India's largestHyperlocal short
news App
Get daily news updates that are tailored for you based on your preferred language & location.
download Way2News app now
Karimnagar
News November 3, 2024
జగిత్యాల: వరద కాలువలో దుంకి వృద్ధురాలు ఆత్మహత్య
కథలాపూర్ మండలం ఊటుపల్లి గ్రామానికి చెందిన సుంకరి బుచ్చమ్మ (70) అనే వృద్ధురాలు వరద కాలువలో దూకి ఆత్మహత్య చేసుకున్నట్టు పోలీసులు తెలిపారు. బుచ్చమ్మ గత కొంతకాలంగా అనారోగ్యానికి గురై ఇంట్లో ఉంటుంది. ఆసుపత్రిలో చూయించుకున్న నయం కాకపోవడంతో జీవితంపై విరక్తి చెంది వరద కాలువలో దూకి ఆత్మహత్య చేసుకున్నట్లు ఎస్ఐ నవీన్ కుమార్ పేర్కొన్నారు.
News November 2, 2024
మంథని: మంత్రిని కలిసిన ఎమ్మెల్సీ బల్మూర్ వెంకట్
మంథని ఎమ్మెల్యే, మంత్రి శ్రీధర్ బాబును ఎమ్మెల్సీ బల్మూరు వెంకట్ పుట్టినరోజు సందర్భంగా శుక్రవారం మర్యాద పూర్వకంగా కలిశారు. ఈ సందర్భంగా మంత్రి ఎమ్మెల్సీకి పుట్టినరోజు శుభాకాంక్షలు తెలిపారు. కాంగ్రెస్ పార్టీలో కష్టపడే కార్యకర్తలకు సముచిత స్థానం లభిస్తుందని, బల్మూరు వెంకట్‌కు ఎమ్మెల్సీ పదవి రావడం ఇందుకు నిదర్శనమని మంత్రి అన్నారు. ఈ కార్యక్రమంలో కాంగ్రెస్ నేతలు ఉన్నారు.
News November 2, 2024
KNR: ‘పెన్షన్, హెల్త్ కార్డుల కోసం దరఖాస్తు చేసుకోవాలి’
సింగరేణి సంస్థ మాజీ ఉద్యోగులు ప్రతి సంవత్సరం మాదిరిగా ఈ నవంబర్‌లో పెన్షన్, CPRMS (మెడికల్ కార్డు) రెన్యువల్ కోసం మీసేవ కేంద్రాల్లో దరఖాస్తులు చేసుకోవాలని రామగుండం సింగరేణి యాజమాన్యం పేర్కొంది. సకాలంలో దరఖాస్తులు చేయకపోతే పెన్షన్ డబ్బులు ఆగిపోతాయని, హెల్త్ కార్డు వ్యాలిడిటీ ముగుస్తుందని పేర్కొన్నారు. సంస్థ ప్రయోజనాల కోసం వెంటనే దరఖాస్తులు చేసుకోవాలన్నారు.
News November 2, 2024
హుజురాబాద్ బ్రిడ్జిపై బోల్తాపడ్డ లారీ.. ట్రాఫిక్ జామ్
KNR జిల్లా హుజూరాబాద్ మండలం తుమ్మనపల్లి గ్రామ సమీపంలోని బ్రిడ్జిపై శుక్రవారం అర్ధరాత్రి ఓ లారీ ప్రమాదవశాత్తు బోల్తా పడింది. ఈ ఘటనలో లారీ డ్రైవర్ స్వల్ప గాయాలతో బయటపడ్డాడు. స్థానికులు అతడిని ఆస్పత్రికి తరలించారు. ఈ ఘటనతో వరంగల్-కరీంనగర్ రహదారిపై భారీగా వాహనాలు నిలిచి ట్రాఫిక్ జామ్ కావడంతో పోలీసులు ఘటనా స్థలానికి చేరుకొని క్లియర్ చేశారు.
News November 2, 2024
పెద్దపల్లి: సమగ్ర కుటుంబ సర్వే ప్రజాభిప్రాయ సేకరణలో కలెక్టర్
రాష్ట్ర ప్రభుత్వం చేపడుతున్న సమగ్ర కుటుంబంలో ప్రజలు స్వచ్ఛందంగా పాల్గొనే విజయవంతం చేయాలని బీసీ కమిషన్ ఛైర్మన్ నిరంజన్ అన్నారు. ఉమ్మడి కరీంనగర్ జిల్లా పరిధిలోని సమగ్ర కులాల స్థితిగతులపై ప్రజాభిప్రాయ సేకరణ కార్యక్రమం నిర్వహించారు. ఈ కార్యక్రమంలో పెద్దపెల్లి జిల్లా కలెక్టర్ కోయ శ్రీ హర్ష పాల్గొన్నారు. సమగ్రంగా అన్ని కులాల వారు ఎంత మంది ఏ స్థితిగతులలో ఉన్నారో తెలుసుకుంటుందని అన్నారు.
News November 2, 2024
ఉమ్మడి కరీంనగర్ జిల్లాలో నేటి టాప్ న్యూస్
@ రామడుగు మండలంలో కాలువలో దూకి వృద్ధుడి ఆత్మహత్య. @ ఎల్లారెడ్డిపేట మండలంలో బాలికపై వీధి కుక్క దాడి. @ కోరుట్ల లో గంగమ్మ ఆలయంలో చోరీ. @ జగిత్యాలలో పలు హోటళ్లలో తనిఖీలు నిర్వహించిన మున్సిపల్ అధికారులు. @ కరీంనగర్‌లో ప్రజాభిప్రాయాన్ని సేకరించిన బీసీ కమిషన్ సభ్యులు@ కుటుంబ సర్వేను పకడ్బందీగా నిర్వహించాలన్న సిరిసిల్ల కలెక్టర్@ జగిత్యాలలో షార్ట్ సర్క్యూట్ తో బట్టల షాపు దగ్ధం
News November 2, 2024
కరీంనగర్: బీసీ కమిషన్‌కు 213 విజ్ఞప్తులు
కరీంనగర్ కలెక్టరేట్‌లోని ఆడిటోరియంలో శుక్రవారం బీసీ కమిషన్ నిర్వహించిన ప్రజాభిప్రాయ సేకరణకు ఉమ్మడి కరీంనగర్ జిల్లా నుంచి 213 విజ్ఞప్తులు వచ్చాయి. వీటిలో కరీంనగర్ జిల్లా నుంచి 99 విజ్ఞప్తులు రాగా జగిత్యాల జిల్లా నుంచి 29, పెద్దపల్లి జిల్లా నుంచి 32, రాజన్నసిరిసిల్ల జిల్లా నుంచి 53 విజ్ఞప్తులు వచ్చాయి. సుమారు 9 గంటల పాటు బీసీ కమిషన్ సభ్యులు విజ్ఞప్తులను స్వీకరించారు.
News November 1, 2024
కథలాపూర్ పోలీస్ స్టేషన్‌ను తనిఖీ చేసిన డిఎస్పీ
కథలాపూర్ మండల కేంద్రంలోని పోలీస్ స్టేషన్‌ను మెట్‌పల్లి డిఎస్పీ ఉమామహేశ్వరరావు శుక్రవారం తనిఖీ చేశారు. పోలీస్ స్టేషన్ వార్షిక తనిఖీల్లో భాగంగా.. డిఎస్పీ ఉమామహేశ్వరరావు స్టేషన్‌లోని అన్ని విభాగాలను తనిఖీ చేశారు. పోలీస్ స్టేషన్ పరిధిలో నెలల వారీగా నమోదైన కేసులు, వాటి పరిష్కారం గురించి వివరాలు అడిగి తెలుసుకున్నారు. ఆయన వెంట కోరుట్ల సీఐ సురేష్‌బాబు, ఎస్ఐ నవీన్ కుమార్ ఉన్నారు.
News November 1, 2024
కరీంనగర్: కొనుగోళ్ల ప్రారంభం ఎప్పుడో?
కరీంనగర్ జిల్లాలో గత నెల రోజుల క్రితం వరి కోతలు మొదలయ్యాయి. అయితే కొనుగోళ్లు ప్రారంభం కాక.. కేంద్రాల్లోనే ధాన్యం కుప్పలుగా పేరుకుపోతున్నాయి. ఓ వైపు మబ్బులు కమ్ముకోవడంతో చేసేదేం లేక దళారులకు అమ్ముకుంటున్నారు. క్వింటాలుకు రూ.300 నుంచి రూ.400 వరకు నష్టపోతున్నారు. కాగా, ఈ సీజన్‌లో జిల్లా వ్యాప్తంగా 2.75 లక్షల ఎకరాల్లో వరి సాగు చేశారు.
News November 1, 2024
పెద్దపల్లి: నేడు దీపావళి వేడుకలు
ఉమ్మడి KNR జిల్లా వ్యాప్తంగా దీపావళి వేడుకలు గురువారం ఘనంగా జరగగా.. పలుచోట్ల నేడు నిర్వహించనున్నారు. ఈ క్రమంలో PDPL జిల్లాలోని పలు చోట్ల వేడుకలను నేడు ఘనంగా నిర్వహిస్తున్నారు. ఈ సందర్భంగా మహిళలు గ్రామ దేవత పోచమ్మ తల్లికి బోనాలు సమర్పించి కేదారేశ్వర నోమును పవిత్రంగా నోముకుంటారు. స్వాతి నక్షత్రం రావడంతో పెద్ద ఎత్తున నోములు నోముకుంటున్నారు. మరి దీపావళిని మీరు ఎలా జరుపుకున్నారు?
Featured News
Sorry, no posts matched your criteria.