India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mahbubnagar
News March 30, 2025
MBNR: జిల్లా కోర్టులో డిజిటలైజేషన్ సేవలు: శ్రీదేవి
జిల్లా కోర్టులో డిజిటలైజేషన్ ఆఫ్ రికార్డ్స్ సేవల్ని శనివారం రాష్ట్ర హైకోర్టు న్యాయమూర్తి శ్రీదేవి ప్రారంభించారు. శనివారం జిల్లా కేంద్రానికి వచ్చిన ఆమెకు ఆర్అండ్బీ అతిథిగృహంలో జిల్లా జడ్జి పాపిరెడ్డి, జిల్లా కలెక్టర్ విజయేంద్ర బోయి, ఎస్పీ జానకిలు పుష్పగుచ్ఛాన్ని అందజేసి ఘన స్వాగతం పలికారు. అనంతరం న్యాయమూర్తులతో సమావేశం నిర్వహించారు. ఈకార్యక్రమంలో అదనపు కలెక్టర్ శివేంద్ర ప్రతాప్ ఉన్నారు.
News March 30, 2025
MBNR: ఇక సిద్ధం అవ్వండి: కలెక్టర్
2025 యాసంగి ధాన్యం సేకరణకు యంత్రాంగం సిద్ధమవ్వాలని జిల్లా కలెక్టర్ విజయేంద్ర బోయి అన్నారు. శనివారం కలెక్టరేట్ కార్యాలయంలో వ్యవసాయ శాఖ అధికారులు రైస్ మిల్లర్లతో కలెక్టర్ సమీక్ష నిర్వహించారు. ఈ రబీ సీజన్లో వరి ధాన్యం కొనుగోలు చేసేందుకు ప్రభుత్వ ఆదేశాలను అనుసరించి ఐకేపీ ద్వారా ఎక్కువ వరి ధాన్యం కొనుగోలు కేంద్రాలను ఏర్పాటు చేయనున్నామన్నారు.
News March 30, 2025
MBNR: అక్రమ సంబంధం పెట్టుకున్నాడని ఓ వ్యక్తిపై దాడి.. చివరికి!
అక్రమ సంబంధం పెట్టుకున్నాడని ఓ వ్యక్తిపై దాడి జరిగిన సంఘటన బాలానగర్ మండల కేంద్రంలో జరిగింది. సీఐ నాగార్జున వివరాల ప్రకారం.. మండల కేంద్రానికి చెందిన జహంగీర్, ఓ గిరిజన మహిళతో గత 10 ఏళ్లుగా అక్రమ సంబంధం కొనసాగిస్తున్నాడు. 3 రోజుల క్రితం ఆ మహిళ కుమారుడు జహంగీర్ అనే వ్యక్తిపై దాడి చేయగా గాయపడ్డాడు. మరుసటి రోజు మరణించాడు. కేసు నమోదు చేసి, సిద్ధార్థ అనే వ్యక్తిని రిమాండ్ తరలించినట్లు సీఐ తెలిపారు.
News March 30, 2025
MBNR: ప్రజలకు ఉగాది శుభాకాంక్షలు తెలిపిన ఎస్పీ
మహబూబ్ నగర్ జిల్లా ప్రజలకు ఎస్పీ జానకి ధరావత్ శనివారం ఉగాది శుభాకాంక్షలు తెలియజేశారు. జీవితం తీపి, చేదుల సమ్మేళనం అయినప్పటికీ కూడా అవన్నీ మన అభ్యున్నతికి పునాదులుగా నిలవాలన్నారు. కుటుంబ సభ్యులు బంధుమిత్రులతో సంతోషంగా పండగలు చేసుకోవాలని సూచించారు. రైతాంగానికి సంపూర్ణమైన ఫలితాలు దక్కి రాష్ట్రంలో వ్యవసాయం ఎంతో పురోగతి సాధించాలని కాంక్షిస్తున్నట్టు వెల్లడించారు.
News March 30, 2025
ఉమ్మడి జిల్లాలో నేటి..TOP NEWS!!
❤అల్లా కటాక్షంతో ప్రజలు సుభిక్షంగా వర్ధిల్లాలి:CM రేవంత్ రెడ్డి❤మన్యంకొండ దేవస్థానానికి పోటెత్తిన భక్తులు❤ఇఫ్తార్ విందు.. పాల్గొన్న నేతలు❤కొడంగల్ ప్రజలు రాష్ట్రన్ని పాలించే శక్తిని ఇచ్చారు: సీఎం❤ఉగాది,రంజాన్ EFFECT.. రద్దీగా మారిన బస్టాండ్లు❤సింగపూర్ ఉగాది వేడుకల్లో పాల్గొన్న ఎంపీ డీకే అరుణ❤రేపే ఉగాది వేడుకలు❤NGKL:మెడికల్ కళాశాలలో ర్యాగింగ్ కలకలం❤పలుచోట్ల డ్రంక్ అండ్ డ్రైవ్
News March 29, 2025
అల్లా కటాక్షంతో ప్రజలు సుభిక్షంగా వర్ధిల్లాలి: CM రేవంత్
రంజాన్ మాసం ఎంతో పవిత్రమైందని రంజాన్ మాసంలో ముస్లిం సోదరులు ఉపవాస దీక్షలతో అల్లాను కొలుస్తారని సీఎం రేవంత్ రెడ్డి పేర్కొన్నారు. శనివారం కొడంగల్ పట్టణంలో ప్రభుత్వ పరంగా నిర్వహించిన “రంజాన్ ఇఫ్తార్ విందు”లో ముఖ్యమంత్రి రేవంత్ రెడ్డి పాల్గొని ప్రత్యేక ప్రార్థనలు చేశారు. అల్లా కటాక్షంతో ప్రజలు సుభిక్షంగా ఉండాలన్నారు. ప్రజా ప్రతినిధులు, మైనారిటీ సోదరులు పెద్ద ఎత్తున తరలివచ్చారు.
News March 29, 2025
MBNR: రైతులకు ఇబ్బంది లేకుండా ధాన్యసేకరణ: కలెక్టర్
ధాన్యం సేకరణలో రైతులకు ఎలాంటి ఇబ్బందులు లేకుండా చూడాలని జిల్లా కలెక్టర్ విజయేంద్ర బోయి అధికారులను ఆదేశించారు. శనివారం తన ఛాంబర్‌లో యాసంగి ధాన్య సేకరణపై సమీక్షించారు. యాసంగి వరి పంటకు కేంద్ర, రాష్ట్ర ప్రభుత్వాలు ఏ గ్రేడ్ రకానికి రూ.2,320, సాధారణ రకానికి రూ.2,300 చొప్పున మద్దతు ధర ప్రకటించిందన్నారు. అంతేకాకుండా సన్న ధాన్యాన్నికి క్వింటాల్ కు రూ.500 బోనస్ ప్రకటించిదన్నారు.
News March 29, 2025
MBNR: ఉగాది.. షడ్రుచుల సమ్మేళనం!
ఉమ్మడి మహబూబ్ నగర్ జిల్లా వ్యాప్తంగా ఉగాది పండగకు ఇప్పటికే అన్ని ఏర్పాట్లు పూర్తి అయ్యాయి. ఉగాది అంటేనే గుర్తుకొచ్చేది పచ్చడి. ఉగాది పచ్చడి.. తీపి, కారం, చేదు, పులుపు, వగరు, ఉప్పు వంటి షడ్రుచుల సమ్మేళనం. ఉగాది పచ్చడి అనేది జీవితంలో జరిగే వివిధ అనుభవాలను సూచిస్తుంది అని పెద్దల నమ్మకం. ఉగాది/యుగాది, సంవత్సరాది అని పిలుస్తారు. భక్తులు ప్రత్యేక పూజలు నిర్వహించేందుకు ఆలయాలు ముస్తాబు చేశారు.
News March 29, 2025
MBNR: అమ్మాయిలను వేధిస్తే కఠిన చర్యలు.. పోలీసుల WARNING
పాలమూరు పరిధి MBNR, NGKL, WNP, GDWL, NRPT జిల్లాల్లో పోక్సో చట్టంపై పోలీసులు అవగాహన కల్పిస్తున్నారు. ఎవరైనా అమ్మాయిలను వేధించినా.. అసభ్యంగా ప్రవర్తించినా కఠిన చర్యలు తీసుకుంటామని హెచ్చరించారు. ఇకపై రద్దీ ప్రాంతాల్లో మఫ్టీలో షీటీమ్ సభ్యుల నిఘా ఉంటుందన్నారు. ఆకతాయి పనులు చేసి జీవితాలు నాశనం చేసుకోవద్దని హెచ్చరించారు. బాలికలు, యువతులు, మహిళలు వేధింపులకు గురైతే 100కు కాల్ చేయాలని సూచించారు. SHARE IT
News March 29, 2025
MBNR: నేషనల్ ఖో-ఖో జట్టుకు ఎంపిక
మహబూబ్ నగర్ జిల్లా నుంచి 57వ సీనియర్ నేషనల్ ఖోఖో ఛాంపియన్ షిప్-2024-25కు మంగలి శ్రీలక్ష్మి, కే.శ్వేత, ఎరుకలి శశిరేఖ ఎంపికయ్యారు. వీరు తెలంగాణ రాష్ట్రం ఖోఖో మహిళా జట్టు నుంచి ప్రాతినిధ్యం వహించనున్నారు. ఒడిశాలో ఈనెల 31 నుంచి వచ్చేనెల 4 వరకు ఈ టోర్నీ జరగనుంది. దీంతో ఎంపికైన క్రీడాకారులకు ఆయా పాఠశాల ఉపాధ్యాయులు, ఉమ్మడి జిల్లా నేతలు, తదితరులు అభినందించారు. CONGRATULATIONS❤
Featured News
Sorry, no posts matched your criteria.