India's largestHyperlocal short
news App
Get daily news updates that are tailored for you based on your preferred language & location.
download Way2News app now
News December 6, 2024
కొత్త రేషన్ కార్డు దరఖాస్తుదారులకు బ్యాడ్ న్యూస్
AP: కొత్త రేషన్ కార్డుల మంజూరు ప్రక్రియ సంక్రాంతికి పూర్తయ్యే పరిస్థితులు కనిపించడం లేదు. దీనిపై ప్రభుత్వం ఇప్పటికీ ఎలాంటి నిర్ణయం తీసుకోలేదు. ఈ నెల 2 నుంచి ప్రభుత్వం దరఖాస్తులు స్వీకరిస్తుందని వార్తలు వచ్చినా ఎలాంటి అధికారిక ఉత్తర్వులు వెలువడలేదు. మరోవైపు సివిల్ సప్లైస్ శాఖ మాత్రం తమ వైపు ఎలాంటి ఆటంకాలు లేవని చెబుతోంది. దీనిపై ప్రభుత్వమే నిర్ణయం తీసుకోవాల్సి ఉందని అంటోంది.
News December 6, 2024
పోతూ పోతూ ‘RBI దాస్’ గుడ్‌న్యూస్ చెప్తారా!
RBI గవర్నర్ శక్తికాంత దాస్ పదవీకాలం DEC 10న ముగుస్తుంది. మరోసారి అవకాశం ఇచ్చేందుకు కేంద్రం సిద్ధంగా లేనట్టు తెలుస్తోంది. దీంతో చివరి MPC మీటింగులోనైనా ఆయన వడ్డీరేట్లను తగ్గించి ఊరట కల్పిస్తారా అన్న సందేహాలు మొదలయ్యాయి. ప్రస్తుతం రెపోరేటు 6.5, CRR 4.5 శాతంగా ఉన్నాయి. రెండో త్రైమాసికంలో దేశ GDP భారీగా పడిపోవడానికి వీటిని తగ్గించకపోవడమే కారణమన్న విమర్శలు ఉన్నాయి. మరి దాస్ నేడేం చేస్తారో చూడాలి.
News December 6, 2024
కుత్బుల్లాపూర్ MLA ఇంటి వద్ద ఉద్రిక్తత
TG: కుత్బుల్లాపూర్ MLA వివేకానంద ఇంటి వద్ద ఉద్రిక్తత నెలకొంది. పోలీసులు ఆయన ఇంటిని చుట్టుముట్టగా హౌస్ అరెస్ట్ చేసే అవకాశం ఉంది. నిన్న పాడి కౌశిక్ రెడ్డి, హరీశ్ రావు, పల్లా అరెస్టుల నేపథ్యంలో BRS శ్రేణులు ఆందోళనలకు పిలుపునిచ్చాయి. దీంతో అలర్ట్ అయిన పోలీసులు ముందస్తు చర్యలకు ఉపక్రమించారు.
News December 6, 2024
రేపు వచ్చేది మా ప్రభుత్వమే.. ఊరుకోం: పల్లా
TG: అక్రమ అరెస్టులకు భయపడేది లేదని BRS నేత పల్లా రాజేశ్వర్ రెడ్డి తెలిపారు. ‘పాడి కౌశిక్ రెడ్డి అరెస్ట్ తీరు సరిగా లేదని మా మాజీ మంత్రులు, నేతలు ఆయన్ను కలవడానికి వెళ్లాం. చట్టాలు ఉల్లంఘించి మమ్మల్ని అరెస్ట్ చేసి అనేక స్టేషన్లు తిప్పారు. రేపు వచ్చే ప్రభుత్వం మాదే. మీ అక్రమాలు సహించం’ అని పల్లా అన్నారు. నార్సింగి PS వద్దకు భారీగా BRS శ్రేణులు చేరుకోగా, అర్ధరాత్రి పల్లాను పోలీసులు విడుదల చేశారు.
News December 6, 2024
పుష్ప-2 అద్భుతం.. యంగ్ హీరోల ప్రశంసలు
పుష్ప-2 సినిమాపై యంగ్ హీరోలు సందీప్ కిషన్, శ్రీవిష్ణు ప్రశంసలు కురిపించారు. ‘నాకు ఇష్టమైన అల్లు అర్జున్, సుకుమార్, ఫహాద్, రష్మిక, శ్రీలీల, DSP ప్రదర్శన అమోఘం. ఎక్కడ చూసినా ఇదే వైబ్ కొనసాగుతోంది’ అని సందీప్ పేర్కొన్నారు. ‘బన్నీ రప్పా రప్పా పర్‌ఫార్మెన్స్, సుకుమార్ విజినరీ డైరెక్షన్, రష్మిక, ఫహాద్ నటన అద్భుతం. మూవీ టీమ్‌కు కంగ్రాట్స్’ అని శ్రీవిష్ణు రాసుకొచ్చారు.
News December 6, 2024
నాన్ ఓపెనర్‌గా రోహిత్ శర్మ గణాంకాలివే
AUSతో ఇవాళ్టి నుంచి జరిగే రెండో టెస్టులో తాను ఓపెనర్‌గా <<14796317>>రావట్లేదని<<>> కెప్టెన్ రోహిత్ శర్మ ప్రకటించారు. అతను గతంలో 3-5 స్థానాల్లో బ్యాటింగ్ చేసినప్పుడు రికార్డు గొప్పగా లేదు. మూడో స్థానంలో ఐదుసార్లు ఆడి 107 రన్స్, ఫోర్త్ ప్లేస్‌లో ఓ సారి కేవలం 4 పరుగులు చేశారు. ఐదో స్థానంలో 437 రన్స్, ఆరో ప్లేస్‌లో 1,037 పరుగులు సాధించారు. మరి ఈ డేనైట్ టెస్టులో ఎలా రాణిస్తారో వేచి చూడాలి.
News December 6, 2024
మార్చి 1 నుంచి 20 వరకు ఇంటర్ ఎగ్జామ్స్?
AP: రాష్ట్రంలో మార్చి 1 నుంచి 20 వరకు ఇంటర్ పరీక్షలు జరుగుతాయని తెలుస్తోంది. ఇందుకు సంబంధించి ఇంటర్ విద్యా మండలి ఎగ్జామ్స్ షెడ్యూల్‌ను ప్రభుత్వానికి పంపినట్లు సమాచారం. అలాగే ఫిబ్రవరి 10 నుంచి ప్రాక్టికల్ పరీక్షలు జరుగుతాయని తెలుస్తోంది. త్వరలోనే ఇందుకు సంబంధించిన టైమ్ టేబుల్‌ను బోర్డు ప్రకటిస్తుందని వార్తలు వస్తున్నాయి.
News December 6, 2024
తెలంగాణలో 3 ESI ఆస్పత్రులు
తెలంగాణలో 3 ఈఎస్ఐ ఆస్పత్రులను ఏర్పాటు చేయనున్నట్లు కేంద్ర సహాయమంత్రి శోభ కరంద్లాజే వెల్లడించారు. రామగుండం, రంగారెడ్డి జిల్లా శంషాబాద్‌లో 100 పడకలు, మహబూబ్‌నగర్‌లో 100 పడకలకు ఆస్పత్రులను అప్‌గ్రేడ్ చేసేందుకు ప్రణాళికలు రూపొందిస్తున్నామన్నారు. ఇప్పటికే రాష్ట్రంలో ఏడు ఆస్పత్రులు ఉన్నాయని, వాటిలో రెండు ESI కార్పొరేషన్, మిగతావి తెలంగాణ ప్రభుత్వం ఆధ్వర్యంలో సాగుతున్నాయన్నారు.
News December 6, 2024
బంగ్లా కరెన్సీ నుంచి ముజిబుర్ రెహమాన్ ఫొటో తొలగింపు
బంగ్లాదేశ్‌లోని యూనస్ ప్రభుత్వం సంచలన నిర్ణయం తీసుకుంది. ఆ దేశ వ్యవస్థాపక నేత, మాజీ ప్రధాని షేక్ హసీనా తండ్రి ముజిబుర్ రెహమాన్ ఫొటోను కరెన్సీ నోట్లపై నుంచి తొలగించనున్నట్లు ప్రకటించింది. ఆయన ఫొటో లేకుండా కొత్తగా 20, 100, 500, 1,000 టాకా నోట్లను ముద్రిస్తున్నట్లు బంగ్లాదేశ్ బ్యాంక్ వెల్లడించింది. జులైలో జరిగిన నిరసనలు, బెంగాలీ కల్చర్, మతపరమైన అంశాల మేళవింపుతో కరెన్సీ ఉంటుందని తెలుస్తోంది.
News December 6, 2024
సిబిల్ స్కోర్ తగ్గిందా.. ఇలా పెంచుకోండి..!
చాలా మంది సిబిల్ స్కోర్ తగ్గిపోయి లోన్లు రాక ఇబ్బంది పడుతూ ఉంటారు. ఎలా పెంచుకోవాలో తెలియక అవస్థలు పడుతుంటారు. కానీ కొన్ని పద్ధతులు పాటించి క్రెడిట్ స్కోర్ పెంచుకోవచ్చని నిపుణులు చెబుతున్నారు. క్రెడిట్ కార్డును 30 శాతం కంటే తక్కువగా వినియోగించాలి. తీసుకున్న రుణాలను సకాలంలో చెల్లించాలి. లోన్ కోసం వెంటవెంటనే అప్లై చేయకూడదు. మీ పేరుపై ఇతరులకు లోన్ తీసి ఇవ్వకూడదు.
Featured News
Sorry, no posts matched your criteria.