India's largestHyperlocal short
news App
Get daily news updates that are tailored for you based on your preferred language & location.
download Way2News app now
Hyderabad
News March 3, 2025
HYD: నేడు ఢిల్లీకి సీఎం, డిప్యూటీ సీఎం
తెలంగాణ రాష్ట్రానికి సంబంధించిన కీలక అంశాలపై చర్చించేందుకు CM రేవంత్ రెడ్డి, డిప్యూటీ CM భట్టి విక్రమార్క ఇవాళ ఢిల్లీలో కేంద్రమంత్రులతో భేటీ కానున్నారు. రాష్ట్రానికి కేంద్రం నుంచి రావాల్సిన నిధులు, పెండింగ్ ప్రాజెక్టులు, అభివృద్ధి కార్యక్రమాలపై కేంద్రమంత్రులతో సమాలోచనలు చేయనున్నారు. ఈ భేటీలో కేంద్రం నుంచి రాష్ట్రానికి మరింత సహాయం పొందేందుకు కీలక నిర్ణయాలు తీసుకునే అవకాశం ఉందని వెల్లడించారు.
News March 2, 2025
HYD: ఉపరాష్ట్రపతికి గవర్నర్ ఘన స్వాగతం
హైదరాబాద్ చేరుకున్న ఉపరాష్ట్రపతి జగదీప్ ధన్‌ఖడ్‌కు శంషాబాద్ ఎయిర్‌పోర్టులో రాష్ట్ర గవర్నర్ జిష్ణు దేవ్ వర్మ ఘన స్వాగతం పలికారు. ఈ పర్యటనలో ఇండియన్ ఇన్‌స్టిట్యూట్ ఆఫ్ టెక్నాలజీ (IIT)ని ఉపరాష్ట్రపతి జగ్‌దీప్‌ ధన్‌ఖడ్‌ సందర్శించనున్నారు. ఈ సందర్భంగా రాష్ట్ర బీసీ సంక్షేమ శాఖ మంత్రి పొన్నం ప్రభాకర్, ప్రభుత్వ సలహాదారుడు హరిహర గోపాల్, సంబంధిత ఉన్నతాధికారులు పాల్గొన్నారు.
News March 2, 2025
HYD: ఉపరాష్ట్రపతికి ఘన స్వాగతం
హైదరాబాద్ చేరుకున్న ఉపరాష్ట్రపతి జగదీప్ ధన్‌ఖడ్‌కు శంషాబాద్ ఎయిర్‌పోర్టులో రాష్ట్ర ప్రభుత్వం తరఫున మంత్రి పొన్నం ప్రభాకర్ ఘన స్వాగతం పలికారు. ఆయన పర్యటనలో పాల్గొనేందుకు అధికారులంతా సిద్ధమయ్యారు. ఉపరాష్ట్రపతికి సన్మానం చేసిన మంత్రి, రాష్ట్ర అభివృద్ధిపై కేంద్రమంత్రి సహకారం కోరారు. అనంతరం ధన్‌ఖడ్‌ పలువురు నేతలతో భేటీ కానున్నారు.
News March 2, 2025
HYD: సన్‌ఫ్లవర్ రైతుల కష్టాలు మీకు పట్టవా..?: హరీశ్ రావ్
సన్‌ఫ్లవర్ కొనుగోలు కేంద్రాలను ఇంకెప్పుడు ప్రారంభిస్తారని మాజీ మంత్రి హరీశ్ రావు ప్రభుత్వాన్ని ప్రశ్నించారు. మద్దతు ధర రూ.7,280 ఉంటే.. దళారులకు రూ.5,500 నుంచి రూ.6వేలకే విక్రయించాల్సిన దుస్థితిని రైతులకు తెచ్చారని మండిపడ్డారు. క్వింటాల్‌కు రూ.వెయ్యికి పైగానే రైతులకు నష్టాన్ని కలిగిస్తున్నారన్నారు. బీఆర్ఎస్ హయంలో నూనె పంటలకు ప్రోత్సాహం.. కాంగ్రెస్ పాలనలో తిరోగమనం అని ధ్వజమెత్తారు.
News March 2, 2025
GHMC ఎన్నికల్లో కాంగ్రెస్ మార్క్ చూపించాలి: కాంగ్రెస్ సీనియర్ నేతలు
ప్రశాంతంగా ఉన్న గ్రేటర్ నగరంలో ఎమ్మెల్సీ ఎన్నికల హడావిడితో ఒక్కసారిగా వాతావరణం వేడెక్కింది. రోజుకో చోట పలువురు నేతలు ఎమ్మెల్సీ సీట్ గురించి బహిరంగంగానే మాట్లాడుతున్నారు. గ్రేటర్‌లో మంచి పట్టున్న బీసీ నేత అంజన్ కుమార్ యాదవ్‌కు ఎమ్మెల్సీగా అవకాశం కల్పించి.. వచ్చే GHMC ఎన్నికల్లో కాంగ్రెస్ మార్క్ చూపించేలా ఆలోచన చేయాలని పలువురు నేతలు హైకమాండ్‌కు సూచిస్తున్నట్లు పలువురు సీనియర్ నాయకులు తెలిపారు.
News March 2, 2025
సర్కార్ నిర్లక్ష్యంతోనే కార్మికుల దుర్మరణం: వేముల
కాంగ్రెస్ సర్కారు నిర్లక్ష్యంతోనే SLBC టర్మినల్ ఘటనలో 8 మంది కార్మికుల ప్రాణాలు గాలిలో కలిశాయని కార్మిక విభాగం రాష్ట్ర ప్రధాన కార్యదర్శి వేముల మారయ్య అన్నారు. తెలంగాణ భవన్ బీఆర్ఎస్ కార్మిక విభాగం నాయకులతో కలిసి విలేకరుల సమావేశం ఏర్పాటు చేశారు. ఈ ఘటనకు సీఎం రేవంత్ రెడ్డి బాధ్యత వహించి బాధిత కుటుంబాలకు రూ.కోటి చొప్పున పరిహారం ఇవ్వాలని డిమాండ్ చేశారు. కార్మికులపై చిన్న చూపు చూడడం సరికాదన్నారు.
News March 2, 2025
KBR చుట్టూ ఫ్లైఓవర్లు వద్దంటూ కోర్టుకెక్కిన కాంగ్రెస్ నేత
KBR పార్కు చుట్టూ ప్రభుత్వం అండర్ పాస్‌లు, ఫ్లైఓవర్లు నిర్మించొద్దంటూ కాంగ్రెస్ సీనియర్ నేత, అల్లు అర్జున్ మామ కంచర్ల చంద్రశేఖర్ రెడ్డి హై కోర్టును ఆశ్రయించారు. ఈ ఫ్లై ఓవర్లతో తన నివాసంలో కొంత భాగం పోతుందని దీనిపై పునరాలోచన చేయాలంటూ గతంలోనే ఆయన GHMCని కోరిన విషయం తెలిసిందే. పార్కు చుట్టూ సున్నిత ప్రదేశం కావడం, ఇక్కడ భారీ నిర్మాణాలు వస్తే మూగజీవాలకు ఇబ్బంది కలుగుతుందని అందులో పేర్కొన్నారు.
News March 2, 2025
HYD: యువకుడితో పరారైన 35 ఏళ్ల వివాహిత
ఓ వివాహిత యువకుడితో పరారైన ఘటన మేడ్చల్ పేట్‌బషీరాబాద్‌లో జరిగింది. KPHBలో ఉంటున్న పల్నాడుకు చెందిన గోపి(22)కి వరంగల్‌‌కు చెందిన సుకన్య(35)కు ఓ యాప్‌లో పరిచయం ఏర్పడి ప్రేమగా మారింది. FEB 5న గోపిని కలిసేందుకు సుకన్య వస్తుందని గుర్తించిన భర్త వారిని వెంబడించాడు. బైక్‌పై వెళ్తుండగా.. భర్త అడ్డుకోవడంతో బైక్ వదిలేసి ఇద్దరు పరారయ్యారు. భర్త పేట్ బషీరాబాద్ పోలీసులకు ఫిర్యాదు చేశాడు.
News March 2, 2025
SUNDAY: HYDలో మటన్ షాపులవైపే మొగ్గు..!
భోజన ప్రియులకు ఆదివారం మాంసం ఉండాల్సిందే. అందుబాటు ధరలో ఉండే చికెన్.. బర్డ్‌ఫ్లూ ఎఫెక్ట్‌తో కొనడంలేదు. మటన్, ఫిష్ వైపే మొగ్గుచూపుతున్నారు. దీంతో వీటి ధరలు HYDలో భారీగా పెరిగాయి. జియాగూడ మటన్ మండీలో కిలో రూ.400 ఉండే మటన్ ఇప్పుడు రూ.600, చెంగిచర్లలో రూ.500 ఉండేది కాస్తా పెరిగి రూ.800 చేరింది. స్థానిక మటన్ షాపుల్లో రూ.వెయ్యికి విక్రయిస్తున్నారు. తలకాయ కాళ్లు, బోటీకి కూడా డిమాండ్ విపరీతంగా పెరిగింది.
News March 2, 2025
HYD: వాహనం నంబరు కనిపించకుంటే ఇక అంతే..!
ట్రాఫిక్ ఉల్లంఘనలపై HYD పోలీసులు స్పెషల్ డ్రైవ్ ప్రారంభించారు. ట్రాఫిక్ క్రమబద్ధీకరణ, సురక్షిత ప్రయాణమే లక్ష్యంగా డ్రైవ్ నిర్వహిస్తున్నట్లు పేర్కొన్నారు. ఈ ఏడాది 2నెలల్లో ఇప్పటివరకు రాంగ్ సైడ్ డ్రైవింగ్‌తో ఒకరు మృతి చెందగా.. 21 మందికి గాయాలైనట్లు తెలిపారు. అస్పష్ట నంబరు ప్లేట్, వాహనదారులకు రూ.200 జరిమానాతో పాటు ఛార్జీషీటు దాఖలు చేస్తామన్నారు.
Featured News
Sorry, no posts matched your criteria.