India's largestHyperlocal short
news App
Get daily news updates that are tailored for you based on your preferred language & location.
download Way2News app now
Khammam
News October 28, 2024
కార్యకర్తలకు, అభిమానులకు పొంగులేటి సూచన
ఖమ్మం: బొకేలు, శాలువాలు వద్దని, కరచాలనమే ముద్దని మంత్రి పొంగులేటి శ్రీనివాస రెడ్డి అన్నారు. నేడు తన పుట్టినరోజు సందర్భంగా నేరుగా కలిసి శుభాకాంక్షలు తెలపడానికి వచ్చే అభిమానులు, నాయకులు, కార్యకర్తలందరూ అవేమి లేకుండానే రావాలని సూచించారు. ఆయా ప్రాంతాల్లోనూ హంగు ఆర్భాట కార్యక్రమాలను తగ్గించుకుని, పేద విద్యార్థులకు నోటు పుస్తకాల పంపిణీ, పేద ప్రజలకు వస్త్రాల పంపిణీ చేయాలనీ పేర్కొన్నారు.
News October 27, 2024
మధిరకు ప్రభుత్వ ఐటీఐ కాలేజీ మంజూరు
మధిరలో ప్రభుత్వ ఐటీఐ ఏర్పాటుకు ప్రభుత్వం అనుమతులు మంజూరు చేసింది. ఐటీఐలో ఎలక్ట్రిషియన్, ఫిట్టర్, ఐవోటీ స్మార్ట్ అగ్రికల్చర్, ఫ్యాషన్ డిజైన్ టెక్నాలజీ, మెకానిక్ ఎలక్ట్రిక్ వెహికల్ వంటి ఐదు ట్రేడ్లలో 200 సీట్లతో నైపుణ్య శిక్షణ అందించనున్నారు. నిర్మాణం కోసం రూ.11.37 కోట్లు కేటాయించింది. మొత్తం 21 ఉద్యోగాలు మంజూరయ్యాయి.
News October 27, 2024
డిప్యూటీ సీఎం పర్యటనకు పకడ్బందీగా ఏర్పాట్లు: కలెక్టర్
ఖమ్మం జిల్లా కలెక్టరేట్ కు నేడు ఉదయం పలు ప్రారంభోత్సవాలకు డిప్యూటీ సీఎం రానున్నారు. ఈ నేపథ్యంలో ఏర్పాట్లు పకడ్బందీగా చేయాలని జిల్లా కలెక్టర్ ముజమ్మిల్ ఖాన్ సంబంధిత అధికారులను ఆదేశించారు. కలెక్టరేట్‌లో డిప్యూటీ సీఎం చేతుల మీదుగా ప్రారంభోత్సవానికి సిద్ధంగా ఉన్న బస్ స్టాప్, ఇందిరా మహిళా శక్తి క్యాంటీన్, ఫీడింగ్ రూమ్, బ్యాంకు, భోజనశాలను పరిశీలించారు.
News October 26, 2024
ఖమ్మం – హైదరాబాద్ రాజధాని నాన్ స్టాప్ బస్సులు
ఖమ్మం నుంచి హైదరాబాద్ వెళ్ళు ప్రయాణికుల సౌకర్యార్థం కొత్త రాజధాని ఏసీ నాన్ స్టాప్ బస్సులను ఈ నెల 28 నుంచి నడుపుతున్నట్లు ఖమ్మం డిపో మేనేజర్ దినేష్ కుమార్ ఓ ప్రకటనలో తెలిపారు. ప్రయాణికులు ఈ అవకాశం వినియోగించుకోవాలని ఆయన కోరారు. అడ్వాన్స్ – టికెట్ల కోసం www.tgsrtcbus.in వెబ్ సైట్‌లో బుకింగ్ చేసుకోవాలన్నారు.
News October 26, 2024
ఇందిరమ్మ ఇళ్ల కోసం ప్రత్యేక యాప్: మంత్రి పొంగులేటి
తెలంగాణ రాష్ట్రంలో ఇందిరమ్మ ఇళ్ల ల‌బ్దిదారుల ఎంపికకు ప్రత్యేక యాప్ ను రూపొందించామ‌ని మంత్రి పొంగులేటి శ్రీ‌నివాస‌రెడ్డి వెల్ల‌డించారు. ల‌బ్దిదారుల ఎంపిక పార‌ద‌ర్శ‌కంగా ఉంటుంద‌ని, రాజ‌కీయ పార్టీలు, ప్రాంతాలు అనే భేదం లేకుండా అర్హులైన ప్ర‌తి ఒక్క‌రికి ఇందిరమ్మ ఇండ్లు ఇస్తామ‌ని తెలిపారు. ఎంపిక కోసం రూపొందించిన యాప్‌ను శ‌నివారం స‌చివాలయంలోని తన కార్యాల‌యంలో మంత్రి పరిశీలించారు.
News October 26, 2024
ఖమ్మం: యాచకుడిని మోసం చేసిన వ్యాపారి
ఖమ్మం జిల్లా బోనకల్ మండలంలో యాచకుడిని వ్యాపారి మోసం చేసిన విచిత్రమైన ఘటన జరిగింది. సాయిబాబా గుడి వద్ద యాచన చేసే అశోక్ తన సొమ్ము రూ.50వేలను స్థానిక వ్యాపారి నరసింహారావుకు అప్పుగా ఇచ్చాడు. ఆ వ్యాపారి ఐపీ పెట్టి మోసం చేశాడు. ఈ ఘటనతో పాటు 85 మందిని నరసింహారావు మోసం చేసినట్లు సమాచారం. కాగా కూతురి భవిష్యత్ కోసం డబ్బు దాచుకున్నట్లు యాచకుడు వాపోయాడు.
News October 26, 2024
నేటి నుంచే పాపికొండల యాత్ర
నేటి నుంచి పాపికొండల యాత్ర ప్రారంభమవుతుంది. భద్రాచలం నుంచి రాజమండ్రి వరకూ.. రాజమండ్రి నుంచి భద్రాచలం వరకూ ఈ యాత్ర సాగనుంది. ప్రస్తుతం గోదావరి నీటిమట్టం నిలకడగా ఉండటంతో 4 నెలల తర్వాత పాపికొండల యాత్ర ఈరోజు నుంచి ప్రారంభమవుతుంది. ఇందుకోసం టూరిజంశాఖ గ్రీన్ సిగ్నల్ ఇచ్చింది. దేవీపట్నం మండలం పోచమ్మ గండి నుంచి టూరిజం బోట్లు బయల్దేరనున్నాయి.
News October 26, 2024
కొత్తగూడెం: అంతర్రాష్ట్ర దొంగను పట్టుకున్న పోలీసులు
యాదాద్రి జిల్లా చౌటుప్పల్ పోలీసులు నరేశ్ అనే అంతర్రాష్ట్ర దొంగను పట్టుకున్నారు. అతణ్ని విచారించగా చాలా చోట్ల చోరీలు చేసినట్లు ఒప్పుకున్నాడు. తెలుగు రాష్ట్రాల్లో అతనిపై 15 కేసులు ఉన్నట్లు చౌటుప్పల్ పోలీస్ ఇన్స్పెక్టర్ మన్మధ కుమార్ పేర్కొన్నారు. నరేశ్‌ది భద్రాద్రి జిల్లా జూలూరుపాడులోని ఎస్సీ కాలనీగా గుర్తించారు.
News October 26, 2024
ఖమ్మం జిల్లాలో తగ్గుతున్న ఉష్ణోగ్రతలు
ఉమ్మడి ఖమ్మం జిల్లాలో ఉష్ణోగ్రతలు క్రమంగా తగ్గుతున్నాయి. భద్రాద్రి జిల్లాలో ఉదయం కనిష్ఠ ఉష్ణోగ్రత 15 డిగ్రీలు, ఖమ్మం జిల్లాలో 16 డిగ్రీలకు చేరింది. ఉదయం, రాత్రి వేళల్లో చలి తీవ్రతకు తోడు చల్లగాలులు వీస్తుండటంతో ప్రజలు బయటకు రాలేకపోతున్నారు. ఉష్ణోగ్రతలు గణనీయంగా పడిపోతుండటంతో చిన్నారులు, వృద్ధులు తీవ్ర ఇబ్బందులు పడుతున్నారు. ప్రజలు అప్రమత్తంగా ఉండాలని, జాగ్రత్తలు తీసుకోవాలని వైద్యులు చెబుతున్నారు.
News October 26, 2024
ఖమ్మం కమిషనరేట్ లో ప్రాంతీయ ఫోరెన్సిక్ సైన్స్ లాబొరేటరీ: సీపీ
ప్రాంతీయ ఫోరెన్సిక్ సైన్స్ లాబొరేటరీ ఖమ్మం కమిషనరేట్లో అందుబాటులోకి వచ్చిందని పోలీస్ కమిషనర్ సునీల్ దత్ తెలిపారు. ఉమ్మడి ఖమ్మం జిల్లాతో పాటు MHBB, సూర్యాపేట జిల్లాలకు అందుబాటులో వుండే విధంగా జూబ్లీపురా, SBI బ్యాంక్ ఎదురుగా వున్న ప్రభుత్వ భవనంలో ప్రాంతీయ ఫోరెన్సిక్ సైన్స్ లాబొరేటరీ ఏర్పాటు చేసినట్లు తెలిపారు. ఈ 4 జిల్లాలకు ఫోరెన్సిక్ సైన్స్ లేబొరేటరీ సేవలు అందుబాటులో ఉంటాయని పేర్కొన్నారు.
Featured News
Sorry, no posts matched your criteria.