India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nalgonda
News April 10, 2025
ఉమ్మడి నల్గొండ జిల్లాకు వర్ష సూచన
ఉమ్మడి నల్గొండ జిల్లా వ్యాప్తంగా ఇవాళ వర్షాలు కురిసే అవకాశం ఉందని హైదరాబాద్ వాతావరణ కేంద్రం తెలిపింది. క్యుములోనింబస్ మేఘాల ప్రభావంతో పలు చోట్ల విస్తారంగా వర్షాలు కురుస్తాయని చెప్పింది. BNG, NLG, SRPT జిల్లాలకు ఎల్లో అలర్ట్ జారీ చేసింది. బలమైన ఈదురు గాలులు వీచే అవకాశం ఉండడంతో రైతులు, ప్రజలు అప్రమత్తంగా ఉండాలని సూచించారు.
News April 10, 2025
NLG: కొనుగోళ్లకు కసరత్తు.. జిల్లాలో 384 కేంద్రాలు
యాసంగి ధాన్యం కొనుగోలు కేంద్రాల ఆరంభానికి అధికారులు కసరత్తు చేస్తున్నారు. ఐకేపీ, సొసైటీలు, ఏఎంసీలు, ఎఫ్‌సీఐల ఆధ్వర్యంలో జిల్లా వ్యాప్తంగా 384 కొనుగోలు కేంద్రాల ఏర్పాటుకు చర్యలు చేపట్టారు. వడ్ల సేకరణకు అవసరమయ్యే గన్నీ బ్యాగులు, టార్పాలిన్లు, ప్యాడీ క్లీనర్లు తదితర పరికరాలు, వస్తువులను సిద్ధం చేస్తున్నారు. ధాన్యం నిల్వకు గోదాములను రెడీ చేశారు.
News April 10, 2025
NLG: త్వరలో రోడ్డెక్కనున్న ఎలక్ట్రిక్ బస్సులు
NLG రీజియన్‌కు ఎలక్ట్రిక్ బస్సులు రానున్నాయి. తొలిసారి కాలుష్య రహిత సూపర్‌ లగ్జరీ, డీలక్స్‌, ఎక్స్‌ప్రెస్‌లు రోడ్లపైకి తీసుకొచ్చేందుకు అధికారులు ఏర్పాట్లు చేస్తున్నారు. మారుతున్న కాలానికి అనుగుణంగా ఆర్టీసీ మార్పులు చేస్తూ ప్రయాణికులను పెంచుకునే పనిలో నిమగ్నమైంది. ఇంధనం ఖర్చు తగ్గించుకుని ఈ బస్సులు నడిపేందుకు సిద్ధమైంది. NLG రీజియన్‌కు 152 బస్సులను కేటాయించారు.
News April 10, 2025
మిర్యాలగూడ: పంచాయతీ కార్యదర్శి సస్పెండ్
మిర్యాలగూడ మండలం ఊట్లపల్లి పంచాయతీ కార్యదర్శి పెసర యాదగిరిని సస్పెండ్ చేస్తూ కలెక్టర్ ఇలా త్రిపాఠి బుధవారం ఉత్తర్వులు జారీ చేశారు. విధి నిర్వహణలో అలసత్వం వహిస్తున్నారన్న ఆరోపణలపై జిల్లా అధికారులు విచారణ చేశారు. ఓ వ్యక్తికి చెందిన నివాస గృహాల మ్యుటేషన్ విషయంలో రిజిస్టర్‌లో మార్పులు చేశారని రుజువు కావడంతో కలెక్టర్ సస్పెండ్ చేశారు.
News April 10, 2025
NLG: ఐదు రోజులే గడువు: ఇలా త్రిపాఠి
రాజీవ్ యువ వికాస పథకానికి ఏప్రిల్ 14 లోగా దరఖాస్తు చేసుకోవాలని కలెక్టర్ ఇలా త్రిపాఠి ఒక ప్రకటనలో తెలిపారు. యువత ఈ పథకానికి దరఖాస్తు చేసుకునేందుకుగాను, గ్రామాలు, మున్సిపల్ పట్టణ ప్రాంతాలలో టామ్ టామ్ నిర్వహించాలని ఆమె అధికారులను ఆదేశించారు. ఒక కుటుంబానికి ఐదేళ్ల కాలంలో ఒకే సంక్షేమ పథకానికి మాత్రమే ఈ పథకం వర్తిస్తుందని అన్నారు.
News April 9, 2025
చిట్యాల: 6 సార్లు ఎమ్మెల్యేగా గెలుపొందిన నర్రా రాఘవరెడ్డి
చిట్యాల మండలం వట్టిమర్తి గ్రామానికి చెందిన కమ్యూనిస్టు యోధుడు నర్రా రాఘవ రెడ్డి 1967, 1978, 1983, 1984, 1989, 1994 సంవత్సరాలలో నకిరేకల్ నుంచి 6 సార్లు ఎమ్మెల్యేగా గెలుపొందారు. కమలమ్మ రామ్ రెడ్డి దంపతులకు జన్మించిన రాఘవరెడ్డి ఎన్నో ఉద్యమాలలో ప్రజా సమస్యలపై కీలకంగా పని చేశారు. ప్రతిపక్ష నేతగా టీడీపీ, కాంగ్రెస్ ప్రభుత్వాల పనితీరుపై తీవ్రంగా విరుచుకు పడేవారు. నేడు రాఘవరెడ్డి వర్ధంతి.
News April 9, 2025
నల్గొండ జిల్లాలో CONGRESS VS BRS
నల్గొండ జిల్లాల్లో BRS, కాంగ్రెస్ మధ్య రాజకీయం నువ్వానేనా అన్నట్లుగా సాగుతోంది. ఓ వైపు BRSనేతలు KCR వరంగల్ సభపై సన్నాహక సమావేశాలు నిర్వహిస్తూ కాంగ్రెస్ ప్రభుత్వ వైఫల్యాలపై ఎప్పటికప్పుడు నిరసనలు తెలుపుతున్నారు. మరోవైపు కాంగ్రెస్ నేతలు జైబాపు.. జైభీమ్.. జైసంవిధాన్ పేరిట పాదయాత్రలు, ర్యాలీలు, సన్నబియ్యం పంపిణీతో ప్రజల్లో ఉంటూ BRSనేతలకు కౌంటర్ ఇస్తున్నారు. మీ కామెంట్?
News April 9, 2025
NLG: చైల్డ్ పోర్న్ వీడియోలు చూసి, షేర్ చేసిన వ్యక్తి అరెస్ట్
చైల్డ్ పోర్న్ వీడియోలు చూసి ఇతర గ్రూప్‌లకు షేర్ చేసిన వ్యక్తిని పోలీసులు అరెస్ట్ చేశారు. CI రాజు తెలిపిన వివరాలు.. హుజూర్‌నగర్ గాంధీ పార్క్ చౌరస్తాకు చెందిన శ్రీనివాసరావు నాలుగేళ్లుగా సెల్‌ ఫోన్‌‌లో చైల్డ్ పోర్న్ వీడియోలు చూస్తున్నాడు. వాటిని డౌన్‌లోడ్ చేసి ఇతర గ్రూప్‌లకు షేర్ చేయడంతో సైబర్ సెక్యూరిటి అధికారులు గమనించి HNR పీఎస్‌కు ఫిర్యాదు చేయగా పోలీసులు శ్రీనివాసరావును అదుపులోకి తీసుకున్నారు.
News April 8, 2025
ఏసీబీ వలలో చింతలపాలెం ఎస్సై అంతిరెడ్డి
చింతలపాలెం ఎస్సై అంతిరెడ్డి ఏసీబీ వలలో చిక్కాడు. ఓ వ్యక్తి నుంచి రూ.10 వేల లంచం తీసుకుంటుండగా మంగళవారం ఏసీబీ అధికారులకు రెడ్ హ్యాండెడ్‌గా పట్టుబడ్డాడు. ఎస్సై ఏసీబీకి చిక్కడంతో స్థానికంగా చర్చనీయాంశంగా మారింది. గతంలో ఎస్సై అంతిరెడ్డి నార్కెట్‌పల్లిలో పనిచేశారు. మరిన్ని వివరాలు తెలియాల్సి ఉంది.
News April 8, 2025
NLG: రైతులను వేధిస్తున్న సర్వేయర్ల కొరత
జిల్లా వ్యాప్తంగా సర్వేయర్ల కొరత ఉండడంతో సమస్యలు ఎక్కడికక్కడే పేరుకుపోతున్నాయి. సర్వేకు దరఖాస్తు చేసుకున్న బాధితులు కార్యాలయాల చుట్టూ ప్రదక్షిణలు చేస్తున్నారు. భూ తగాదాలు తీరాలన్న.. గట్టు పంచాయతీలు వచ్చిన భూ సర్వే చేసి పరిష్కరిస్తారు. కాగా జిల్లాలో సర్వేయర్ పోస్టులు భర్తీ చేయకపోవడంతో సకాలంలో సేవలు అందడం లేదని రైతులు ఆవేదన వ్యక్తం చేస్తున్నారు.
Featured News
Sorry, no posts matched your criteria.