India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 25, 2024
కేజ్రీవాల్ ఇంటర్వ్యూపై మోదీ పరోక్ష విమర్శలు
అవినీతి పరులను మీడియా ఇంటర్వ్యూ చేయడం చూసి షాక్ అయ్యానని అన్నారు ప్రధాని మోదీ. ఒకప్పుడు ఛార్లెస్ శోభ్‌రాజ్ వంటి క్రిమినల్స్‌ని అలా ఇంటర్వ్యూ చేయడం చూశానన్నారు. లిక్కర్ స్కామ్ కేసులో బెయిల్‌పై వచ్చిన ఢిల్లీ సీఎం కేజ్రీవాల్ ఇటీవల మీడియాకి ఇంటర్వ్యూ ఇచ్చారు. దీనిపైనే మోదీ పరోక్ష విమర్శలు చేసినట్లు తెలుస్తోంది. సమాజంలో జవాబుదారీతనం తగ్గుతోందని, నేరస్థులకు ఆదరణ దక్కుతుండటం ఆందోళన కలిగిస్తోందన్నారు.
News May 25, 2024
కోచింగ్ అంటే ఇష్టమే.. కానీ: డివిలియర్స్
తనకు కోచింగ్ అంటే ఇష్టమేనని.. కానీ ఇప్పుడే ఆ పదవి చేపట్టలేనని సౌతాఫ్రికా దిగ్గజ క్రికెటర్ ఏబీ డివిలియర్స్ అన్నారు. రాహుల్ ద్రవిడ్ స్థానాన్ని భర్తీ చేస్తారా అన్న ప్రశ్నకు ఏబీడీ ఇలా సమాధానమిచ్చారు. ‘ఇప్పటివరకు కోచ్ పదవి గురించి ఆలోచించలేదు. నేను ఇంకా నేర్చుకోవాల్సింది చాలా ఉంది. కోచింగ్‌ను ఆస్వాదిస్తా. కొన్ని జట్లు, కొందరు ప్లేయర్లతో పని చేసేందుకు నేనెప్పుడూ ఇష్టపడతా’ అని ఆయన పేర్కొన్నారు.
News May 25, 2024
‘400 పార్’ సర్కార్ కావాలని ప్రజలు ఫిక్స్ అయ్యారు: మోదీ
ప్రజలు బలమైన, స్థిరమైన, విజన్ గల ప్రభుత్వాన్ని కోరుకుంటున్నారని అన్నారు ప్రధాని మోదీ. ‘400 పార్’ అనే నినాదం BJPది కాదని, ప్రజలే 400కుపైగా సీట్లు ఇవ్వాలని నిశ్చయించుకున్నట్లు తెలిపారు. ప్రచారాలు ఎన్నికలపై ప్రభావం చూపవన్న మోదీ.. తుది తీర్పు ప్రజలే నిర్ణయిస్తారని, వారే ఎన్నికల్లో పోరాడుతున్నారని పేర్కొన్నారు. ఈ ఎన్నికల్లో బంపర్ మెజార్టీతో గెలిచి ప్రభుత్వాన్ని ఏర్పాటు చేస్తామని ధీమా వ్యక్తం చేశారు.
News May 25, 2024
ఉద్యోగాలు, అభివృద్ధిపై చర్చకు సిద్ధం: కేటీఆర్
TG: పదేళ్లుగా రాష్ట్రంలో జరిగిన ఉద్యోగాల భర్తీ, అభివృద్ధిపై తాను చర్చకు సిద్ధమని బీఆర్ఎస్ వర్కింగ్ ప్రెసిడెంట్ కేటీఆర్ ప్రకటించారు. తెలంగాణలో కంటే దేశంలో అధిక అభివృద్ధి జరిగి ఉంటే BJP, కాంగ్రెస్ సమాధానం చెప్పాలన్నారు. దీన్ని వాళ్లు నిరూపిస్తే తాను MLAగా రాజీనామా చేస్తానని, లేదంటే కాంగ్రెస్, బీజేపీ నేతలు పదవులకు రిజైన్ చేస్తారా? అని సవాల్ విసిరారు.
News May 25, 2024
హోటల్‌లో ఒకేచోట వెజ్& నాన్‌వెజ్ నిల్వచేశారు!
TG: మాసబ్ ట్యాంక్‌లోని ‘చిచాస్ అస్లీ హైదరాబాదీ ఖానా’ హోటల్‌లో ఫుడ్ సేఫ్టీ అధికారులు తనీఖీ చేశారు. సింథటిక్ ఫుడ్ కలర్స్ వాడకం, సరైన లైసెన్సు లేకపోవడం, వెజ్& నాన్ వెజ్‌లను ఒకేచోట నిల్వచేయడాన్ని గుర్తించినట్లు ఫుడ్ సేఫ్టీ కమిషనర్ ట్వీట్ చేశారు. నగర నలుమూలల్లో నిబంధనలకు విరుద్ధంగా నడుస్తోన్న హోటళ్లపై గతవారం రోజులుగా అధికారులు ఉక్కుపాదం మోపుతున్నారు. ఇలాంటివి గుర్తిస్తే 9100105795కి ఫిర్యాదు చేయొచ్చు.
News May 25, 2024
ఆర్ఆర్‌పై ఆర్సీబీ ఫ్యాన్స్ అసహనం
ఈ ఏడాది ఐపీఎల్‌లో నిన్నటి మ్యాచ్‌కు ముందు ఆడిన చివరి 6 మ్యాచుల్లో రాజస్థాన్ రాయల్స్ గెలిచింది ఒకే ఒక మ్యాచ్. ఆ ఒక్క మ్యాచ్ ఆర్సీబీపై ఎలిమినేటర్. నిన్న క్వాలిఫయర్-2లో SRH చేతిలో మళ్లీ ఓడింది. దీంతో RCB ఫ్యాన్స్ RRపై నెట్టింట మండిపడుతున్నారు. ‘అటు మీరు వెళ్లలేదు. ఇటు మమ్మల్ని వెళ్లనివ్వలేదు’ అంటూ ఆవేదన వ్యక్తం చేస్తున్నారు. ఒకవేళ RRపై RCB గెలిచి నిన్న SRHతో మ్యాచ్ ఆడి ఉంటే..? కామెంట్ చేయండి.
News May 25, 2024
భక్తులతో నిండిపోయిన యాదగిరిగుట్ట
TG: వేసవి సెలవులు ఉండటంతో ప్రముఖ పుణ్యక్షేత్రం యాదగిరిగుట్టకు భక్తులు పోటెత్తుతున్నారు. ఇవాళ స్వామివారి ధర్మ దర్శనానికి 3 గంటల సమయం పడుతోంది. క్యూ కాంప్లెక్సులు భక్తులతో నిండిపోయాయి. కొండకింద ఆధ్యాత్మిక వాడలోని పుష్కరిణి ప్రాంగణం, వ్రత మండపం జనాలతో కిక్కిరిసిపోయాయి. వాహనాల పార్కింగ్ నిండిపోవడంతో ట్రాఫిక్ జామ్ అవుతోంది. మరోవైపు ఏపీ మంత్రి రోజా లక్ష్మీనరసింహ స్వామిని దర్శించుకున్నారు.
News May 25, 2024
EVMలకు BJP ట్యాగ్స్ పెట్టారన్న TMC.. స్పందించిన WB CEO
EVMలను ట్యాంపర్ చేయాలని BJP యత్నిస్తోందని WB సీఎం మమత నేతృత్వంలోని TMC ఆరోపించింది. రఘునాథ్‌పూర్‌లో 5 EVMలపై BJP ట్యాగ్‌లున్నాయని ఒక ఫొటోను సోషల్ మీడియాలో పంచుకుంది. EC దిద్దుబాటు చర్యలు తీసుకోవాలని కోరింది. అయితే పోలింగ్ ప్రారంభ సమయంలో ట్యాగ్స్‌పై అభ్యర్థులు, ఏజెంట్ల సంతకాలు తీసుకుంటామని, అప్పుడు BJP వాళ్లు మాత్రమే ఉండటంతో వారి సంతకాలు తీసుకున్నామని WB CEO బదులిచ్చింది.
News May 25, 2024
శక్తిమంతమైన ప్రజాస్వామ్యానికి ఇదే నిదర్శనం: సీఈవో
AP: పల్నాడు జిల్లాలో పోలింగ్ నిర్వహణలో అధికారులు వైఫల్యం చెందారని వస్తున్న విమర్శల వేళ సీఈవో ముకేశ్ కుమార్ మీనా ఆసక్తికర ట్వీట్ చేశారు. ‘నరసరావుపేట పార్లమెంట్ పరిధిలో 85.65 శాతం ఓటింగ్ నమోదవడం శక్తిమంతమైన ప్రజాస్వామ్య భాగస్వామ్యానికి నిదర్శనం’ అని రాసుకొచ్చారు. కవిసార్వభౌమ శ్రీనాథుడు, ఆధునిక కవిచక్రవర్తి జాషువా ఈ ప్రాంతానికి చెందినవారేనని పేర్కొన్నారు.
News May 25, 2024
2.37 లక్షల ఉద్యోగాల భర్తీకి నోటిఫికేషన్లు ఇచ్చాం: కేటీఆర్
TG: ఏ రాష్ట్రంలోనూ 95% స్థానికత కోటా లేదని, తాము అటెండర్ నుంచి గ్రూప్-1 వరకు లోకల్ రిజర్వేషన్లు తెచ్చామని KTR తెలిపారు. ఉమ్మడి APలో INC పదేళ్ల పాలనలో 26,084 ఉద్యోగాలు భర్తీ చేస్తే.. తాము 2.37 లక్షల పోస్టుల భర్తీకి నోటిఫికేషన్లు ఇచ్చామని చెప్పారు. ఇంతచేస్తే KCR ఉద్యోగాలు ఇవ్వలేదని తప్పుడు ప్రచారం చేస్తున్నారని మండిపడ్డారు. కేసీఆర్ ఇచ్చినవి తప్ప ఈ ఐదు నెలల్లో ఎవరికీ కొత్తగా జాబ్స్ రాలేదన్నారు.
Featured News
Sorry, no posts matched your criteria.