India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 14, 2024
చట్టానికి ఎవరూ అతీతులు కాదు: నటి రమ్య
హత్య కేసులో హీరో దర్శన్, నటి పవిత్ర గౌడ అరెస్ట్‌పై మరో కన్నడ నటి రమ్య స్పందించారు. చట్టానికి ఎవరూ అతీతులు కారంటూ ఇన్‌స్టాగ్రామ్‌లో పోస్ట్ పెట్టారు. ‘కర్ణాటక పోలీసులు రాజకీయ ఒత్తిడులకు లొంగిపోరు. చట్టంపై ప్రజల విశ్వాసాన్ని పెంపొందిస్తున్నారు. జస్టిస్ ఫర్ రేణుకాస్వామి’ అని ఆమె రాసుకొచ్చారు. కాగా పవిత్రకు రేణుకాస్వామి అసభ్యకర సందేశాలు పంపడంతో అతడిని దర్శన్ కొట్టి చంపినట్లు పోలీసులు నిర్ధారించారు.
News June 14, 2024
T20WC: ఇలా జరిగితే పాకిస్థాన్ ఇంటికే
పాకిస్థాన్ జట్టులో సూపర్-8 గుబులు నెలకొంది. ఆ జట్టు సూపర్-8కు అర్హత సాధించాలంటే ఐర్లాండ్‍తో మ్యాచ్‌లో భారీ విజయం సాధించాలి. అలాగే ఐర్లాండ్‍తో అమెరికా ఓడాలి. ప్రస్తుతం ఫ్లోరిడాలో భారీ వర్షాలు పడుతుండటంతో ఈ మ్యాచ్‍ల్లో ఏ ఒక్కటి రద్దయినా పాక్ టోర్నీ నుంచి ఇంటి బాట పడుతుంది. అప్పుడు అమెరికా త‌దుప‌రి ద‌శ‌కు చేరుకుంటుంది. నేడు యూఎస్ఏ-ఐర్లాండ్‌, జూన్ 16న ఐర్లాండ్‌-పాక్ జ‌ట్ల మధ్య మ్యాచులు జ‌ర‌గనున్నాయి.
News June 14, 2024
వాతావరణ సంక్షోభం: ఉష్ణోగ్రతల్లో కొత్త రికార్డులు!
భూ వాతావరణ చరిత్రలో 2024 మే హాటెస్ట్ నెలగా నిలిచిందని నాసా శాస్త్రవేత్తలు తెలిపారు. గత 12 నెలలుగా ప్రపంచ ఉష్ణోగ్రతల సగటు ప్రతి నెలా రికార్డుస్థాయిలో నమోదైనట్లు పేర్కొన్నారు. భూమిపై వాతావరణ సంక్షోభానికి ఇదే నిదర్శనమని చెబుతున్నారు. ప్రపంచవ్యాప్తంగా చాలా ప్రాంతాలు తొలిసారిగా తీవ్రమైన వేడిని అనుభవిస్తున్నాయని, గత 12 నెలల్లో ప్రపంచ ఉష్ణోగ్రతల సగటు 2.34°F నమోదైనట్లు తెలిపారు.
News June 14, 2024
ఫిడే వరల్డ్ U-20 ఛాంపియన్‌గా దివ్య
బల్గేరియాకు చెందిన బెలోస్లావా క్రాస్టేవాను ఓడించి భారత యువ ప్లేయర్ దివ్య దేశ్‌ముఖ్ ఫిడే వరల్డ్ U-20 గర్ల్స్ చెస్ ఛాంపియన్‌షిప్‌ను గెలుచుకున్నారు. దీంతో ఆమె హంపీ, హారిక, సౌమ్య తర్వాత ప్రపంచ జూనియర్ బాలికల టైటిల్‌ను గెలుచుకున్న ఇండియన్‌గా నిలిచారు. MHలోని నాగ్‌పూర్‌కు చెందిన దివ్య కొన్నేళ్లుగా చెస్‌లో రాణిస్తున్నారు. గుజరాత్‌లోని గాంధీనగర్‌లో ఈ టోర్నీ జరుగుతోంది.
News June 14, 2024
మల్లారెడ్డిపై భూకబ్జా కేసు నమోదు
TG: మాజీ మంత్రి మల్లారెడ్డి, ఆయన అల్లుడు రాజశేఖర్‌పై పేట్ బషీరాబాద్ పోలీసులు భూకబ్జా కేసు నమోదు చేశారు. తన 32 గుంటల స్థలాన్ని కబ్జా చేశారని, నిర్మాణాలను కూల్చివేశారని ఆరోపిస్తూ ఆయనపై సాఫ్ట్‌వేర్ ఇంజినీర్ శ్రీనివాస్ ఫిర్యాదు చేశారు.
News June 14, 2024
ఏలియన్స్ మన మధ్యే ఉన్నాయేమో: హార్వర్డ్
ఏలియన్స్ మనుషుల రూపంలో మన మధ్యే తిరుగుతూ ఉండొచ్చని హార్వర్డ్ యూనివర్సిటీ పరిశోధకులు అభిప్రాయపడుతున్నారు. భూగర్భంలోనూ ఇవి ఉండొచ్చని, ఇక్కడి ఫ్రెండ్స్‌ కోసం అంతరిక్షం నుంచి ఏలియన్స్ వచ్చివెళ్లే అవకాశాలు ఉన్నాయట. ‘క్రిప్టోటెరస్ట్రియల్స్’ థియరీ ఆధారంగా ఈ రీసెర్చ్ చేసినట్లు తెలిపారు. కాగా ఏలియన్స్ భూమికి <<12456903>>రావడం<<>> అసాధ్యమని JANలో ఇదే యూనివర్సిటీకి చెందిన పరిశోధకులు చెప్పడం గమనార్హం.
News June 14, 2024
అహంకారులను రాముడు 241 వద్దే ఆపాడు: RSS నేత ఇంద్రేశ్
తన అహంభావం వల్ల బీజేపీ 241 సీట్లకే పరిమితమైందని ఆర్ఎస్ఎస్ నేత ఇంద్రేశ్ కుమార్ ఘాటు విమర్శ చేశారు. అందుకే రాముడు ఆ పార్టీని తక్కువ సీట్లకు పరిమితం చేశాడని పేర్కొన్నారు. ఇండియా కూటమి రాముడికి వ్యతిరేకమని ఆరోపించారు. అందుకే వారు కూడా 234 సీట్లతో సరిపెట్టుకున్నట్లు ఎద్దేవా చేశారు. ప్రస్తుతం ఇంద్రేశ్ వ్యాఖ్యలు సంచలనం రేపుతున్నాయి.
News June 14, 2024
RARE: ఏనుగుకు కవల పిల్లలు
థాయ్‌లాండ్‌లో ఓ ఏనుగుకు కవల పిల్లలు జన్మించాయి. ఇందులో ఆడ, మగ ఏనుగు ఉన్నాయి. రాయల్ క్రాల్‌లోని ఆయుత్తాయ ఎలిఫెంట్ ప్యాలెస్‌లో చంచూరి (35) అనే ఏనుగుకు ఒకదాని తర్వాత ఒకటి జన్మించాయి. ప్రస్తుతం ఇందుకు సంబంధించిన ఫొటోలు సోషల్ మీడియాలో వైరల్‌గా మారాయి. కాగా ఏనుగులకు కవలలు జన్మించేందుకు ఒక శాతం మాత్రమే అవకాశం ఉంటుంది. అవి 22 నెలలపాటు గర్భధారణతో ఉంటాయి. నాలుగేళ్లకోసారి పిల్లలకు జన్మనిస్తాయి.
News June 14, 2024
SSC కానిస్టేబుల్.. 20,471 పోస్టులు పెంపు
నిరుద్యోగులకు స్టాఫ్ సెలక్షన్ కమిషన్ (SSC) శుభవార్త చెప్పింది. కానిస్టేబుల్ (జనరల్ డ్యూటీ)-2024 ద్వారా భర్తీ చేయాల్సిన ఖాళీల సంఖ్యను 46,617కు పెంచింది. 2023లో 26,146 పోస్టులకు నోటిఫికేషన్ రాగా, 2024 ఫిబ్రవరి-మార్చిలో పరీక్షలు జరిగాయి. తాజాగా 20,471 పోస్టులను పెంచింది. అత్యధికంగా CISFలో 13,632, BSFలో 12,076, CRPFలో 9,410, ITBPలో 6,287 ఖాళీలు ఉన్నాయి. త్వరలో ఫలితాలు విడుదల కానున్నాయి. ssc.gov.in/
News June 14, 2024
కాలు విరిగితే అట్టముక్క కట్టారు!
కాలు విరిగిందని ప్రభుత్వ ఆస్పత్రికి వెళ్లిన ముకేశ్ కుమార్ అనే వ్యక్తి అక్కడి వైద్యులు చేసిన చికిత్సకు నిర్ఘాంతపోయాడు. ఫ్రాక్చర్ అయిన కాలుకు అట్టముక్క కట్టి పంపించారు. ఈ ఘటన బిహార్‌లోని ముజఫర్‌పూర్‌ పరిధిలోని మినాపూర్‌లో ఈనెల 7న జరిగింది. ఇక్కడి వైద్యం నచ్చక శ్రీకృష్ణ మెడికల్ కాలేజ్ అనే మరో చోట చూపించుకున్నాడు. అయితే వారు కూడా ఈ కార్డ్‌బోర్డ్ తీయకుండానే ఈనెల 7-11 మధ్య చికిత్స అందించడం కొసమెరుపు.
Featured News
Sorry, no posts matched your criteria.