India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nizamabad
News February 27, 2025
నందిపేట్: దుబాయిలో ఉద్యోగాల పేరిట మోసం
నందిపేట్ పోలీస్ స్టేషన్లో గల్ఫ్ ఏజెంట్ కస్పా శ్యామ్, మధు, సాయి రెడ్డి, గుడ్ల ప్రకాష్‌లపై ఎస్సీ, ఎస్టీ అట్రాసిటీ కేసు నమోదైంది. అయిలాపూర్ గ్రామానికి చెందిన ఏజెంట్ కస్పా శ్యామ్ దుబాయిలో ఉద్యోగాల పేరిట తమ నుంచి లక్షలాది రూపాయలు వసూలు చేసినట్లు బాధితుడు తెలిపారు. నలుగురు దాడి చేశారని అమలాపురానికి చెందిన బాధితుడు నరసింహమూర్తి ఇచ్చిన ఫిర్యాదు మేరకు నలుగురిపై కేసు నమోదు చేసినట్లు పోలీసులు పేర్కొన్నారు.
News February 27, 2025
రాష్ట్ర పోలీస్ కబడ్డి మహిళ జట్టులో జిల్లా వాసికి చోటు
నిజామాబాద్ జిల్లా ఏర్గట్ల మండలం బట్టాపూర్ గ్రామానికి చెందిన గోదావరి రాష్ట్ర పోలీసు కబడ్డి ఉమెన్స్ జట్టుకు ఎంపికైనట్లు జిల్లా కబడ్డి కోచ్ మీసాల ప్రశాంత్ తెలిపారు. ప్రస్తుతం గోదావరి నిజామాబాద్ పోలీసు డిపార్ట్మెంట్‌లో విధులు నిర్వహిస్తోంది. జాతీయ స్థాయి పోటీలకు జిల్లా క్రీడాకారిణి ఎంపికవడంపై కబడ్డి అసోసియేషన్ అధ్యక్షుడు లింగయ్య, కార్యదర్శి గంగాధర్, కార్యవర్గ సభ్యులు హర్షం వ్యక్తం చేశారు.
News February 27, 2025
NZB: గోదావరిలో మునిగి యువకుడి మృతి
శివరాత్రి రోజు జిల్లాలో విషాదం చోటు చేసుకుంది. గోదావరి నదిలో స్నానం కోసం వెళ్లిన యువకుడు నీట మునిగి మృతి చెందినట్లు బోధన్ రూరల్ సీఐ విజయబాబు తెలిపారు. బోధన్‌కు చెందిన వర్ధన్, తన మిత్రుడు విగ్నేశ్‌తో కలిసి బుధవారం రెంజల్ మండలం కందకుర్తి గోదావరి నదిలో స్నానం కోసం వెళ్ళాడు. వర్ధన్ నీటిలో గల్లంతయ్యాడు. దీంతో పోలీసులకు సమాచారం అందించగా గాలింపు చర్యలు చేపట్టారు. మృతదేహం లభ్యమైనట్లు విజయ్ బాబు తెలిపారు.
News February 27, 2025
NZB: స్విమ్మింగ్ పూల్లో మునిగి యువకుడి దుర్మరణం
నిజామాబాద్ నగర శివారులోని సారంగాపూర్‌లో ఇటీవల ప్రారంభించిన స్విమ్మింగ్ పూల్లో ఈత నేర్చుకునేందుకు వెళ్లిన ఓ యువకుడు నీటిలో మునిగి మృతి చెందాడు. నిజాం కాలనీకి చెందిన సయ్యద్ ఆశ్రఫ్(22), అతని అన్నతో కలిసి స్విమ్మింగ్ ఫూల్‌లో ఈత కొట్టేందుకు వెళ్ళాడు. స్విమ్మింగ్ కోచ్ లేకపోయినా ఆశ్రఫ్ ట్యూబ్ ధరించకపోయినా అతడిని ఈత కొట్టేందుకు అనుమతించారు. దీంతో అతడు లోతుకు వెళ్లి నీటిలో మునిగి మృతి చెందాడు.
News February 27, 2025
సిల్వర్ మోడల్ సాధించిన NZB అమ్మాయి
నిజామాబాద్ జిల్లా కేంద్రానికి చెందిన సంహిత హర్యానాలో జరిగిన నెట్‌బాల్ పోటీల్లో విజయం సాధించింది. ఉత్తమ ప్రతిభ కనబరిచిన కుమారి సంహితను సిల్వర్ మోడల్‌తో సత్కరించారు. వినాయక్ నగర్‌లోని ఓ పాఠశాలలో 9వ తరగతి చదువుతుంది. చిన్న వయసులోనే తెలంగాణ నుంచి నెట్‌బాల్ క్రీడా విభాగంలో మెడల్ సాధించిన జట్టు క్రీడాకారులందరిని జిల్లా క్రీడాధికారి ముత్తన్న బుధవారం అభినందించారు.
News February 26, 2025
NZB: శివాలయానికి వెళ్లొచ్చే సరికి మూడిళ్లలో చోరీ
శివరాత్రికి దేవాలయాలకు వెళ్లి వచ్చే సరికి అగంతకులు తాళం వేసిన మూడిళ్లలో తాళాలు పగులగొట్టి చోరీలకు పాల్పడ్డారు. గంగస్థాన్ నుంచి కేశాపూర్ వెళ్ళేదారిలో రియల్టర్ బలరాం రెడ్డి ఇంట్లో 25 తులాల బంగారం, ఆర్టీసీ కాలనీలోని రవీందర్ ఇంట్లో 2 తులాల బంగారం, ఏక శిలా నగర్‌లోని పెద్దమ్మ గుడి సమీపంలోని కిరాణ వ్యాపారి రవీందర్ ఇంట్లో రూ.60 వేల నగదును అపహరించారు. బాధితులు పోలీసులకు ఫిర్యాదు చేశారు.
News February 26, 2025
NZB: చికిత్స పొందుతూ మహిళ మృతి
నిజామాబాద్ జిల్లా కేంద్రంలోని ప్రభుత్వ జనరల్ ఆస్పత్రిలో చికిత్స పొందుతూ గుర్తు తెలియని మహిళ మృతి చెందినట్లు వన్ టౌన్ SHO రఘుపతి తెలిపారు. ఈ నెల 23న ఆర్టీసీ బస్టాండ్ వద్ద ఓ మహిళ అపస్మారక స్థితిలో పడి ఉండటంతో 108 ద్వారా చికిత్స నిమిత్తం ప్రభుత్వాసుపత్రికి తరలించారు. చికిత్స పొందుతూ.. బుధవారం మహిళ మృతి చెందింది. మృతురాలిని ఎవరైనా గుర్తుపడితే వన్ టౌన్ పోలీస్ స్టేషన్లో సంప్రదించాలని రఘుపతి సూచించారు.
News February 26, 2025
NZB: పోలింగ్ సామాగ్రి పంపిణీ పరిశీలించిన కలెక్టర్
ఎమ్మెల్సీ ఎన్నికల పోలింగ్ నిర్వహణ కోసం సిబ్బందికి ఎన్నికల సామాగ్రి పంపిణీ నిమిత్తం ఏర్పాటు చేసిన డిస్ట్రిబ్యూషన్ సెంటర్ ను నిజామాబాద్ జిల్లా ఎన్నికల అధికారి, కలెక్టర్ రాజీవ్ గాంధీ హనుమంతు బుధవారం సందర్శించారు. నిజామాబాద్ డివిజన్ కు సంబంధించి నిజామాబాద్ ఆర్డీవో కార్యాలయం ఆవరణలో ఏర్పాటు చేసిన డిస్ట్రిబ్యూషన్ సెంటర్‌లో ఎన్నికల సామాగ్రి పంపిణీ తీరుతెన్నులను కలెక్టర్ పరిశీలించారు.
News February 26, 2025
పిట్లం: రాజీ కాలేదని కన్నతల్లిని కొట్టి చంపేశాడు..!
కన్న తల్లిని కొడుకు చంపిన ఘటన పిట్లంలో మంగళవారం జరిగింది. SI రాజు వివరాలిలా.. సాబేర బేగం(60)కు నలుగురు కొడుకులు, కూతురు ఉన్నారు. రెండో కొడుకైన శాదుల్ నాలుగేళ్ల క్రితం తన తమ్ముడైన ముజిబ్‌ను కత్తితో పొడిచి చంపాడు. ఈ కేసులో రాజీపడాలని తల్లిని కోరగా ఆమె నిరాకరించింది. దీంతో రోకలి బండతో తలపై దాడి చేయగా.. చికిత్స పొందుతూ మృతి చెందినట్లు ఎస్‌ఐ వెల్లడించారు. కేసు నమోదు చేసి దర్యాప్తు చేస్తున్నారు.
News February 26, 2025
నిజామాబాదు : రంజాన్ మాస సౌకర్యాల ఏర్పాటు:కలెక్టర్
రంజాన్ మాసం ప్రారంభం నేపథ్యంలో సౌకర్యాల కల్పనపై ప్రత్యేక దృష్టిని కేంద్రీకరించాలని కలెక్టర్ రాజీవ్ గాంధీ హనుమంతు ఆదేశించారు. కలెక్టర్ తన ఛాంబర్‌లో మంగళవారం జిల్లా అధికారులతో సమావేశమై, రంజాన్ ఉపవాస దీక్షల సందర్భంగా చేపట్టాల్సిన ఏర్పాట్లు, సౌకర్యాలపై సమీక్ష జరిపారు. ఎలాంటి ఇబ్బందులు, లోటుపాట్లకు తావులేకుండా జిల్లా వ్యాప్తంగా అన్ని పట్టణాలు, మండల కేంద్రాలు, గ్రామాలలో సదుపాయాలు ఏర్పాటు చేయాలన్నారు.
Featured News
Sorry, no posts matched your criteria.