India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 4, 2024
రేపు కల్కి నుంచి అప్డేట్
ప్రభాస్, నాగ్ అశ్విన్ దర్శకత్వంలో తెరకెక్కుతోన్న చిత్రం ‘కల్కి’. ఈ సినిమా నుంచి రేపు ఉదయం 10 గంటలకు అప్డేట్ రానున్నట్లు నిర్మాణ సంస్థ వైజయంతి మూవీస్ ట్వీట్ చేసింది. దీంతో ట్రైలర్ గురించే కావొచ్చని అభిమానులు కామెంట్లు చేస్తున్నారు. ఈ సినిమా ఈ నెల 27న థియేటర్లలో విడుదల చేయనున్నట్లు ఇప్పటికే మూవీ యూనిట్ ప్రకటించిన సంగతి తెలిసిందే.
News June 4, 2024
TDP MLAగా గెలిచిన అంగన్‌వాడీ టీచర్
AP: అల్లూరి జిల్లా రంపచోడవరంలో టీడీపీ అభ్యర్థి మిర్యాల శిరీషాదేవి విజయం రాష్ట్రంలోనే ఆసక్తిగా నిలిచింది. వైసీపీ అభ్యర్థి నాగులపల్లి ధనలక్ష్మిపై 9,139 ఓట్ల మెజార్టీతో విజయం సాధించిన శిరీష 15 ఏళ్ల తర్వాత ఇక్కడ టీడీపీ జెండాను రెపరెపలాడించారు. గతంలో అంగన్‌వాడీ టీచర్‌గా ఆమె.. ఇప్పుడు MLAగా అసెంబ్లీలోకి అడుగుపెట్టనున్నారు.
News June 4, 2024
39 ఏళ్ల తర్వాత మంగళగిరిలో టీడీపీ గెలుపు
AP: మంగళగిరిలో టీడీపీ నేత నారా లోకేశ్ ఘన విజయం సాధించారు. దీంతో దాదాపు 39 ఏళ్ల తర్వాత మంగళగిరిలో టీడీపీ జెండా ఎగిరింది. చివరగా 1985లో టీడీపీ తరఫున ఇక్కడి నుంచి కోటేశ్వరరావు ఎమ్మెల్యేగా గెలిచారు. కానీ ఆ తర్వాత జరిగిన 7 ఎన్నికల్లో వరుసగా ఆ పార్టీ ఇక్కడ ఓటమిపాలైంది. చివరకు 2024 ఎన్నికల్లో లోకేశ్ గెలుపొంది రికార్డు సృష్టించారు.
News June 4, 2024
ప్రజా తీర్పు-24: గెలిచినా ఓటమే, ఓడినా గెలుపే
ఈసారి దేశ ఓటర్లు ఇరుపక్షాలకు విచిత్ర తీర్పు ఇచ్చారు. వరుసగా రెండోసారి అధికారంలో ఉన్న NDA కౌంట్ 300 లోపే ఆగింది. మ్యాజిక్ ఫిగర్ 272 దాటినా, సొంతంగా 400 సీట్లు గెలుస్తామన్న BJPకి ఈ తీర్పు ఓ పాఠం. 2014, 19 ఘన విజయాలతో పోలిస్తే ఈ ఫలితం ఓ రకంగా ఓటమే. పదేళ్లుగా పరాభవం చూసిన కాంగ్రెస్ సొంతంగా 100+ MP స్థానాలు గెలిచింది. INDIA కూటమి 233 సీట్లతో అధికారానికి ఒక్క అడుగు ముందు ఆగినా నైతికంగా వారికిది విజయమే.
News June 4, 2024
తెలంగాణలో మన నంబర్ డబుల్ అయింది: మోదీ
వివిధ రాష్ట్రాల్లో BJP సాధించిన విజయాలపై మోదీ సంతృప్తి వ్యక్తం చేశారు. ‘తెలంగాణలో మన నంబర్ డబుల్ అయింది. మధ్యప్రదేశ్, గుజరాత్, ఛత్తీస్‌గఢ్, ఢిల్లీ, ఉత్తరాఖండ్, హిమాచల్ తదితర రాష్ట్రాల్లో దాదాపు క్లీన్‌స్వీప్ చేశాం. బీజేపీని ఆదరించిన ఏపీ, ఒడిశా ప్రజలకు నా ప్రత్యేక ధన్యవాదాలు. ఏపీలో చంద్రబాబు అద్భుత ఫలితాలు సాధించారు. అరుణాచల్, ఏపీ, ఒడిశా, సిక్కిం అసెంబ్లీ ఎన్నికల్లో గెలిచాం’ అని మోదీ వివరించారు.
News June 4, 2024
మూడోసారి ఎన్డీఏ అధికారం చేపట్టబోతోంది: మోదీ
ఈ ఎన్నికల్లో ప్రజాస్వామ్యం గెలిచిందన్నారు ప్రధాని మోదీ. ‘ఎన్డీఏ కూటమికి ఓట్లు వేసిన ప్రతి ఒక్కరికి కృతజ్ఞతలు. ఈ సంగ్రామంలో సబ్‌కా సాత్ సబ్‌కా వికాస్ గెలిచింది. మూడోసారి ఎన్డీఏ అధికారం చేపట్టబోతోంది. ఎన్నికల ఘట్టాన్ని విజయవంతంగా నిర్వహించిన ఈసీకి అభినందనలు. జమ్మూకశ్మీర్‌లో రికార్డ్ స్థాయిలో ఓటింగ్ జరిగింది. ఇది గర్వించదగ్గ విషయం’ అని మోదీ తెలిపారు.
News June 4, 2024
కరణంను ముంచిన ఆమంచి!
AP: చీరాలలో TDP అభ్యర్థి ఎంఎం కొండయ్య 20,558 ఓట్ల మెజారిటీతో గెలిచారు. ఆయన మొత్తం 71,360 ఓట్లు సాధించారు. ఇక 50,802 ఓట్లతో YCP అభ్యర్థి కరణం వెంకటేశ్ రెండో స్థానంలో నిలిచారు. కరణం గెలుపును కాంగ్రెస్ అభ్యర్థి ఆమంచి కృష్ణమోహన్ అడ్డుకున్నారు. ఆమంచికి మొత్తం 41,295 ఓట్లు పోలయ్యాయి. ఈ ఓట్లు కలుపుకుంటే కరణం వెంకటేశే 20వేల ఓట్ల మెజార్టీతో కొండయ్యపై గెలిచేవారు.
News June 4, 2024
అమరావతికి పునర్వైభవం?
టీడీపీ అధినేత చంద్రబాబు ఏపీ సీఎంగా ప్రమాణం చేయనుండటంతో అమరావతిని రాజధానిగా అభివృద్ధి చేస్తారనే చర్చ మొదలైంది. 2014లో గెలుపొందిన తర్వాత బాబు అమరావతిని రాజధానిగా ప్రకటించి సచివాలయం, హైకోర్టును నిర్మించారు. 2019లో జగన్ అధికారంలోకి వచ్చాక రాజధాని తరలింపును తెరపైకి తెచ్చారు. మళ్లీ CBN అధికారంలోకి రానుండడంతో అమరావతికి పూర్వ వైభవం లభిస్తుందని, రాజధాని పనులు ఊపందుకుంటాయని శ్రేణులు అభిప్రాయపడుతున్నాయి.
News June 4, 2024
సౌత్ బ్యాటిల్: బీజేపీ 30 vs కాంగ్రెస్ 33
మొన్నటి వరకు బీజేపీ అంటే నార్త్ పార్టీ అనేవాళ్లు. ఇప్పుడది సౌత్‌లో మెరుగైన ప్రదర్శన చేసింది. ఆంధ్ర, తెలంగాణ, కేరళ, తమిళనాడు, కర్ణాటకల్లో మొత్తం 131 సీట్లున్నాయి. ఇక్కడ బీజేపీ 30, కాంగ్రెస్ 33 చోట్ల జెండా పాతాయి. TDP, YCP, DMK, ADMK, JSP, ఇతరులు కలిసి 68 సీట్లు సాధిస్తున్నారు. ఇక NDAకు 49, ఇండియాకు 76 వస్తున్నాయి. 2019లో కాంగ్రెస్, బీజేపీ ఇక్కడ చెరో 29 సీట్లు గెలవగా ఇతరులు 72 కైవసం చేసుకున్నారు.
News June 4, 2024
పవన్ విజయంపై రేణూదేశాయ్ ట్వీట్
ఏపీ ఫలితాల్లో జనసేన ఘనవిజయం సాధించడంపై పవన్ కళ్యాణ్ మాజీ భార్య రేణూదేశాయ్ ఆసక్తికర పోస్ట్ చేశారు. ‘ఆద్య, అకీరాలు సంతోషంగా ఉన్నారు. ఈ తీర్పు వల్ల ఏపీ ప్రజలు ప్రయోజనం పొందుతారని ఆశిస్తున్నా’ అని పేర్కొన్నారు. దీంతో పాటు ఆద్య, అకీరాలు ఉన్న ఫొటోలను పంచుకున్నారు.
Featured News
Sorry, no posts matched your criteria.