India's largestHyperlocal short
news App
Get daily news updates that are tailored for you based on your preferred language & location.
download Way2News app now
Khammam
News November 8, 2024
ఉమ్మడి ఖమ్మం జిల్లాను వణికిస్తున్న చలి
ఉమ్మడి ఖమ్మం జిల్లాలో చలితీవ్రత క్రమంగా పెరుగుతోంది. రాత్రి కనిష్ఠ ఉష్ణోగ్రతలు నమోదవుతుండటంతో జనం వణికిపోతున్నారు. ఖమ్మం, భద్రాద్రి జిల్లాలో ఉదయం ఉష్ణోగ్రతలు సుమారు 15 డిగ్రీలు నమోదవుతోంది. ఈసారి ఉష్ణోగ్రతలు గణనీయంగా తగ్గుతాయని వాతవరణ శాఖ సూచిస్తున్న నేపథ్యంతో.. చిన్నపిల్లలు వృద్ధుల పట్ల తగు జాగ్రత్తలు పాటించాలని వైద్యాధికారులు సూచిస్తున్నారు.
News November 8, 2024
ఖమ్మం: సమగ్ర సర్వేపై కలెక్టర్ టెలికాన్ఫరెన్స్
ఖమ్మం జిల్లాలో రాష్ట్ర ప్రభుత్వం చేపట్టిన సమగ్ర ఇంటింటి కుటుంబ సర్వే పకడ్బందీగా నిర్వహించాలని జిల్లా కలెక్టర్ ముజమ్మిల్ ఖాన్ అన్నారు. జిల్లా కలెక్టర్ సమగ్ర ఇంటింటి కుటుంబ సర్వే నిర్వహణపై టెలీ కాన్ఫరెన్స్ ద్వారా అధికారులతో సమీక్షించారు. సర్వే నిర్వహణకు నిర్దేశించిన ఫార్మాట్లో ఫారాలు సిద్ధమయ్యాయా, సిబ్బందికి అవసరమైన పరికరాలు, స్టేషనరీ ఐటెమ్స్ పంపిణీ మొదలగు వివరాలను కలెక్టర్ అడిగి తెలుసుకున్నారు.
News November 8, 2024
“తోపుడు బండి సాదిక్” ఇక లేరు.. ఎక్స్‌లో హరీశ్ రావు ఎమోషనల్ ట్వీట్
కల్లూరుకు చెందిన “తోపుడు బండి సాదిక్”గా పేరొందిన సాదిక్ అలీ మృతి బాధాకరమని బీఆర్ఎస్ నేత, మాజీ మంత్రి హరీశ్ రావు పేర్కొన్నారు. ఈ మేరకు ఆయన గురువారం X ఎక్స్ వేదికగా ఎమోషనల్ ట్వీట్ చేశారు. వివిధ రకాలుగా సాదిక్ చేసిన సామాజిక సేవా కార్యక్రమాలు ప్రజల మనసులో ఎప్పటికీ నిలిచిపోతాయని తెలిపారు. పిల్లల్లో పుస్తక పఠనాన్ని ప్రోత్సహించేందుకు తోపుడు బండిలో పుస్తకాలు పెట్టుకుని పంపిణీ చేశారని చెప్పారు.
News November 8, 2024
భద్రాద్రి: డిజిటల్ లైబ్రరీని ప్రారంభించిన జిల్లా ప్రధాన న్యాయమూర్తి
భద్రాద్రి కొత్తగూడెం జిల్లా న్యాయవాదుల సంఘం లైబ్రరీ హాల్లో ఏర్పాటు చేసిన డిజిటల్ లైబ్రరీని గురువారం జిల్లా ప్రధాన న్యాయమూర్తి పాటిల్ వసంత్ ప్రారంభించారు. తెలంగాణ రాష్ట్రంలో తొలి డిజిటల్ లైబ్రరీని కొత్తగూడెం బార్ అసోసియేషన్‌లో ప్రారంభించడం చాలా శుభపరిణామని, న్యాయవాదులు డిజిటల్ లైబ్రరీని సమర్థవంతంగా వినియోగించుకోవడం ద్వారా తమ వృత్తి నైపుణ్యతను మెరుగుపరుచుకోవచ్చుననీ న్యాయమూర్తి తెలిపారు.
News November 7, 2024
ఉమ్మడి ఖమ్మం జిల్లాలో ఈరోజు ముఖ్య అంశాలు
∆}KMM: కేటీఆర్ పాదయాత్రపై మంత్రి పొంగులేటి సెటైర్ ∆}బోనకల్‌లో అభివృద్ధి పనులకు శంకుస్థాపన చేసిన డిప్యూటీ సీఎం∆}భద్రాద్రి: సీసీఐ కేంద్రం వద్ద రైతుల ఆందోళన ∆}మధిర శివాలయంలో భక్తుల ప్రత్యేక పూజలు∆}ఖమ్మం: పుణ్య క్షేత్రాలకు ప్రత్యేక బస్సులు∆}తల్లాడ: ఐకేపీ సెంటర్‌ను ప్రారంభించిన ఎమ్మెల్యే రాగమయి∆}చుంచుపల్లి: ‘వరి ధాన్యంపై బోనస్ ప్రకటించడం ఓ వరం’
News November 7, 2024
ఖమ్మం: పుణ్యక్షేత్రాలకు ప్రత్యేక బస్సులు
కార్తీకమాసం సందర్భంగా ఈ నెల 10 తేదిన ఉమ్మడి ఖమ్మం జిల్లా రీజియన్‌లోని ఖమ్మం, మధిర, సత్తుపల్లి, భద్రాచలం, కొత్తగూడెం, మణుగూరు, ఇల్లందు డిపోల నుంచి పంచరామాలు, అన్నవరానికి వెళ్లే భక్తులకు సౌకర్యార్థం ప్రత్యేక బస్సులు నడుపుతున్నట్టు ఖమ్మం జిల్లా రీజినల్ మేనేజర్ సరిరామ్ తెలిపారు. సీట్లు బుకింగ్ కొరకు www.tgsrtcbus.in సంప్రదించాల్సిందిగా కోరారు.
News November 7, 2024
KMM: వార్డు సభ్యుడిగా చేయాలన్నా పోటీనే!
కులగణన తర్వాత సర్పంచ్ ఎన్నికలు నిర్వహించనున్న సంగతి తెలిసిందే. దీనికి 2,3 నెలలు సమయం పట్టే అవకాశముండగా గ్రామాల్లో అప్పుడే ఎన్నికల హీట్ కనిపిస్తోంది. పలు కారణాలతో గతంలో పోటీ నుంచి చేయనివారు వారు ఈసారి సై అంటున్నారు. సర్పంచ్ సంగతి పక్కన పెడితే వార్డు సభ్యుడిగా చేయాలన్నా కొన్ని చోట్ల పోటీ ఉంది. వార్డు సభ్యుడిగా గెలిచి ఉపసర్పంచ్ దక్కించుకోవాలని కొందరు ఉవ్విళ్లూరుతున్నారు. మరి మీ ప్రాంతంలో ఎలా ఉంది.
News November 7, 2024
పాకెట్ గైడ్ భవిష్యత్ తరాలకు అవగాహన కల్పించేందుకు దోహదం: భట్టి
పక్షుల గురించి భవిష్యత్ తరాలకు అవగాహన కల్పించేందుకు హైదరాబాద్ బర్డింగ్ పాల్స్ సభ్యులచే అనుసంధానం చేయబడిన “బర్డ్స్ ఆఫ్ తెలంగాణ” పాకెట్ గైడ్ ఉపయోగపడుతుందని డిప్యూటీ సీఎం భట్టి విక్రమార్క తెలిపారు. బుధవారం ప్రజా భవన్ లో హైదరాబాద్ బర్డింగ్ పాల్స్(HBP) సభ్యులచే అనుసంధానం చేయబడిన “బర్డ్స్ ఆఫ్ తెలంగాణ” పాకెట్ గైడ్ ను డిప్యూటీ సిఎం ఆవిష్కరించారు. పక్షుల వల్ల అనేక ప్రయోజనాలు ఉన్నాయని భట్టి పేర్కొన్నారు.
News November 6, 2024
ఖమ్మం: గత నెలలో డయల్-100 కు ఎన్ని కాల్స్ వచ్చాయంటే?
సమాజంలో పెరిగిపోతున్న నేర ప్రవృత్తి నేపథ్యంలో ప్రజల దాన, మాన, ప్రాణాల రక్షణే ధ్యేయంగా ఏర్పాటైన డయల్-100 కు పోలీస్ కమిషనరేట్ పరిధిలో గత నెలలో 4,481 కాల్స్ వచ్చాయని సీపీ సునీల్ దత్ తెలిపారు. వీటిపై 74 ఎఫ్ఐఆర్ నమోదు చేశామని, వీటిలో మహిళలపై వేధింపులు-1, దొంగతనాలు-4, సాధారణ ఘటనలు-24, యాక్సిడెంట్లు-12, అనుమానస్పద మరణాలు-10, ఇతర కేసులు- 23 అన్నారు. డయల్-100 కు అత్యవసర సమయాల్లో మాత్రమే ఫోన్ చేయాలన్నారు.
News November 6, 2024
విష జ్వరంతో నాలుగేళ్ల చిన్నారి మృతి
జ్వరంతో నాలుగేళ్ల చిన్నారి మృతి చెందిన ఘటన బుధవారం రఘునాథపాలెంలో చోటు చేసుకుంది. స్థానికుల కథనం ప్రకారం.. పరికలబోడుతండాకు చెందిన సురేశ్ పెద్ద కుమార్తె కుషి(4)కి కొన్ని రోజులు నుంచి జ్వరం వస్తుండడంతో RMP వద్దనే చికిత్స చేయించారు. చిన్నారి ఆరోగ్యం విషమించడంతో చిన్నారిని ఖమ్మంలోని ఆసుపత్రికి తరలించగా ప్లేట్ లెట్స్ పడిపోవడంతో చికిత్స పొందుతూ మరణించింది. వారం రోజుల కిందటే చిన్నారి బర్త్ డే జరిపారు.
Featured News
Sorry, no posts matched your criteria.