్తున్నట్లు రాచకొండ CP తరుణ్ జోషి తెలిపారు. ఆదివారం మధ్యాహ్నం ఒంటి గంట నుంచి రాత్రి 10:30 గంటల వరకు స్టేడియం పరిసర ప్రాంతాల్లో వాహనాలను దారి మళ్లిస్తున్నట్లు పేర్కొన్నారు. చెంగిచెర్ల, బోడుప్పల్, పీర్జాదిగూడ నుంచి ఉప్పల్‌కు వచ్చే వాహనాలు HMDA భగాయత్ రోడ్డు వైపు దారి మళ్లిస్తామన్నారు.
News May 19, 2024
KTRను ఎర్రగడ్డలో అడ్మిట్ చేయాలి: కాంగ్రెస్ నేతలు
BRS అధికారం కోల్పోయిన తర్వాత KTR మతిభ్రమించి మాట్లాడుతున్నారని కాంగ్రెస్ పార్టీ సీనియర్ నాయకులు దేవిరెడ్డి విజితా రెడ్డి, హరినాథ్ రెడ్డి, ఎడ్ల నరేందర్ రెడ్డి ఎద్దేవా చేశారు. నల్లకుంటలో వారు సమావేశమయ్యారు. తెలంగాణలో INCకి ఒక్క MP సీటు కూడా రాదని KTR వ్యాఖ్యానించడం సరికాదన్నారు. ఆయన్ని ఎర్రగడ్డ ఆస్పత్రిలో అడ్మిట్ చేసి, మానసిక వైద్య చికిత్సలు చేయించాల్సిన అవసరం ఉందని కాంగ్రెస్ నేతలు అభిప్రాయపడ్డారు.
News May 18, 2024
హైదరాబాద్ జిల్లాలో నేటి TOP NEWS
> బన్సీలాల్‌పేట శ్మశానవాటికలో ముగిసిన చందు అంత్యక్రియలు
> సికింద్రాబాద్ లో 3.6 కిలోల వెండి ఆభరణాలు స్వాధీనం
> నగరంలో కురిసిన భారీ వర్షం
> నకిలీ డిగ్రీ సర్టిఫికెట్లు.. ముగ్గురు అరెస్ట్
> వారాసిగూడలో మహిళ మిస్సింగ్
> ఉప్పల్ శిల్పారామంలో నృత్య ప్రదర్శనలు
> వర్షాల నేపథ్యంలో అధికారులతో మేయర్ టెలీ కాన్ఫరెన్స్
> జూబ్లీ బస్టాండ్‌లో మందుబాబు హల్‌చల్
News May 18, 2024
EAPCET ఫలితాల్లో HYD విద్యార్థుల సత్తా
TS EAPCET ఫలితాల్లో HYDకి చెందిన నలురుగు విద్యార్థులు ప్రతిభ కనబరిచారు. అగ్రికల్చర్, ఫార్మసీ కోర్సుల్లో ప్రవేశాల కోసం నిర్వహించిన కేటగిరిలో అసిఫ్‌నగర్‌కు చెందిన రేపల సాయి వివేక్(5వ ర్యాంకు), నాచారంకు చెందిన మహమ్మద్ అజాన్ సాద్(6వ ర్యాంకు), పేట్‌బషీరాబాద్‌కు చెందిన భార్గవ్ సుమంత్(8వ ర్యాంకు), కుకట్‌పల్లికి చెందిన ఆదిత్య(9వ ర్యాంకు) సాధించారు. ఈ సందర్భంగా వీరిని కుటుంబీకులు, స్థానికులు అభినందించారు.
News May 18, 2024
జూబ్లీహిల్స్: నర్నే రోడ్డులో ఫ్యామిలీ విగ్రహాలు మాయం
హైదరాబాద్‌లో ఏకంగా ఫ్యామిలీ విగ్రహాలను దొంగలు మాయం చేశారు. జూబ్లీహిల్స్ నర్నే రోడ్డులో జీహెచ్ఎంసీ వాళ్లు 2021లో ఒక ఫ్యామిలీ విగ్రహాలు పెట్టారు. అయితే దొంగలు ఆ ఫ్యామిలీలోని తండ్రిని వదిలి భార్య, కూతురు, కొడుకు విగ్రహాలు దొంగిలించారు. సుందరీకరణ కోసం ఏర్పాటు చేసిన విగ్రహాలను కూడా దొంగలు వదలడం లేదు. దీనిపై పోలీసులు ఎలాంటి చర్యలు తీసుకుంటారో చూడాలి.
News May 18, 2024
HYD: ఆర్టీసీకి ఒకేరోజు రూ.26 కోట్ల ఆదాయం
పోలింగ్ మరుసటి రోజు ఆర్టీసీకి రూ.26 కోట్ల ఆదాయం చేకూరిందని ఆ సంస్థ గ్రేటర్ ఎగ్జిక్యూటివ్ డైరెక్టర్ వెంకటేశ్వర్లు తెలిపారు. శుక్రవారం జేబీయస్‌‌లోని పుష్పక్ బస్ షెల్టర్ సందర్శియిర్ పోర్ట్‌కు వెళ్తున్న ప్రయాణికులతో మాట్లాడారు. శంషాబాద్ ఎయిర్ పోర్టుకు పుష్పక్ AC బస్సులను 24 గంటల పాటు నడుపుతున్నామని, గ్రేటర్ పరిధిలో మరో 125 కొత్త బస్సులను అందుబాటులోకి తీసుకొస్తామని తెలిపారు.
News May 18, 2024
HYD: నేడు TS EAPCET 2024 పరీక్ష ఫలితాలు
నేడు కూకట్ పల్లి JNTU యూనివర్సిటీలో TS EAPCET 2024 పరీక్షకు సంబంధించి ఫలితాలను అధికారులు విడుదల చేయనున్నారు. ఉదయం 11 గంటలకు వర్సిటీలోని గోల్డెన్ జూబ్లీ కాన్ఫరెన్స్ హాల్లో విడుదల చేయనున్నట్లు అధికారులు తెలిపారు. 2024-25 విద్యా సంవత్సరానికి గాను ఇంజనీరింగ్, అగ్రికల్చర్, ఫార్మాసిటికల్ విభాగాలలో సీట్ల భర్తీ కొరకు విద్యార్థులకు కంప్యూటర్ బేస్డ్ విధానంలో మే7 నుండి మే 9వ తేదీ వరకు పరీక్షలు నిర్వహించారు.
News May 18, 2024
HYD: ఆర్టీసీకి ఒకేరోజు రూ.26 కోట్ల ఆదాయం
పోలింగ్ మరుసటి రోజు ఆర్టీసీకి రూ.26 కోట్ల ఆదాయం చేకూరిందని ఆ సంస్థ గ్రేటర్ ఎగ్జిక్యూటివ్ డైరెక్టర్ వెంకటేశ్వర్లు తెలిపారు. శుక్రవారం జేబీయస్‌‌లోని పుష్పక్ బస్ షెల్టర్ సందర్శియిర్ పోర్ట్‌కు వెళ్తున్న ప్రయాణికులతో మాట్లాడారు. శంషాబాద్ ఎయిర్ పోర్టుకు పుష్పక్ AC బస్సులను 24 గంటల పాటు నడుపుతున్నామని, గ్రేటర్ పరిధిలో మరో 125 కొత్త బస్సులను అందుబాటులోకి తీసుకొస్తామని తెలిపారు.
Featured News
Sorry, no posts matched your criteria.