India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 29, 2024
ల్యాండ్ టైటిలింగ్ యాక్ట్ NDA నిర్ణయమే: మంత్రి ధర్మాన ప్రసాదరావు
AP: ల్యాండ్ టైటిలింగ్ యాక్ట్ రాష్ట్రంలో అమలు చేయబోమని ఇప్పటికే చాలాసార్లు చెప్పామని మంత్రి ధర్మాన ప్రసాదరావు స్పష్టం చేశారు. ‘ఈ చట్టం తీసుకురావాలన్నది కేంద్రంలోని NDA ప్రభుత్వ నిర్ణయం. రాష్ట్రాల్లోనూ అమలు చేయాలని ఒత్తిడి చేస్తూనే ఉంది. ఇప్పుడు అదే కూటమిలో టీడీపీ చేరింది. దేశవ్యాప్తంగా ఈ చట్టంపై ఏకాభిప్రాయం వచ్చిన తర్వాతే అమలుపై మేం ఆలోచిస్తాం’ అని పేర్కొన్నారు.
News April 29, 2024
గూగుల్‌లో ‘ఇంగ్లిష్ నేర్పించే’ కొత్త ఫీచర్
గూగుల్ ‘స్పీకింగ్ ప్రాక్టీస్’ పేరుతో మరో కొత్త ఫీచర్ పరిచయం చేసింది. ఇంగ్లిష్ స్పీకింగ్ స్కిల్స్ మెరుగుపరుచుకునేందుకు ఈ ఫీచర్ దోహదపడనుంది. ప్రస్తుతం ఇండియా, అర్జెంటీనా, కొలంబియా, ఇండోనేషియా, మెక్సికో, వెనిజులా వంటి దేశాల్లో అందుబాటులో ఉంది. గూగుల్ యాప్ ఓపెన్ చేసి ఎడమవైపు పైభాగంలో Labs ఐకాన్ కోసం వెతకండి. ఆ ఐకాన్ ఉంటే మీకు ‘స్పీకింగ్ ప్రాక్టీస్’ అందుబాటులోకి వచ్చినట్లే. మీరు ప్రాక్టీస్ చేయవచ్చు.
News April 29, 2024
సీఏ పరీక్షల వాయిదాకు సుప్రీంకోర్టు నో
ఛార్టెర్డ్ అకౌంటెన్సీ (CA) పరీక్షలను వాయిదా వేయాలని దాఖలైన పిటిషన్‌ను సుప్రీంకోర్టు తోసిపుచ్చింది. షెడ్యూల్ ప్రకారం CA ఇంటర్మీడియట్, ఫైనల్ పరీక్షలు మే 8, 14న ఉండగా.. ఎన్నికలు మే 7, 13న ఉన్నాయని తెలిపింది. పోలింగ్ రోజుల్లో ఎలాంటి ఎగ్జామ్స్ లేవని పేర్కొంది. పరీక్షలు వాయిదా వేస్తే 4.36 లక్షల మంది విద్యార్థులు ఇబ్బందులు పడతారని కోర్టు తెలిపింది. కోర్టు తీర్పుతో షెడ్యూల్ ప్రకారమే పరీక్షలు జరగనున్నాయి.
News April 29, 2024
ఎన్నికలకు ఎండ సెగ!
సార్వత్రిక ఎన్నికలు 3వ దశకు చేరుకున్న వేళ ఎండ తీవ్రత పెరుగుతోంది. దేశవ్యాప్తంగా సగటున 40డిగ్రీలకుపైగా ఉష్ణోగ్రతలు నమోదవుతున్నాయి. రాజకీయ పార్టీలు, అధికారులు ఓటర్ల కోసం తగు జాగ్రత్తలు తీసుకోవాలని EC సైతం కోరింది. మరికొన్ని ప్రాంతాల్లో రాజకీయ ప్రచారాలకు వెళ్లేందుకు కార్యకర్తలు సంకోచిస్తున్నారు. ఇక సాధారణ జనం అయితే ససేమిరా బయటికి రావడం లేదు. మరి ఈ ఎండ ప్రభావం ఎన్నికలపై ఎంత ఉంటుందో వేచి చూడాలి.
News April 29, 2024
దేశ అభివృద్ధి కోసం ఆలోచించే ఏకైక పార్టీ.. బీజేపీ: నడ్డా
TG: తమ పాలనలో 25 కోట్ల మంది ప్రజలు పేదరికం నుంచి బయటపడ్డారని బీజేపీ చీఫ్ నడ్డా భద్రాద్రి జిల్లా కొత్తగూడెం సభలో తెలిపారు. ‘దేశ అభివృద్ధి కోసం ఆలోచించే ఏకైక పార్టీ.. బీజేపీ. అయోధ్యలో వందల ఏళ్ల రామమందిర కలను సాకారం చేశాం. ఎంతో ధైర్యంతో ఆర్టికల్ 370 రద్దు చేశాం. కాంగ్రెస్ హయాంలో ఎక్కడ చూసినా కుంభకోణాలు, అవినీతి. BRS పాలనలో అవినీతి పెచ్చుమీరితే.. ప్రస్తుతం కాంగ్రెస్‌ది అసమర్థ పాలన’ అని విమర్శించారు.
News April 29, 2024
కేరళ, తమిళనాడు తీరప్రాంతాలకు హెచ్చరికలు
కేరళ, తమిళనాడు రాష్ట్రాల్లోని తీరప్రాంతాలకు భారత సముద్ర సమాచార సేవల సంస్థ(INCOIS) హెచ్చరికలు జారీ చేసింది. ‘కలక్కడల్ ఫినామినా’ కారణంగా కెరటాలు ఉద్ధృతంగా, ఊహించని రీతిలో విరుచుకుపడతాయని వెల్లడించింది. మత్స్యకారులు అప్రమత్తంగా ఉండాలని, పౌరులు సముద్ర తీరాలకు వెళ్లొద్దని సూచించింది. హిందూ మహాసముద్రంలోని దక్షిణ భాగంలో బలమైన గాలుల కారణంగా ఈ పరిస్థితి ఏర్పడుతుందని సంస్థ స్పష్టం చేసింది.
News April 29, 2024
అశ్విన్‌కు జట్టులో చోటే ఇవ్వను: సెహ్వాగ్
రాజస్థాన్ బౌలర్ రవిచంద్రన్ అశ్విన్ ఆటతీరులో దూకుడు లేదని టీమిండియా మాజీ క్రికెటర్ సెహ్వాగ్ విమర్శించారు. వికెట్లు తీయడం లేదని మండిపడ్డారు. ‘అశ్విన్ ఈ తీరులో ఆడాలనుకుంటే నేనైతే జట్టులో చోటే ఇవ్వను. తన తోటి బౌలర్లు చాహల్, కుల్‌దీప్ వికెట్లు తీస్తుంటే, తను మాత్రం రన్స్ కట్టడి చేయాలని చూస్తున్నారు. ఆఫ్‌స్పిన్ వదిలేసి క్యారమ్ బాల్స్ వేస్తున్నారు. తన మైండ్ సెట్ మారాలి’ అని స్పష్టం చేశారు.
News April 29, 2024
కాంగ్రెస్ అభ్యర్థి నామినేషన్ వాపస్.. పక్కా ప్లాన్‌తోనే?
ఇండోర్ నియోజకవర్గం కాంగ్రెస్ అభ్యర్థి అక్షయ్ బమ్ తన నామినేషన్ వెనక్కి తీసుకోవడం వెనుక పక్కా ప్లానింగ్ ఉన్నట్లు తెలుస్తోంది. ఇందులో BJP నేత, ఇండోర్-1 MLA కైలాష్ విజయవర్గీయ కీలక పాత్ర పోషించారని సమాచారం. స్విచ్ఛాఫ్ చేసుకుని అక్షయ్ కాంగ్రెస్ శ్రేణులకు దూరంగా ఉండటంతో బీజేపీలో ఆయన చేరిక దాదాపు ఖరారైనట్లు తెలుస్తోంది. కాగా అక్షయ్‌పై గత 17ఏళ్లుగా హత్యాయత్నం కేసు విచారణ జరుగుతుండటం గమనార్హం.
News April 29, 2024
ఇంటింటికీ పెన్షన్ ఎందుకు ఇవ్వలేకపోతున్నారు: CBN
AP: ఎన్నికల నేపథ్యంలో పెన్షన్ల పంపిణీలో వైసీపీ ప్రభుత్వం డ్రామాలు ఆడుతోందని చంద్రబాబు మండిపడ్డారు. పెన్షన్ల నగదును బ్యాంకు ఖాతాల్లో జమ చేస్తామంటున్నారని, ఫోన్లు లేని వారికి నగదు పడిందో? లేదో? ఎలా తెలుస్తుందని ప్రశ్నించారు. ఇంటి వద్దే పెన్షన్లు ఇవ్వాలని తాము గట్టిగా డిమాండ్ చేశామని గుర్తు చేశారు. ప్రభుత్వ సిబ్బంది ఉన్నా ఇంటింటికీ పెన్షన్ ఎందుకు ఇవ్వలేకపోతున్నారని నిలదీశారు.
News April 29, 2024
నావల్నీని పుతిన్ చంపించి ఉండకపోవచ్చు: US
రష్యా ప్రతిపక్ష నేత నావల్నీని చంపమని ఆ దేశాధ్యక్షుడు పుతిన్ ఆదేశించి ఉండకపోవచ్చని అమెరికా నిఘా వర్గాలు అభిప్రాయపడ్డాయి. అమెరికా మీడియా ప్రకారం.. నావల్నీది కచ్చితంగా హత్యేనని నిఘా వర్గాలు చెప్పలేకపోతున్నాయి. అనారోగ్యం కారణంగా సంభవించిన మరణం కావొచ్చని అంచనా వేస్తున్నాయి. నావల్నీని పుతిన్ సర్కారు చాలాకాలంగా ఖైదు చేసిన సంగతి తెలిసిందే. ఈక్రమంలో 2నెలల క్రితం ఆయన జైల్లోనే అనుమానాస్పదంగా కన్నుమూశారు.
Featured News
Sorry, no posts matched your criteria.