India's largestHyperlocal short
news App
Get daily news updates that are tailored for you based on your preferred language & location.
download Way2News app now
Medak
News August 16, 2025
మెదక్ జిల్లాలో వెయ్యి కోట్ల అభివృద్ధి పనులు: మంత్రి వివేక్
కాంగ్రెస్ ప్రభుత్వం అధికారంలోకి వచ్చాక మెదక్ జిల్లాలో వెయ్యి కోట్ల రూపాయల విలువైన అభివృద్ధి, సంక్షేమ కార్యక్రమాలు చేపట్టిందని మంత్రి డాక్టర్ గడ్డం వివేక్ వెంకటస్వామి అన్నారు. 79వ స్వాతంత్ర దినోత్సవం సందర్భంగా జిల్లా కేంద్రంలోని పోలీస్ పెరేడ్ గ్రౌండ్‌లో జాతీయ పతాకాన్ని ఆవిష్కరించి, పోలీసుల గౌరవ వందనం స్వీకరించారు. ఆనంతరం జిల్లాలో చేపట్టిన అభివృద్ధి, సంక్షేమ కార్యక్రమాలపై మంత్రి మాట్లాడారు.
News August 15, 2025
మెదక్ ఇంటర్ టాపర్‌కు పురస్కారం
మెదక్ జిల్లా ఇంటర్మీడియట్ టాపర్ ఉప్పరి విక్రమ్‌కు మంత్రి వివేక్ వెంకటస్వామి నగదు పురస్కారం అందజేశారు. చిన్నశంకరంపేట మోడల్ కళాశాలకు చెందిన విక్రమ్ ఇంటర్‌లో అత్యధిక మార్కులు సాధించి పురస్కారాన్ని అందుకున్నాడు. పంద్రాగస్టు వేడుకల్లో కలెక్టర్ రాహుల్ రాజు, ఎమ్మెల్యే రోహిత్ రావు సమక్షంలో మంత్రి వివేక్ రూ.10 వేల నగదు, ప్రశంసా పత్రాన్ని బహూకరించారు. ప్రిన్సిపల్ వాణీ కుమారిని కలెక్టర్ అభినందించారు.
News August 15, 2025
మెదక్ డీపీఆర్ఓకు ఉత్తమ అవార్డు
మెదక్ జిల్లా పౌర సంబంధాల శాఖ అధికారి(డీపీఆర్ఓ) కే. రామచంద్ర రాజు జిల్లా ఉత్తమ అధికారిగా ఎంపికయ్యారు. 79వ స్వాతంత్ర్య దినోత్సవం సందర్బంగా మెదక్ పరేడ్ గ్రౌండ్‌లో నిర్వహించిన వేడుకల్లో రాష్ట్ర కార్మిక, ఉపాధి, ఉమ్మడి జిల్లా ఇన్‌ఛార్జ్ మంత్రి జి. వివేక్ వెంకటస్వామి చేతుల మీదుగా ప్రశంసా పత్రం అందుకున్నారు. ఏడాదికిపైగా మెదక్ జిల్లా ఇన్‌ఛార్జ్ పౌర సంబంధాల శాఖ అధికారిగా ఉత్తమ సేవలు అందిస్తున్నారు.
News August 15, 2025
మెదక్: ఇద్దరు ఏఆర్ కానిస్టేబుళ్లు సస్పెండ్
మెదక్ టౌన్ పోలీస్ స్టేషన్ పరిధిలోని వెంకట్రావు నగర్ కాలనీలో బుధవారం పేకాట ఆడుతూ పట్టుబడ్డ ఇద్దరు ఏఆర్ కానిస్టేబుళ్లను సస్పెండ్ చేస్తూ ఎస్పీ శ్రీనివాసరావు ఉత్తర్వులు జారీ చేశారు. టాస్క్ఫోర్స్ పోలీసులు చేసిన దాడిలో బాగంగా పట్టుబడ్డ కానిస్టేబుల్స్ అంజనేయులు, సురేశ్‌పై శాఖపరమైన చర్యలో భాగంగా సస్పెండ్ చేస్తు ఉత్తర్వుల్లో పేర్కొన్నారు. పోలీసులు క్రమశిక్షణ ఉల్లంఘనకు పాల్పడితే చర్యలు తప్పవని హెచ్చరించారు.
News August 15, 2025
మెదక్: వాలీబాల్ బాలబాలికల జట్ల ఎంపిక
అంతర్జాతీయ పాఠశాలల వాలీబాల్ పోటీల్లో పాల్గొనేందుకు పాఠశాల క్రీడా సమాఖ్య ఆధ్వర్యంలో మెదక్ జిల్లా జట్టు ఎంపిక చేశారు. క్రీడా సమాఖ్య మెదక్ జిల్లా(SGF) కార్యదర్శి ఆర్. నాగరాజు ఆధ్వర్యంలో నిర్వహించగా 110 మంది బాలికలు, 150 మంది బాలురు పాల్గొన్నారు. ఇందులో 8 మంది బాలురు, 8 మంది బాలికలతో జిల్లా జట్టును ఎంపిక చేశారు. క్లబ్ బాధ్యులు మధుసూదన్ రావు, డా. కొక్కొండ ప్రభు, పీడీలు మాధవరెడ్డి, శ్రీధర్ ఉన్నారు.
News August 15, 2025
MDK: ‘అత్యవసర సేవలకు అందుబాటులో ఉండాలి’
అత్యవసర సేవలు అందించేందుకు అందుబాటులో ఉండాలని జిల్లా వైద్యాధికారి డాక్టర్ శ్రీరామ్ వైద్య సిబ్బందిని ఆదేశించారు. గురువారం పెద్దశంకరంపేట ప్రాథమిక ఆరోగ్య కేంద్రాన్ని తనిఖీ చేశారు. ఆసుపత్రిలో రికార్డులు, ల్యాబ్, ఫార్మసీలను తనిఖీ చేసి, లేబర్ రూంను సిద్ధంగా ఉంచాలని ఆదేశించారు. వర్షాల కారణంగా గర్భిణులను ఈడీడీకి పది రోజుల ముందు సమీప ఆస్పత్రులకు తరలించాలని ఆదేశించారు.
News August 15, 2025
MDK: ‘డెంగ్యూ కేసులు లేకుండా చూడాలి’
రేగోడ్ మండల కేంద్రంలోని ప్రాథమిక ఆరోగ్య కేంద్రాన్ని గురువారం జిల్లా వైద్యాధికారి శ్రీరామ్ సందర్శించారు. పలు ఆరోగ్య సంబంధిత రికార్డులను పరిశీలించి, ఆసుపత్రిలో జరుగుతున్న పనితీరుపై సంతృప్తి వ్యక్తం చేశారు. ఫీవర్ సర్వేను నిర్వహించి డెంగ్యూ కేసులు ఎక్కువగా నమోదు కాకుండా తగు జాగ్రత్తలు తీసుకోవాలని అధికారులకు సూచించారు. కార్యక్రమంలో డా.శ్వేతా, నవ్య, ప్రొ. హరిప్రసాద్ పాల్గొన్నారు.
News August 14, 2025
మెదక్: అండర్-15 జిల్లా స్థాయి ఎంపికలు
జిల్లా స్థాయి వాలీబాల్ బాల, బాలికల (అండర్-15) ఎంపికలు మెదక్ గుల్షన్ క్లబ్‌లో గురువారం నిర్వహించారు. ఉత్తమ ప్రతిభ కనబరిచిన 8 మంది బాలురు, 8 మంది బాలికలతో కూడిన జట్టును ఎంపిక చేశారు. నిర్వాహకులు, ఏఎంసీ మాజీ ఛైర్మన్ మేడి మధుసూదన్ రావు, రిటైర్డ్ పీడీ డైరెక్టర్ ప్రభు, ఎస్జీఎఫ్ జిల్లా కార్యదర్శి నాగరాజు, నరేశ్, మాధవరెడ్డి, వినోద్, తదితరులు పాల్గొన్నారు.
News August 14, 2025
మెదక్: 20 అడుగులకు చేరిన పోచారం ప్రాజెక్ట్
మెదక్-కామారెడ్డి జిల్లా సరిహద్దుల్లో గల పోచారం ప్రాజెక్టు నీటిమట్టం గురువారం 20 అడుగుల నీటి మట్టానికి చేరింది. ఎగువన కురుస్తున్న వర్షాల కారణంగా కామారెడ్డి, లింగంపేట, గాంధారి నుంచి వస్తున్న వాగులు పారడంతో ప్రాజెక్టులోకి నీరు చేరుతుంది. ఓవర్ ఫ్లో కావడానికి మరో అర అడుగు దూరంలో ఉంది. 20.5 అడుగుల నీరు వస్తే ప్రాజెక్టు ఓవర్ ఫ్లో కానుంది. దిగువ పంటలకు కాలువ ద్వారా నీరు వదిలారు.
News August 14, 2025
మెదక్: ‘ప్రామాణికంగా భద్రతా చర్యలు చేపట్టాలి’
భద్రతా చర్యలను ప్రామాణికంగా తనిఖీలు నిర్వహిస్తున్నట్లు డిప్యూటీ చీప్ ఇన్స్పెక్టర్ ఆఫ్ ఫ్యాక్టరీస్ అధికారి నెహ్రూ తెలిపారు. బుధవారం చేగుంట మండలం శ్రీ వెంకటేశ్వర క్వాయర్ ప్రోడక్ట్ ప్రైవేట్ లిమిటెడ్, చిన్న శివనూర్, డెల్ ఎక్స్ ఎల్ ఫార్మా ప్రైవేట్ లిమిటెడ్ కూచారం, శివంపేట మండలం లూయిస్ ఫార్మా సీయుటుకల్స్, ప్రైవేట్ లిమిటెడ్ నవాబ్ పేట సంబంధిత పరిశ్రమలను పరిశీలించారు.
Featured News
Sorry, no posts matched your criteria.