India's largestHyperlocal short
news App
Get daily news updates that are tailored for you based on your preferred language & location.
download Way2News app now
Medak
News October 1, 2025
మెదక్: ఆయుధ పూజలో పాల్గొన్న ఎస్పీ
జిల్లా పోలీస్ ప్రధాన కార్యాలయంలో ఆయుధ, వాహన పూజలో జిల్లా ఎస్పీ డీవీ. శ్రీనివాస రావు పాల్గొన్నారు. దేశవ్యాప్తంగా ప్రజలు తమ వృత్తికి సంబంధించిన పరికరాలకు కృతజ్ఞతలు తెలుపుతూ ఆయుధ పూజను నిర్వహిస్తారు. ఈ సంప్రదాయాన్ని అనుసరిస్తూ, పోలీస్ శాఖ కూడా అత్యంత భక్తి శ్రద్ధలతో ఈ వేడుకను జరుపుకుంది. శాంతిభద్రతల పరిరక్షణలో నిత్యం అప్రమత్తంగా ఉండే పోలీసులు, తమ విధి నిర్వహణలో ఉపయోగించే ఆయుధాలను గౌరవించాలన్నారు.
News October 1, 2025
మెదక్ పట్టణంలో విషాదం.. క్రికెటర్ మృతి
మెదక్ పట్టణంలో విషాదం అలుముకుంది. పట్టణానికి చెందిన క్రికెటర్ మన జలాల్ పురం సాయి కిషోర్ (28) హఠాన్మరణం చెందాడు. ఉదయం రెండు సార్లు వరుసగా మూర్చ వ్యాధి వచ్చిందని, తర్వాత గుండెపోటు రావడంతో ఇంట్లోనే మరణించినట్లు కుటుంబ సభ్యులు తెలిపారు. సాయి క్రికెట్ బాగా ఆడుతాడని, సాయి మృతి చెందిన వార్తను జీర్ణించుకోలేకపోతున్నట్లు క్రీడాకారులు చెప్పారు.
News October 1, 2025
MDK: MLA ప్రయత్నాలు ఫలించనున్నాయా!
గత స్థానిక ఎన్నికల్లో ఘోరంగా దెబ్బతిన్న కాంగ్రెస్ ఈసారి పట్టు సాధించేందుకు ప్రయత్నాలు చేస్తోంది. ఎన్నికల్లో బీసీ రిజర్వేషన్లను ప్రధానాస్త్రంగా ప్రయోగించే యత్నాల్లో ఉంది. కాంగ్రెస్ వచ్చాక చేపట్టిన సంక్షేమ పథకాలను ప్రజల్లోకి తీసుకెళ్లి ఓట్లు అడగాలని భావిస్తోంది. ఆ దిశగా ఎమ్మెల్యే రోహిత్ పార్టీ కేడర్‌ను బలోపేతం చేస్తున్నారు. గెలుపు అవకాశాలున్నవారికి టికెట్లు ఇవ్వాలని ఆధిష్ఠానం సూచించినట్లు సమాచారం.
News October 1, 2025
మెదక్: స్థానిక ఎన్నికలపై కాంగ్రెస్, BRS, BJP వ్యూహాలు !
స్థానిక సంస్థల ఎన్నికలకు నగారా మోగడంతో ఉమ్మడి మెదక్ జిల్లాలో వివిధ పార్టీలు వ్యూహాలు రచిస్తున్నాయి. ఇచ్చిన హామీ ప్రకారం 42% రిజర్వేషన్లు కల్పించామని కాంగ్రెస్ ముందుకు వెళ్తుంది. BRS 6 గ్యారెంటీ అమలు వైఫల్యాలను అస్త్రంగా మార్చుకోగా, ప్రభుత్వ వైఫల్యాలను ప్రజల్లోకి తీసుకెళ్లాలని BJP ప్లాన్ చేస్తుంది. ఇప్పటికే జిల్లాలో ఎన్నికల వాతావరణం మొదలైంది. ఏకగ్రీవాలపై కాంగ్రెస్ ఫోకస్ పెట్టినట్లు తెలుస్తోంది.
News October 1, 2025
మెదక్: కానిస్టేబుల్ నరేశ్ పోలీస్ విభాగానికే గర్వకారణం: SP
రాష్ట్రంలోని వివిధ జిల్లాల నుంచి IITA మొయినాబాద్‌లో శిక్షణ పొందిన 66 మందిలో మెదక్ జిల్లాకు చెందిన పోలీస్ కానిస్టేబుల్ నరేశ్ ఒకరు. నరేష్ ఫైరింగ్‌లో 96 మార్కులు, PPTలో 98 మార్కులు సాధించి అద్భుత ప్రతిభ కనబరచడంతో IITA ట్రైనింగ్ ప్రిన్సిపల్ చేతూల మీదుగా మెడల్ అందుకున్నారు. నరేశ్‌కు సర్టిఫికెట్ అందించి మెడల్ వేసి ఎస్పీ డివి శ్రీనివాసరావు అభినందించారు. నరేశ్ పోలీస్ విభాగానికి గర్వకారణం అన్నారు.
News September 30, 2025
తెలంగాణ సంస్కృతిలో బతుకమ్మకు ప్రత్యేక స్థానం: రాహుల్ రాజ్
తెలంగాణ సంస్కృతిలో ప్రకృతికి, బతుకమ్మకు ప్రత్యేక స్థానం ఉందని మెదక్ కలెక్టర్ రాహుల్ రాజ్ అన్నారు. మెదక్ కోదండ రామాలయంలో కుటుంబ సభ్యులతో కలిసి ఆయన బతుకమ్మ సంబరాల్లో పాల్గొన్నారు. ప్రకృతిలో లభించే పూలను బతుకమ్మగా పేర్చి, దేవతగా పూజించడం ప్రకృతిని ఆరాధించే సంస్కృతికి నిదర్శనమని అన్నారు. ఈ సందర్భంగా మహిళలకు శుభాకాంక్షలు తెలిపారు.
News September 30, 2025
రాజకీయ పార్టీలు సహకరించాలి: కలెక్టర్ రాహుల్ రాజ్
ఎన్నికలు పారదర్శకంగా, నిష్పక్షపాతంగా నిర్వహించేందుకు రాజకీయ పార్టీలు సహకరించాలని కలెక్టర్ రాహుల్ రాజ్ విజ్ఞప్తి చేశారు. మంగళవారం ఐడిఓసీ వీడియో కాన్ఫరెన్స్ హాల్‌లో రాయకీయ నాయకులతో సమావేశం నిర్వహించారు. స్థానిక సంస్థల ఎన్నికల కోడ్ అమలులోకి వచ్చిన సందర్భంగా రాజకీయ పార్టీలు ఎన్నికల్లో పాటించాల్సిన నియమ నిబంధనల గురించి వివరించారు. జిల్లాలో పార్టీల ఫ్లెక్సీలు, వాల్ రైటింగ్స్ తొలగించాలని సూచించారు.
News September 30, 2025
మెదక్ జిల్లాలో మహిళా ఓటర్లే ఎక్కువ
మెదక్ జిల్లాలో మహిళా ఓటర్లే ఎక్కువగా ఉన్నారు. మొత్తం 5,23,327 ఓటర్లుండగా మహిళలు 2,71,787 మంది, పురుషులు 2,51,522 మంది, ఇతరులు 8 మంది ఉన్నారు. జిల్లాలో 21 జెడ్పిటీసి, 190 ఎంపీటీసీ స్థానాలు, 492 గ్రామ పంచాయతీ స్థానాలకు ఎన్నికలు జరగనున్నాయి. ఎన్నికలకు సంబంధించి కలెక్టర్ రాహుల్ రాజ్ వివరాలు వెల్లడించారు. అడిషనల్ కలెక్టర్, అడిషనల్ ఎస్పీ మహేందర్, సి ఈ ఓ ఎల్లయ్య, డిపీఓ యాదయ్య ఉన్నారు.
News September 30, 2025
మెదక్ జిల్లా జడ్పీ చైర్.. జనరల్
స్థానిక పోరుకు SEC శంఖారావం పూరించింది. తొలుత ఎంపీటీసీ, జడ్పీటీసీ ఎన్నికలు ఆ తర్వాత సర్పంచ్ ఎన్నికలు బ్యాలెట్‌ పద్ధతిలో నిర్వహించాలని నిర్ణయించింది. జిల్లాలో మొత్తం 21 ఎంపీపీ, జడ్పీటీసీ, 190 ఎంపీటీసీ స్థానాలు, 492 గ్రామపంచాయతీలు, 4220 వార్డ్ మెంబర్ స్థానాలకు ఎన్నికలు జరగనున్నాయి. అయితే ఈ ఏడాది మెదక్ జడ్పీ కుర్చీ జనరల్ (UR) రిజర్వేషన్‌ను కేటాయించింది.
News September 30, 2025
సింగపూర్‌లో బతుకమ్మ పండుగ వేడుకలు
తెలంగాణ కల్చరల్ సొసైటీ సింగపూర్ (TCSS) ఆధ్వర్యంలో బతుకమ్మ వేడుకలు స్థానిక సంబవాంగ్ పార్క్‌లో అత్యంత కోలాహలంగా జరిగినట్లు సొసైటీ ఉపాధ్యక్షులు రుక్మాపూర్ గ్రామానికి చెందిన బసిక ప్రశాంత్ రెడ్డి తెలిపారు. బతుకమ్మ పండుగ సాంప్రదాయ పాటలతో చిన్న పెద్ద తేడా లేకుండా 3000 మంది ఎంతో హుషారుగా వేడుకల్లో పాల్గొన్నారు. ప్రవాస భారతీయులతో పాటు స్థానికులు కూడా ఈ పెద్ద సంఖ్యలో పాల్గొనడం పట్ల సంతోషం వ్యక్తం చేశారు.
Featured News
Sorry, no posts matched your criteria.