India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 29, 2024
నీళ్లు, విద్యుత్ కొరత.. ఓయూలో హాస్టళ్లు, మెస్సులు బంద్
TG: ఉస్మానియా యూనివర్సిటీలోని హాస్టళ్లు, మెస్సులకు అధికారులు వేసవి సెలవులు ప్రకటించారు. వీటిని మే 1 నుంచి మే 31వ తేదీ వరకు మూసివేస్తున్నట్లు తెలిపారు. అలాగే వర్సిటీలో నీళ్లు, విద్యుత్ కొరత ఉందని పేర్కొన్నారు. విద్యార్థులంతా సహకరించాలని కోరుతూ ఓ ప్రకటన విడుదల చేశారు. కాగా వర్సిటీ హాస్టళ్లలో నీటి కొరతపై ఇటీవల విద్యార్థులు ఆందోళనకు దిగిన సంగతి తెలిసిందే.
News April 29, 2024
గూగుల్ ప్లే స్టోర్‌లో కొత్త ఫీచర్
యాప్స్ డౌన్‌లోడ్‌లో యూజర్ల సమయాన్ని తగ్గించడానికి గూగుల్ ప్లే స్టోర్ కొత్త ఫీచర్‌ను తీసుకొచ్చింది. ప్రస్తుతం ఒక యాప్ పూర్తిగా డౌన్‌లోడ్ అయ్యాకే మరో యాప్ డౌన్‌లోడింగ్ మొదలవుతుంది. ఇకపై ఒకేసారి రెండు యాప్‌లను సమాంతరంగా డౌన్‌లోడ్ చేసుకోవచ్చు. రెండు కంటే ఎక్కువ యాప్స్ డౌన్‌లోడ్ చేస్తే.. మొదటి రెండింటిలోని ఏదో ఒకటి పూర్తయ్యాక, తర్వాతి యాప్ ఇన్‌స్టాల్ అవుతుంది.
News April 29, 2024
ముగిసిన నామినేషన్ల ఉపసంహరణ గడువు
AP: రాష్ట్రంలో నామినేషన్ల ఉపసంహరణ గడువు ముగిసింది. 25 లోక్‌సభ స్థానాలకు 503 మంది, 175 అసెంబ్లీ సీట్లకు 2,705 మంది పోటీలో ఉన్నారు. నంద్యాల పార్లమెంట్‌కు అత్యధికంగా 36 నామినేషన్లు, రాజమండ్రి ఎంపీ స్థానానికి అత్యల్పంగా 12 నామినేషన్లు దాఖలయ్యాయి. తిరుపతి అసెంబ్లీ స్థానానికి అత్యధికంగా 48 నామినేషన్లు, చోడవరం ఎమ్మెల్యే స్థానానికి అత్యల్పంగా 6 నామినేషన్లు దాఖలయ్యాయి.
<<-se>>#ELECTIONS2024<<>>
News April 29, 2024
లోక్‌సభ బరిలో తొమ్మిది మంది నారీమణులు
APలోని 25 లోక్‌సభ స్థానాల్లో 9మంది మహిళలకు ప్రధాన పార్టీలు అవకాశం కల్పించాయి. వీరిలో వైసీపీ నుంచి తనూజా రాణి- అరకు, విశాఖ-బొత్స ఝాన్సీ, నరసాపురం- ఉమా బాల, హిందూపురం- శాంత; కూటమి అభ్యర్థులుగా.. నంద్యాల- బైరెడ్డి శబరి(TDP), రాజమహేంద్రవరం- పురందీశ్వరి(BJP), అరకు- కొత్తపల్లి గీత(BJP) ఉన్నారు. కాంగ్రెస్ నుంచి కడప-YS షర్మిల, ఏలూరు-లావణ్య పోటీ చేస్తున్నారు. వీరిలో పార్లమెంట్ తలుపుతట్టేదెవరో చూడాలి.
<<-se>>#ELECTIONS2024<<>>
News April 29, 2024
రేవంత్ రెడ్డి వ్యూహం.. బీజేపీని ఇరుకున పెడుతుందా?
SC, ST, BC రిజర్వేషన్లను రద్దు చేసేందుకు బీజేపీ 400 సీట్లు అడుగుతోందని సీఎం రేవంత్ రెడ్డి ప్రచారం చేస్తున్నారు. మరోసారి బీజేపీ అధికారంలోకి వస్తే రిజర్వేషన్లు ఉండవని చెబుతున్నారు. అయితే రేవంత్ రెడ్డి ఎన్నికల వ్యూహంలో ఇది భాగమని, బీజేపీని ఇరుకున పెట్టేందుకే రిజర్వేషన్లను తెరపైకి తెచ్చారని పలువురు అభిప్రాయపడుతున్నారు. రిజర్వేషన్ల అంశం కాంగ్రెస్ పార్టీకి కలిసొస్తుందేమో చూడాలి. దీనిపై మీ కామెంట్?
News April 29, 2024
ప్రధాని మోదీపై పిటిషన్‌ను కొట్టేసిన ఢిల్లీ హైకోర్టు
ప్రధాని మోదీపై ఆరేళ్ల పాటు అనర్హత వేటు వేయాలని దాఖలైన పిటిషన్‌ను ఢిల్లీ హైకోర్టు తోసిపుచ్చింది. దేవుళ్లు, పుణ్యక్షేత్రాల పేర్లతో బీజేపీకి ఓట్లు అడుగుతున్నారని.. ఆయనపై చర్యలు తీసుకోవాలని పిటిషనర్ కోరారు. యూపీలోని పిలిభిత్‌లో ఇటీవల ఆయన చేసిన ప్రసంగాన్ని ఉద్దేశించి ఈ పిటిషన్ దాఖలైంది. కాగా ఇది తప్పుదోవ పట్టించే విధంగా ఉందని కోర్టు పేర్కొంది. ఈ విషయం ఎన్నికల సంఘం పరిశీలనలో ఉందని తెలిపింది.
News April 29, 2024
కాంగ్రెస్ ఉనికి చాటుతుందా!
AP: రాష్ట్ర విభజన అనంతరం ఏపీలో కాంగ్రెస్ అంపశయ్య మీదకు చేరింది. 10 ఏళ్ల తర్వాత YS షర్మిల సారథ్యంలో ఈ ఎన్నికల్లో ఉనికి చాటుకోవాలని పట్టుదలగా ఉంది. 2014 ఎన్నికల్లో పోలైన ఓట్లలో కాంగ్రెస్‌కు 8,02,452 ఓట్లు పడ్డాయి. ఓట్ షేర్ 2.80%గా ఉంది. 2019లో పరిస్థితి మరింత దిగజారింది. కేవలం 1.17%(3,68,810ఓట్లు) ఓటు షేర్ మాత్రమే పొందింది. మరి ఈ ఎన్నికల్లో కాంగ్రెస్ ఎంతమేర పుంజుకుంటుందో చూడాలి.
<<-se>>#ELECTIONS2024<<>>
News April 29, 2024
ఐదు రాష్ట్రాలు తిరిగి.. చివరికి చిక్కి!
మహాదేవ్ బెట్టింగ్ యాప్ కేసులో పోలీసుల నుంచి తప్పించుకునేందుకు నటుడు సాహిల్ విఫలయత్నం చేశారు. నాలుగు రోజుల్లో ఐదు రాష్ట్రాలు తిరిగారు. ఈనెల 24న ముందస్తు బెయిల్ పిటిషన్ రద్దు కావడంతో అరెస్ట్‌ను తప్పించుకునేందుకు సాహిల్ మహారాష్ట్ర నుంచి గోవాకు వెళ్లారు. అక్కడి నుంచి కర్ణాటకలోని హుబ్లీకి, అటు నుంచి హైదరాబాద్‌కు చేరుకున్నారు. HYD నుంచి ఛత్తీస్‌గఢ్‌కు వెళ్లగా జగదల్‌పుర్‌లో చివరకు దొరికిపోయారు.
News April 29, 2024
T20WC: కోహ్లీ ఉండాల్సిందేనన్న రోహిత్!
టీ20 ప్రపంచకప్ జూన్‌లో ప్రారంభం కానుంది. ఈ నేపథ్యంలో భారత జట్టు ఎంపికపై సెలక్టర్లు తీవ్ర కసరత్తు చేస్తున్నారు. అయితే.. జట్టులో రన్ మెషీన్ విరాట్ కోహ్లీ ఉండాల్సిందేనని కెప్టెన్ రోహిత్‌శర్మ సెలక్షన్ కమిటీకి తేల్చిచెప్పినట్టు తెలుస్తోంది. అతడి స్వభావం ఈ మెగా టోర్నీలో టీమ్ ఇండియాకు కలిసి వస్తుందని రోహిత్ చెప్పారట. మే 1తో జట్టు ప్రకటన గడువు ముగియనుంది. దీంతో ఈరోజు లేదా రేపు జట్టు ప్రకటించవచ్చు.
News April 29, 2024
తెలంగాణకు రానున్న అగ్రనేతలు
TG: ప్రధాని నరేంద్ర మోదీ, కాంగ్రెస్ అగ్రనేత రాహుల్ గాంధీ రాష్ట్రంలో ఎన్నికల ప్రచారం నిర్వహించనున్నారు. రేపు జహీరాబాద్‌లో బీజేపీ బహిరంగ సభలో ప్రధాని పాల్గొని ప్రసంగిస్తారు. సభ అనంతరం ఢిల్లీ వెళ్తారు. మరోవైపు కాంగ్రెస్ అభ్యర్థుల తరఫున ప్రచారం చేసేందుకు మే 5న రాహుల్ గాంధీ రాష్ట్రానికి రానున్నారు. భువనగిరి, ఆదిలాబాద్‌లో నిర్వహించే ఎన్నికల ప్రచార సభల్లో పాల్గొననున్నారు.
Featured News
Sorry, no posts matched your criteria.