India's largestHyperlocal short
news App
Get daily news updates that are tailored for you based on your preferred language & location.
download Way2News app now
Karimnagar
News January 29, 2025
కరీంనగర్ కలెక్టర్ కీలక ఆదేశాలు
ఎల్.ఆర్.ఎస్ 2020 పెండింగ్ దరఖాస్తుల ప్రక్రియను వేగవంతం చేసి వారం రోజుల్లోగా పూర్తి చేయాలని జిల్లా కలెక్టర్ పమేలా సత్పతి అధికారులను ఆదేశించారు. పెండింగ్ దరఖాస్తులపై ఇరిగేషన్, పంచాయతీ, రెవెన్యూ అధికారులతో మంగళవారం సమీక్ష నిర్వహించారు. దరఖాస్తులు ఎక్కువగా ఉన్న గ్రామాల్లో అదనపు సిబ్బందిని కేటాయిస్తామని తెలిపారు. ఎంపీఓలు, ఆర్ఐలు, పంచాయతీ కార్యదర్శులు, అసిస్టెంట్ ఇంజనీర్లు సమన్వయంతో పని చేయాలన్నారు.
News January 29, 2025
కరీంనగర్‌లో రాష్ట్రస్థాయి పోలీస్ క్రీడా పోటీలు ప్రారంభం
కరీంనగర్‌లో జరుగుతున్న రాష్ట్రస్థాయి పోలీస్ క్రీడోత్సవాల్లో భాగంగా మంగళవారం క్రీడా పతాకాన్ని ఆవిష్కరించి ఇంటెలిజెన్స్ డిజి శివధర్ రెడ్డి పోటీలను ప్రారంభించారు. ఏడేళ్ల అనంతరం జరుగుతున్న మూడో రాష్ట్ర స్థాయి పోలీస్ గేమ్స్ అండ్ స్పోర్ట్స్ మీట్లో ఆయన పాల్గొని ప్రసంగించారు. పోలీస్ ఉద్యోగం అంటేనే ఎంతో ఒత్తిడితో కూడిన ఉద్యోగం అని, ఇలాంటి పోటీల్లో ఉపశమనం కలుగుతుందన్నారు.
News January 28, 2025
సదరం క్యాంపు తేదీల ప్రకటన
కరీంనగర్ ప్రభుత్వ ఆసుపత్రిలో నిర్వహించే సదరం శిబిరం తేదీలను ఆసుపత్రి వర్గాలు ప్రకటించాయి. ఆర్థోకి సంబంధించిన వారు ఫిబ్రవరి 3, 4 & మార్చి 4, మానసిక రోగులు ఫిబ్రవరి 6 & మార్చి11, కంటి చూపు ఫిబ్రవరి 10 & మార్చి 18న, చెవిటి మూగవారికి ఫిబ్రవరి 13 & మార్చి 24 తేదీలలో క్యాంపు నిర్వహిస్తున్నట్లు తెలిపారు. మీసేవ కేంద్రాలలో స్లాట్ బుక్ చేసుకొని నిర్ధారించిన తేదీలో రసీదు ఆధార్ కార్డు వెంట తీసుకురావాలన్నారు.
News January 28, 2025
KNR: పోలీస్ గేమ్స్ అండ్ స్పోర్ట్స్ మీట్ పోటీల వివరాలు
తెలంగాణ రాష్ట్ర స్థాయి పోలీస్ గేమ్స్ అండ్ స్పోర్ట్స్ మీట్ కరీంనగర్‌లో నిర్వహించనున్నారు. ఈ పోటీల్లో నిర్వహించే క్రీడలు ఫుట్బాల్, కబడ్డీ, ఖో ఖో,వాలీబాల్, అథ్లెటిక్స్, హ్యాండ్ బాల్, రెజ్లింగ్, స్విమ్మింగ్, వాటర్ స్పోర్ట్స్, షటిల్ బ్యాట్మెంటన్, జూడో, వెయిట్ లిఫ్టింగ్, పవర్ లిఫ్టింగ్, హాకీ, లాన్ టెన్నిస్, టేబుల్ టెన్నిస్, యోగా, తదితర 29 క్రీడాంశాలలో పోటీలను నిర్వహించనున్నారు.
News January 28, 2025
HZB: బ్యాడ్ డే.. నిన్న ఒక్కరోజే నియోజకవర్గంలో 3 యాక్సిడెంట్స్
KNR జిల్లా హుజూరాబాద్ నియోజకవర్గం నిన్న ప్రమాదాలకు అడ్డాగా మారింది. సోమవారం నియోజకవర్గంలో 3 యాక్సిడెంట్స్ జరిగాయి. కమలాపూర్ మండలంలో బస్సు, ట్రాలీ ఢీకొనగా 13 మంది గాయపడ్డారు. HZB మండలం రంగాపూర్‌లోని జూపాక క్రాస్ రోడ్డులో రెండు బైకులు ఢీకొనగా ఇద్దరికీ గాయాలయ్యాయి. HZB మండలం మందాడిపల్లిలో గుర్తుతెలియని వాహనం ఢీకొని ఒకరు మృతిచెందారు. HZBకు సమీపంలోని ఎల్కతుర్తిలో లారీ ఢీకొని ఒకరు మృతిచెందడం గమనార్హం.
News January 28, 2025
కరీంనగర్: మా సమస్యను తీర్చండి.. ప్రజావాణికి ఫిర్యాదుల వెల్లువ
ప్రజావాణికి ఫిర్యాదులు వెల్లువెత్తాయి. పలు సమస్యల్ని KNR కలెక్టర్‌కు విన్నవించారు. HZBకు చెందిన వీరగోని రవళి భర్త చనిపోగా.. తన ఇంటిని అత్త, మామ, ఆడపడుచులు అమ్మారని పేర్కొంది. రోడ్డు విస్తరణ పేరుతో నిర్మాణాలు కూల్చివేతలు చేస్తున్నారని తీగలగుట్టపల్లికి చెందిన పలువురు ఫిర్యాదు చేశారు. అనుమతి లేకుండా ఇటుక బట్టీలు నిర్వహిస్తున్నారని ఇరుకుల్లకు గ్రామస్థులు ప్రజావాణిలో ఫిర్యాదు చేశారు.
News January 27, 2025
కరీంనగర్: ప్రజావాణి ఫిర్యాదులను సత్వరం పరిష్కరించాలి: కలెక్టర్
ప్రజావాణి ఫిర్యాదులను వివిధ శాఖల అధికారులు క్షేత్రస్థాయిలో పరిశీలించి త్వరగా పరిష్కరించాలని కలెక్టర్ పమేలా సత్పతి ఆదేశించారు. సోమవారం కలెక్టరేట్ ఆడిటోరియంలో ప్రజావాణి నిర్వహించగా ప్రజావాణికి మొత్తం 298 దరఖాస్తులు రాగా ఇందులో అత్యధికంగా కరీంనగర్ నగర పాలిక సంస్థకు 45, కరీంనగర్ రూరల్ తహశీల్దార్ కార్యాలయానికి 18, కొత్తపెల్లి తహశీల్దార్ కార్యాలయానికి 13 దరఖాస్తులు వచ్చినట్లు పేర్కొన్నారు.
News January 27, 2025
KNR: టాస్క్ ఆధ్వర్యంలో ఉచిత టెక్నికల్ శిక్షణ తరగతులు
ఉచిత టెక్నికల్ శిక్షణ తరగతులు నిర్వహిస్తున్నట్లు టాస్క్ ప్రతినిధులు తెలిపారు. ఇంజినీరింగ్, డిగ్రీ ఉత్తీర్ణులై సాప్ట్‌వేర్ ఉద్యోగ ప్రయత్నాల్లో ఉన్న నిరుద్యోగ యువతకి టెక్నికల్ స్కిల్స్ కోసం ఉచితంగా శిక్షణ ఇవ్వనున్నట్లు పేర్కొన్నారు. ఈ తరగతులకు హాజరు కావాలనుకున్న అభ్యర్థులు ఈ నెల 29 సాయంత్రం 5 గంటలలోపు KNR IT టవర్ లోని మొదటి అంతస్తులో గల టాస్క్ కార్యాలయంలో సంప్రదించాలని సూచించారు.
News January 27, 2025
కరీంనగర్: కార్పొరేషన్ ప్రత్యేకాధికారిగా కలెక్టర్ పమేలా సత్పతి
కరీంనగర్ నగరపాలక సంస్థ పాలకవర్గ పదవీకాలం ఈ నెల 28తో ముగియనుండడంతో రాష్ట్ర ప్రభుత్వం ప్రత్యేకాధికారిగా కలెక్టర్ పమేలా సత్పతిని నియమించింది. ఆదివారం జమ్మికుంట, హుజురాబాద్, చొప్పదండి మున్సిపాలిటీల పాలకవర్గం పదవీకాలం ముగియడంతో ఆ మూడు మున్సిపాలిటీలకు అదనపు కలెక్టర్ (స్థానిక సంస్థలు) ప్రపుల్ దేశాయ్‌ని నియమించింది.
News January 27, 2025
కాళేశ్వరం ఆలయ ఈఓ మారుతిపై వేటు
కాళేశ్వరం ఆలయంలో గత సోమవారం గర్భగుడి తలుపులు మూసేసి ప్రైవేట్ షూటింగ్ నిర్వహించడం రాష్ట్రవ్యాప్తంగా హాట్ టాపిక్‌గా మారి దుమారంలేపింది. భక్తులు, ప్రజా సంఘాల నేతలు పెద్ద ఎత్తున అసహనం వ్యక్తం చేశారు. ఈ ఘటనపై స్పందించిన దేవాదాయ శాఖ అధికారులు విచారణ చేపట్టి విధుల్లో నిర్లక్ష్యం వహించిన ఆలయ ఈవో మారుతిపై వేటు వేస్తూ ఆలయ ఇన్‌ఛార్జి బాధ్యతల నుంచి తొలగిస్తూ దేవాదాయ శాఖ ఏడీసీ జ్యోతి ఉత్తర్వులు జారీ చేశారు.
Featured News
Sorry, no posts matched your criteria.