India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nellore
News March 11, 2026
నెల్లూరు: వెటర్నరీ క్యాంపులు ఎప్పుడో..!
నెల్లూరు జిల్లాలో నాలుగేళ్ల కిందట వెటర్నరీ క్యాంపులు ఆగిపోయాయి. జిల్లాలో 8 మార్కెటింగ్ కమిటీల పరిధిలో రెండేసి చొప్పున 16 క్యాంపులు చేపట్టాలి. ఒక్కో క్యాంపునకు రూ.25 వేలు చొప్పున మార్కెటింగ్ శాఖ ఖర్చు చేస్తున్నా.. వెటర్నరీ అధికారులు తేదీలు ఖరారు చేయడం లేదు. ఇవి జరిగితే పశువులు, మేకలు, గొర్రెలకు అవసరమైన మందులను ఉచితంగా అందజేస్తారు. నెలాఖరు లోపు చేయకపోతే నిధులు వెనక్కి వెళ్లనున్నాయి.
News March 11, 2026
అమ్మాయిలూ.. ఈ నంబర్లు మీ వద్ద ఉన్నాయా.?
మహిళల భద్రత కోసం రూపొందించిన ‘శక్తి’ యాప్పై నెల్లూరు జిల్లాలో పోలీసులు అవగాహన కార్యక్రమాలు నిర్వహిస్తున్నారు. ఎస్పీ డా.అజిత వేజెండ్ల ఆదేశాల మేరకు ఆపద సమయంలో తక్షణ పోలీస్ సహాయం పొందేందుకు ప్రతి మహిళా, విద్యార్థిని తప్పనిసరిగా శక్తి యాప్ను డౌన్లోడ్ చేసుకోవాలని పోలీసులు సూచిస్తున్నారు. అత్యవసర పరిస్థితుల్లో డయల్ 100, 112, సైబర్ క్రైమ్ హెల్ప్లైన్ 1930 సేవలను వినియోగించుకోవాలని కోరారు.
News March 11, 2026
జిల్లా అభివృద్ధిపై సీఎం సమీక్షలో నెల్లూరు కలెక్టర్
అమరావతిలోని రాష్ట్ర సచివాలయం 5వ బ్లాక్లో CM చంద్రబాబు నిర్వహించిన 6వ కలెక్టర్ల కాన్ఫరెన్స్ మొదటి రోజు సమావేశంలో కలెక్టర్ హిమాన్షు శుక్లా పాల్గొన్నారు. జిల్లా అన్ని రంగాలలో అభివృద్ధి చేసే ప్రణాళికల పట్ల సమీక్షించారు. జిల్లాలో పరిశ్రమల స్థాపనకు అనువైన ప్రదేశాలు వంటి సమాచారాన్ని చర్చించారు.
News March 11, 2026
నెల్లూరు జిల్లాకు 100 ఎలక్ట్రికల్ బస్సులు
నెల్లూరు జిల్లాకు 100 ఎలక్ట్రికల్ బస్సు సర్వీసులు రానున్నట్లు RTC రీజనల్ మేనేజర్ షేక్ షమీమ్ తెలిపారు. ఉదయగిరి ఆర్టీసీ డిపోలోని అన్ని విభాగాలను ఆమె బుధవారం తనిఖీ చేశారు. ఉదయగిరి డిపోలో ఛార్జింగ్ పాయింట్ ఏర్పాటుకు గ్యారేజ్ ప్రాంతంలో స్థల పరిశీలన చేశారు. నెల్లూరు-2 డిపో నుంచి ఉదయగిరి మార్గంలో 17 ఎలక్ట్రికల్ బస్ సర్వీసులు నడుపుతామన్నారు.
News March 11, 2026
నెల్లూరు: ఆ రూ.20 కోట్లు ఎప్పుడిస్తారో..?
నెల్లూరు జిల్లాలో 2019 నుంచి 2022 వరకు మార్కెటింగ్ శాఖకు పౌర సరఫరాల శాఖ రూ.20 కోట్లు బాకీ పడినట్లు తెలుస్తోంది. ధాన్యం కొనుగోలు చేసినందుకు మార్కెట్ ఫీజు చెల్లించాల్సి ఉంది. ఎన్నిసార్లు అడిగినా పట్టించుకోవడం లేదని సమాచారం. మార్కెటింగ్ శాఖ ఈ ఏడాది రూ.38 కోట్ల సెస్సు వసూలు చేయాల్సి ఉండగా రూ.27 కోట్లు రాబట్టింది. అలాగే పౌరసరఫరాల శాఖ రూ.5 కోట్లు ఇస్తామని చెప్పినా ఇవ్వలేదు.
News March 11, 2026
నెల్లూరు: నిద్ర మత్తు వదిలిస్తున్న పోలీసులు..!
నెల్లూరు ఎస్పీ డాక్టర్ అజిత వేజెండ్ల ఆదేశాలతో హైవేలపై రోడ్డు ప్రమాదాల నివారణకు పోలీసులు ‘ఫేస్ వాష్ అండ్ గో’ కార్యక్రమం నిర్వహిస్తున్నారు. అర్ధరాత్రి వేళల్లో ప్రయాణించే డ్రైవర్లను ఆపి, వారి నిద్రమత్తు వదిలించేలా ముఖం కడిగిస్తున్నారు. అతివేగం, మద్యం తాగి వాహనాలు నడపరాదని అవగాహన కల్పిస్తున్నారు. సురక్షిత ప్రయాణం కోసం డయల్ 112ను సంప్రదించాలని పోలీసులు కోరారు.
News March 11, 2026
బుచ్చి: ఐదు పెళ్లిళ్లతో మోసం..!
నెల్లూరు జిల్లా బుచ్చి మండలం వవ్వేరుకు చెందిన గోళ్ల బెనర్జీ ఉద్యోగాల పేరుతో <<19350944>>మోసం <<>>చేస్తూ శ్రీకాకుళం పోలీసులకు చిక్కిన విషయం తెలిసిందే. ఇతను చదివింది ఇంటర్ మాత్రమే. CAనంటూ చాలామందిని మోసం చేశాడు. పంచేడు, గూడూరు, ఆత్మకూరుతో పాటు రాజమండ్రిలో ఇద్దరిని పెళ్లి చేసుకున్నట్లు సమాచారం. మొత్తంగా ఐదు పెళ్లిళ్లు చేసుకుని నిరుద్యోగులతో పాటు మహిళలను సైతం మోసం చేశాడని తెలుస్తోంది.
News March 11, 2026
నెల్లూరు: నారా లోకేశ్ పర్యటనలో మార్పులు
మంత్రి నారా లోకేశ్ ఈనెల 12న నెల్లూరు జిల్లాలో పర్యటించనున్నారని కలెక్టర్ హిమాన్షు శుక్లా తెలిపారు. ఆరోజు మధ్యాహ్నం 12:45 గంటలకు తిరుపతి విమానాశ్రయం నుంచి రోడ్డు మార్గాన బయలుదేరి మధ్యాహ్నం 3.45 గంటలకు బోగోలు మండలం జువ్వలదిన్నెకు చేరుకుంటారు. సాయంత్రం 4.30 గంటలకు జువ్వలదిన్నె వద్ద జరిగే సాగర్ డిఫెన్స్ ఫౌండేషన్ స్టోన్ ఫౌండేషన్లో పాల్గొంటారు.
News March 11, 2026
నెల్లూరు: KGBVలలో అడ్మిషన్ల ప్రారంభం
నెల్లూరు జిల్లాలోని 12 KGBVల్లో ప్రవేశాలకు దరఖాస్తులు ఆహ్వానిస్తున్నట్లు సమగ్రశిక్ష APC వెంకటసుబ్బయ్య తెలిపారు. 6వ తరగతిలో 40, ఇంటర్ ఫస్ట్ ఇయర్లో 40 సీట్లు ఉన్నాయన్నారు. 7 నుంచి 10వ తరగతి, ఇంటర్ సెకండ్ ఇయర్లో మిగిలిన సీట్ల కోసం దరఖాస్తు చేసుకోవచ్చన్నారు. అనాథ, బడి బయట పిల్లలు, డ్రాపౌట్స్, పేద ఎస్సీ, ఎస్టీ, బీసీ, మైనార్టీ బాలికలే అర్హులని చెప్పారు. apkgbv.apcfss.in ద్వారా అప్లికేషన్లు పొందాలి.
News March 11, 2026
నెల్లూరు జిల్లాలో గ్యాస్ కష్టాలు..!
యుద్ధం ఎఫెక్ట్తో నెల్లూరు జిల్లాలో గ్యాస్ కష్టాలు మొదలయ్యాయి. బుచ్చి మండలంలో గతంలో బుకింగ్ చేసిన 24 గంటల్లో డెలీవరీ చేస్తుండగా.. ఇఫ్పుడు రెండు రోజులకూ ఇవ్వడం లేదు. బ్లాక్లో విక్రయించుకునేందుకు డీలర్లు కొరత సృష్టిస్తున్నారని ప్రజలు అనుమానిస్తున్నారు. సంబంధిత అధికారులు ప్రత్యేక దృష్టి సారించి సకాలంలో సిలిండర్ అందేలా చూడాలని కోరుతున్నారు. మీ ఏరియాలో పరిస్థితి ఏంటో కామెంట్ చేయండి.
Featured News
Sorry, no posts matched your criteria.