India's largestHyperlocal short
news App
Get daily news updates that are tailored for you based on your preferred language & location.
download Way2News app now
News December 13, 2024
తొక్కిసలాట ఘటన ప్రభుత్వ వైఫల్యమే: బండి సంజయ్
అల్లు అర్జున్ అరెస్టును కేంద్ర మంత్రి బండి సంజయ్ ఖండించారు. జాతీయ అవార్డు పొందిన నటుడిని దుస్తులు మార్చుకోవడానికి కూడా టైమ్ ఇవ్వకుండా బెడ్‌రూమ్ నుంచి అరెస్ట్ చేసి అగౌరవపరిచారని అన్నారు. సంధ్య థియేటర్ తొక్కిసలాటలో మహిళ మరణించడం చాలా దురదృష్టకరమని, ఈ ఘటనకు కాంగ్రెస్ ప్రభుత్వ వైఫల్యమే కారణమని అన్నారు. పెద్ద ఈవెంట్లకు ప్రభుత్వమే సరైన ఏర్పాట్లు చేయాల్సిందని ట్వీట్ చేశారు.
News December 13, 2024
అల్లు అర్జున్ అరెస్ట్ అన్యాయం: అంబటి రాంబాబు
సంధ్య థియేటర్ తొక్కిసలాట వ్యవహారంలో హీరో అల్లు అర్జున్‌ను అరెస్ట్ చేయడం అన్యాయమని వైసీపీ నేత అంబటి రాంబాబు ట్వీట్ చేశారు. ఆయనకు అండగా ఉంటామని చెప్పారు. అల్లు అర్జున్‌తో పాటు పవన్ కళ్యాణ్, సీఎం చంద్రబాబు, రేవంత్‌ను ఆయన ట్యాగ్ చేశారు. కాగా ‘పుష్ప2’ సినిమా విడుదలకు ముందు, ఆ తర్వాత అల్లు అర్జున్‌కు మద్దతుగా అంబటి వరుస ట్వీట్లు చేశారు. ఆయనను ఎవరూ అణగదొక్కలేరని ట్వీట్లు పెట్టారు.
News December 13, 2024
బన్నీకి రిమాండ్ విధిస్తారా?
అల్లు అర్జున్ విషయంలో నాంపల్లి ట్రయల్ కోర్టు తీసుకునే నిర్ణయంపై ఉత్కంఠ నెలకొంది. తనపై కేసులు క్వాష్ చేయాలన్న బన్నీ పిటిషన్‌పై విచారణను హైకోర్టు ఈ సాయంత్రం గం.4కు వాయిదా వేసింది. అయితే ఈలోపే పోలీసులు ఆయన్ను ట్రయల్ కోర్టుకు తీసుకెళ్లనున్నారు. దీంతో ఈ న్యాయమూర్తి హైకోర్టు తీర్పు కోసం వేచి చూస్తారా? లేక రిమాండ్ విధిస్తారా? మరేదైనా నిర్ణయం తీసుకుంటారా? అనేది చూడాలి.
News December 13, 2024
కన్నడ నటుడు దర్శన్కు బెయిల్ మంజూరు
కన్నడ నటుడు దర్శన్కు క‌ర్ణాట‌క హైకోర్టు బెయిల్ మంజూరు చేసింది. ద‌ర్శ‌న్‌తోపాటు ప‌విత్రా గౌడ స‌హా ఈ కేసులో ప్ర‌ధాన నిందితులైన మ‌రో ఐదుగురికి కోర్టు బెయిల్ ఇచ్చింది. డిసెంబర్ 9న దర్శన్ బెయిల్ పిటిషన్‌పై తుది వాదన విన్న జస్టిస్ విశ్వజిత్ శెట్టి తాజాగా తీర్పు వెలువరించారు. అభిమాని రేణుకా స్వామి హత్య కేసులో జూన్ 11న పోలీసులు దర్శన్‌ను అరెస్టు చేసిన విషయం తెలిసిందే.
News December 13, 2024
అల్లు అర్జున్ అరెస్టుపై దేశవ్యాప్తంగా చ‌ర్చ
అల్లు అర్జున్ అరెస్టు దేశ‌వ్యాప్త చ‌ర్చ‌కు దారితీస్తోంది. ప్రాంతీయ మాధ్య‌మాలతోపాటు హిందీ, ఆంగ్ల ప్ర‌సార‌మాధ్య‌మాల్లో ఈ అంశంపై విస్తృతంగా చ‌ర్చ జ‌రుగుతోంది. అస‌లేం జ‌రిగింది? పోలీసులు పెట్టిన కేసులేంటి? ఏ సెక్ష‌న్ కింద ఎంత వరకు శిక్ష‌ప‌డే అవకాశం ఉంది? అసలు కేసు నిలుస్తుందా? అనే మెరిట్స్‌పై నిపుణులతో చర్చిస్తున్నారు. పుష్ప అరెస్టు నేషనల్ ఇష్యూ అంటూ ఫ్యాన్స్ కామెంట్ చేస్తున్నారు.
News December 13, 2024
పోలీసులకు ఇచ్చిన వాంగ్మూలంలో అల్లు అర్జున్ ఏం చెప్పారంటే?
సంధ్య థియేటర్ తొక్కిసలాట ఘటనతో తనకు సంబంధం లేదని పోలీసులకు అల్లు అర్జున్ వాంగ్మూలం ఇచ్చినట్లు సమాచారం. సినిమా రిలీజ్ సమయంలో థియేటర్లకు రావడం సహజమేనని, గతంలో కూడా ఇలా వచ్చినట్లు తెలిపినట్లు తెలుస్తోంది. ఇలాంటి ఘటన జరుగుతుందని ఊహించలేదని, తాను రావడం వల్లే ఘటన జరిగిందనేది అవాస్తవమని చెప్పినట్లు సమాచారం.
News December 13, 2024
అల్లు అర్జున్ పిటిషన్‌పై విచారణ వాయిదా
TG: తన అరెస్టును సవాల్ చేస్తూ అల్లు అర్జున్ దాఖలు చేసిన క్వాష్ పిటిషన్‌పై హైకోర్టులో విచారణ వాయిదా పడింది. పోలీసుల నుంచి పూర్తి వివరాలు సేకరించి సాయంత్రం 4 గంటలకు చెబుతానని ప్రభుత్వ తరఫు లాయర్ కోర్టుకు తెలిపారు. దీంతో సాయంత్రం 4 గంటలకు దీనిపై విచారణ చేస్తామని న్యాయస్థానం తెలిపింది. అటు కోర్టు తీర్పుపై ఉత్కంఠ నెలకొంది.
News December 13, 2024
ట్విటర్ ట్రెండింగ్‌లో #AlluArjunArrest
‘పుష్ప-2’ సినిమాతో దేశవ్యాప్తంగా సంచలనం సృష్టించిన ఐకాన్ స్టార్ అల్లు అర్జున్‌ను అరెస్ట్ చేయడం ప్రకంపనలు సృష్టించింది. సక్సెస్ మీట్ కోసం నిన్న ఢిల్లీకి వెళ్లొచ్చిన అర్జున్‌ను ఉదయమే అరెస్ట్ చేయడంతో సోషల్ మీడియా షేక్ అవుతోంది. దీంతో #AlluArjunArrest హ్యాష్‌ట్యాగ్ ట్విటర్‌లో దేశవ్యాప్తంగా ట్రెండ్ అవుతోంది. నార్త్ ఇండియన్ అభిమానులు సైతం ఆయనకు సపోర్ట్‌గా ట్వీట్స్ చేస్తున్నారు.
News December 13, 2024
అల్లు అర్జున్ అరెస్టుపై స్పందించిన పోలీసులు
హైదరాబాద్ సంధ్య థియేటర్ వద్ద జరిగిన తొక్కిసలాట ఘటనలో అల్లు అర్జున్‌ను అరెస్ట్ చేసినట్లు హైదరాబాద్ సీపీ సీవీ ఆనంద్ వెల్లడించారు. గాంధీ ఆస్పత్రిలో ఆయనకు వైద్య పరీక్షలు నిర్వహించి అనంతరం నాంపల్లి క్రిమినల్ కోర్టులో హాజరుపరుస్తామని చెప్పారు. అటు గాంధీ ఆస్పత్రికి బన్నీని తరలించేందుకు వాహనాలను పోలీసులు సిద్ధం చేస్తున్నారు.
News December 13, 2024
మధ్యాహ్నం 2.30గంటలకు చెబుతాం: హైకోర్టు
అల్లు అర్జున్‌పై సోమవారం వరకు ఎలాంటి చర్యలు తీసుకోకుండా ఆదేశాలివ్వాలని ఆయన తరఫు లాయర్ <<14867578>>కోరడంపై<<>> హైకోర్టు జడ్జి కీలక వ్యాఖ్యలు చేశారు. పోలీసుల అభిప్రాయం తెలుసుకొని మ.2.30 గంటలకు చెబుతామని వెల్లడించారు. అయితే ఇప్పటికే అల్లు అర్జున్ వేసిన క్వాష్ పిటిషన్‌ను అత్యవసరంగా విచారించాలని లాయర్ కోరగా హైకోర్టు తిరస్కరించింది. ఉ.10.30 గంటలలోపే పిటిషన్ జత చేయాల్సిందని చెప్పింది.
Featured News
Sorry, no posts matched your criteria.