India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 25, 2024
వరంగల్ మాస్టర్ ప్లాన్ సిద్ధం చేయండి: పొంగులేటి
TG: వరంగల్ మహా నగర అభివృద్ధికి తక్షణమే మాస్టర్ ప్లాన్ రూపొందించాలని మంత్రి పొంగులేటి శ్రీనివాస్ రెడ్డి అధికారులను ఆదేశించారు. కాకతీయ అర్బన్ డెవలప్‌మెంట్ అథారిటీ, మున్సిపల్ అధికారులతో ఆయన సమీక్షించారు. HYD తర్వాత పెద్ద నగరమైన వరంగల్‌లో అభివృద్ధి విస్తరణకు 2050 నాటికి పెరిగే జనాభాను దృష్టిలో పెట్టుకుని రూపొందించాలని సూచించారు. అవసరమైన భూసేకరణను కూడా చేపట్టాలన్నారు.
News August 25, 2024
హైడ్రాపై మరో కీలక నిర్ణయం!
హైడ్రాను బలోపేతం చేసేందుకు తెలంగాణ ప్రభుత్వం ప్రణాళికలు రచిస్తోంది. హైడ్రాకు పోలీస్ స్టేషన్ స్టేటస్ ఇవ్వాలని నిర్ణయించినట్లు తెలుస్తోంది. దీనివల్ల నేరుగా హైడ్రానే FIR ఫైల్ చేసేందుకు వెసులుబాటు కలుగుతుంది. దీనిపై ఒకటి, రెండు రోజుల్లో ఉత్తర్వులు వెలువడనున్నట్లు సమాచారం. ఇక హైడ్రా కూల్చివేసిన భవనాలకు గతంలో పర్మిషన్ ఇచ్చిన అధికారులపై చర్యలు తీసుకునే విషయంపై ఉన్నతాధికారులతో ప్రభుత్వం చర్చలు జరపనుంది.
News August 25, 2024
225 విల్లాలకు నోటీసులు
TG: హైదరాబాద్ మణికొండలోని చిత్రపురి కాలనీలో 225 విల్లాలకు అధికారులు నోటీసులు ఇచ్చారు. జీవో 658కి విరుద్ధంగా 225 ROW హౌసులు నిర్మించారని, జీ+1కి పర్మిషన్ తీసుకుని జీ+2 కట్టారని పేర్కొన్నారు. 15 రోజుల్లోగా నోటీసులకు రిప్లై ఇవ్వాలని స్పష్టం చేశారు. గత పాలకుల నిర్ణయాలతో చిత్రపురి సొసైటీకి రూ.50 కోట్ల నష్టం జరిగిందంటూ ఫిర్యాదు అందడంతో అధికారులు చర్యలకు సిద్ధమయ్యారు.
News August 25, 2024
ఒకరోజు సెలవు కోసం హత్య చేసిన విద్యార్థులు
దేశ రాజధాని ఢిల్లీలో దారుణం జరిగింది. ఒకరోజు సెలవు కోసం 5 ఏళ్ల బాలుడిని తోటి విద్యార్థులే కొట్టి చంపారు. బ్రిజ్‌పురి మదర్సాలో ఓ విద్యార్థి చనిపోయాడని పోలీసులకు సమాచారం వచ్చింది. దర్యాప్తు చేపట్టిన పోలీసులు ముగ్గురు చిన్నారులు(ఇద్దరికి 9, ఒకరికి 11 సంవత్సరాలు) హత్య చేసినట్లు గుర్తించారు. తమను అసభ్య పదజాలంతో దూషించేవాడని, చంపితే ఒక రోజు మదర్సాకు సెలవు ఇస్తారని హత్య చేసినట్లు ముగ్గురూ ఒప్పుకున్నారు.
News August 25, 2024
‘హైడ్రా’ స్కెచ్ వేసిందంటే..
HYDలో హైడ్రా దాదాపు నెలరోజుల్లోనే 100 ఎకరాల విస్తీర్ణంలోని అక్రమ నిర్మాణాలను నేలమట్టం చేసింది. కమిషనర్ రంగనాథ్ చెరువుల ఆక్రమణపై అవగాహన కోసం రిమోట్ సెన్సింగ్ ఏజెన్సీ ద్వారా శాటిలైట్ చిత్రాలు తెప్పించుకున్నారు. ముందుగానే సిబ్బంది మఫ్టీలో వెళ్లి భవనాలు, కట్టడాలు పరిశీలించి వస్తారు. రాత్రి యంత్రాలు, సిబ్బందిని సిద్ధం చేసి ఉదయమే కూల్చివేతలు ప్రారంభిస్తారు. ముఖ్యంగా శని, ఆదివారాలు ప్లాన్ చేసుకుంటారు.
News August 25, 2024
రామ్-హరీశ్ శంకర్ సినిమా రద్దు?
టాలీవుడ్ ఉస్తాద్ రామ్ పోతినేని, స్టార్ డైరెక్టర్ హరీశ్ శంకర్ వరుస ఫ్లాపులతో ఇబ్బంది పడుతున్నారు. తాజాగా రామ్ నటించిన ‘డబుల్ ఇస్మార్ట్’, హరీశ్ తెరకెక్కించిన ‘మిస్టర్ బచ్చన్’ డిజాస్టర్లుగా నిలిచాయి. ఈక్రమంలో వీరిద్దరి కాంబోలో వచ్చే సినిమా రద్దయినట్లు టీటౌన్‌లో చర్చ జరుగుతోంది. దీనిపై మేకర్స్ క్లారిటీ ఇవ్వాలి. ఇప్పటికైనా డైరెక్టర్ కొత్త స్టోరీలపై ఫోకస్ పెట్టాలని ఆయన అభిమానులు కోరుతున్నారు.
News August 25, 2024
కృష్ణాష్టమి ఎప్పుడు జరుపుకోవాలి?
అష్టమి గడియలు ఆగస్టు 26, 27 తేదీల్లో ఉండటంతో శ్రీకృష్ణాష్టమి ఎప్పుడు జరుపుకోవాలనే చర్చ మొదలైంది. రేపు ఉ.8.40 గంటల తర్వాత ఘడియలు ప్రారంభమై.. ఎల్లుండి ఉ.6.49 వరకు ఉన్నాయి. సూర్యోదయానికి తిథి ఉండటంతో AUG 26నే పండుగ జరుపుకోవాలని పండితులు నిర్ణయించారు. మర్నాడు సూర్యోదయం అయిన వెంటనే నవమి వస్తుండటంతో సోమవారమే చేసుకోవాలని సూచించారు. శ్రావణమాసంలో అమావాస్య ముందువచ్చే అష్టమి రోజున చిన్ని కృష్ణుడు జన్మించాడు.
News August 25, 2024
తిరుమలలో రద్దీ.. వెంకన్న దర్శనానికి 24 గంటలు
AP: వీకెండ్ కావడంతో తిరుమలలో భక్తుల రద్దీ కొనసాగుతోంది. టైమ్ స్లాట్ టోకెన్లు లేని భక్తులకు సర్వదర్శనానికి 24 గంటల సమయం పడుతోంది. 31 కంపార్ట్‌మెంట్లు నిండిపోయాయి. బాట గంగమ్మ ఆలయం వరకు క్యూలో వేచి ఉన్నారు. నిన్న 79,251 మంది వెంకన్నస్వామిని దర్శించుకున్నారు. హుండీకి రూ.3.87 కోట్ల ఆదాయం వచ్చింది.
News August 25, 2024
VV వినాయక్ ఆరోగ్యంగానే ఉన్నారు: సన్నిహిత వర్గాలు
దర్శకుడు VV వినాయక్ అనారోగ్యంతో బాధపడుతున్నారనే ప్రచారంపై సన్నిహిత వర్గాలు స్పందించాయి. ప్రస్తుతం ఆయన పూర్తి ఆరోగ్యంగా ఇంట్లోనే ఉన్నట్లు పేర్కొన్నాయి. ఆయన హెల్త్ విషయమై ఎలాంటి పుకార్లు నమ్మొద్దని కోరాయి. అంతకుముందు ఆయన అనారోగ్యం పాలయ్యారని, లివర్ సర్జరీ జరిగిందనే వార్త వైరల్‌గా మారింది.
News August 25, 2024
నాగార్జున N కన్వెన్షన్ సెంటర్ అద్దె ఎంతో తెలుసా?
HYDలోని నాగార్జునకు చెందిన <<13929013>>ఎన్<<>> కన్వెన్షన్ సెంటర్ కూల్చివేతతో దాని గురించి తెలుసుకోవాలన్న ఆసక్తి నెలకొంది. అందులో అద్దె రూ.25 లక్షల నుంచి రూ.50 లక్షల వరకు ఉంటుందని సమాచారం. ఇందులో 37వేలు, 27వేలు, 7వేలు, 5వేల చ. అడుగుల విస్తీర్ణంతో 4 హాళ్లు ఉంటాయి. ఫ్యాషన్ షోలు, వార్షిక వేడుకలు, వివాహాలు, గెట్ టు గెదర్ పార్టీలు ఇందులో జరుపుకుంటారు. అక్కడ ఎకరా భూమి రూ.100 కోట్లు విలువ చేస్తుందని సమాచారం.
Featured News
Sorry, no posts matched your criteria.