India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 16, 2024
సీఎం రేవంత్‌కు కేటీఆర్ సవాల్
TG: సీఎం రేవంత్ మాటలు చూస్తే ఆయన చిరాకులో ఉన్నట్లు అర్థమవుతోందని మాజీ మంత్రి కేటీఆర్ అన్నారు. తెలంగాణ భవన్‌లో మీడియాతో ఆయన మాట్లాడారు. సీఎం చెప్పేవరకు భాక్రానంగల్ ప్రాజెక్టు తెలంగాణలో ఉందని తమకు తెలియదని సెటైర్లు వేశారు. కొడంగల్‌లో అయినా, వేరే ఏ ఊర్లోనైనా పూర్తి స్థాయిలో రుణమాఫీ జరిగిందని చెబితే తాను రాజీనామా చేస్తానని సవాల్ విసిరారు. దీనిపై సీఎం మీడియా చర్చకు రావాలన్నారు.
News August 16, 2024
‘దమ్ముంటే రాజీనామా చెయ్ హరీశ్’.. ఫ్లెక్సీల కలకలం
హరీశ్ రావు రాజీనామా చేయాలంటూ సీఎం రేవంత్ రెడ్డి ఫైర్ అయిన క్రమంలో HYDలో ఫ్లెక్సీలు కలకలం రేపుతున్నాయి. ‘దమ్ముంటే రాజీనామా చెయ్.. రుణమాఫీ అయిపోయే.. నీ రాజీనామా ఏడబోయే.. అగ్గిపెట్ట హరీశ్ రావు’ అని ఫ్లెక్సీలు ఏర్పాటయ్యాయి. మైనంపల్లి అభిమానుల పేరిట వీటిని ఏర్పాటు చేశారు. సికింద్రాబాద్, ప్యాట్నీ, ప్యారడైజ్, బేగంపేట్, పంజాగుట్టలో ఇవి దర్శనమిస్తున్నాయి.
News August 16, 2024
నేషనల్ అవార్డ్స్-2022
* బెస్ట్ కొరియోగ్రాఫర్ – జానీ మాస్టర్, సతీశ్ కృష్ణన్
* బెస్ట్ యాక్టర్ ఇన్ సపోర్టింగ్ రోల్ – పవన్ రాజ్ మల్హోత్రా (ఫౌజా)
* ఉత్తమ నటి సపోర్టింగ్ రోల్- నీనా గుప్తా(ఉంచాయ్)
* బెస్ట్ చైల్డ్ ఆర్టిస్ట్- శ్రీపత్(మళ్లికాపురం)
* ఉత్తమ ప్లే బ్యాక్ సింగర్ మేల్- అర్జీత్ సింగ్(కేసరియాసాంగ్ – బ్రహ్మాస్త్ర-1)
* ఉత్తమ ప్లే బ్యాక్ సింగర్ ఫీమేల్ – బాంబే జయశ్రీ
* బెస్ట్ సినిమాటోగ్రఫీ – రవి వర్మ(పొన్నియన్ సెల్వన్-1)
News August 16, 2024
దులీప్ ట్రోఫీ ఆడని రోహిత్, కోహ్లీ: జైషా కామెంట్స్
రోహిత్ శర్మ, విరాట్ కోహ్లీ దులీప్ ట్రోఫీ ఆడాల్సిన అవసరం లేదని BCCI కార్యదర్శి జైషా స్పష్టం చేశారు. ‘అలాంటి సీనియర్లపై పనిభారం ఉండొద్దని బోర్డు భావిస్తోంది. లేదంటే గాయాల భయం వెంటాడక మానదు. వారిని గౌరవించాలి. ఆసీస్, ఇంగ్లండ్‌లో ప్రతి అంతర్జాతీయ ఆటగాడు దేశవాళీ క్రికెట్ ఆడరు. అయితే మిగతా వాళ్లంతా ఆడాలి. ఇషాన్ కిషన్, శ్రేయస్ అయ్యర్ బుచ్చిబాబు టోర్నీ ఆడటం మీరు గమనించే ఉంటారు’ అని షా తెలిపారు.
News August 16, 2024
బెస్ట్ యాక్టర్‌గా రిషభ్ శెట్టి
ఉత్తమ నటుడిగా రిషభ్ శెట్టికి జాతీయ అవార్డు లభించింది. ‘కాంతార’లో నటనకుగానూ ఆయనకు ఈ అవార్డు దక్కింది. అలాగే ఉత్తమ నటి అవార్డు నిత్యా మేనన్(తిరుచిత్రమ్‌బలం), మానసి పరేఖ్(కచ్ ఎక్స్‌ప్రెస్) ఇద్దరినీ వరించింది. బెస్ట్ డైరెక్టర్‌గా ‘ఉంచాయ్’ చిత్రానికి సూరజ్‌ అవార్డ్ అందుకోనున్నారు.
News August 16, 2024
బెస్ట్ తెలుగు ఫిల్మ్ ‘కార్తికేయ-2’
నిఖిల్ నటించిన కార్తికేయ-2ను జాతీయ అవార్డు వరించింది. బెస్ట్ తెలుగు రీజినల్ మూవీగా ఈ చిత్రం నిలిచింది. ఈ అవార్డుకు తెలుగు నుంచి బలగం, సీతారామం, మేజర్ సినిమాలు పోటీ పడ్డాయి. ఇక తమిళ్ నుంచి పొన్నియన్ సెల్వన్-1, కన్నడ నుంచి కేజీఎఫ్-2 ఉత్తమ రీజినల్ చిత్రాలుగా నిలిచాయి.
News August 16, 2024
చంద్రబాబు ఇంటిపై దాడి కేసు.. విచారణకు జోగి
AP: టీడీపీ చీఫ్ చంద్రబాబు ఇంటిపై దాడి కేసులో మాజీ మంత్రి జోగి రమేశ్ విచారణకు హాజరయ్యారు. మంగళగిరి గ్రామీణ పోలీస్ స్టేషన్‌కు వచ్చిన ఆయనను విచారిస్తున్నారు. పోలీసులు ఎన్నిసార్లు పిలిచినా వస్తానని, విచారణకు సహకరిస్తానని ఆయన ఈ సందర్భంగా మీడియాతో అన్నారు. మరోవైపు అగ్రిగోల్డ్ భూముల వ్యవహారంలో ఇప్పటికే ఆయన కుమారుడు జోగి రాజీవ్‌ను ఏసీబీ అరెస్ట్ చేసింది.
News August 16, 2024
ALL TIME RECORD: చరిత్ర సృష్టించిన స్త్రీ-2 మూవీ
శ్రద్ధా కపూర్, రాజ్‌కుమార్ నటించిన హారర్ కామెడీ థ్రిల్లర్ స్త్రీ-2 మూవీ హిట్ టాక్‌తో దూసుకెళ్తోంది. తొలి రోజే ₹55.40cr వసూలు చేసింది. దీంతో హిందీలో D1 అత్యధిక కలెక్షన్లు సాధించిన చిత్రంగా చరిత్ర సృష్టించింది. ఆ తర్వాతి స్థానాల్లో పఠాన్(₹55cr), యానిమల్(₹54.75cr), KGF-2(₹53.95cr), వార్(₹51.60cr) ఉన్నాయి. బుధవారం ప్రీమియర్స్‌తో కలుపుకుంటే స్త్రీ-2 ₹64.80cr సాధించినట్లు ట్రేడ్ వర్గాలు చెబుతున్నాయి.
News August 16, 2024
కాసేపట్లో నేషనల్ ఫిల్మ్ అవార్డుల ప్రకటన
నేషనల్ ఫిల్మ్, దాదాసాహెబ్ ఫాల్కే అవార్డులను కేంద్రం కాసేపట్లో ప్రకటించనుంది. ఉత్తమ నటుల కేటగిరీలో మమ్ముట్టి(నాన్‌పకల్ నెరత్తు మయక్కం), రిషభ్ శెట్టి(కాంతార), విక్రమ్(పొన్నియన్ సెల్వన్), విక్రాంత్ మాసే(12th ఫెయిల్) బరిలో నిలిచారు. విజేతలకు అక్టోబర్‌‌లో రాష్ట్రపతి ద్రౌపదీ ముర్ము అవార్డులు అందజేస్తారు. కాగా పుష్ప మూవీలో నటనకుగానూ అల్లు అర్జున్‌ను గతేడాది జాతీయ అవార్డు వరించింది.
News August 16, 2024
మీ క్రెడిట్ స్కోరు తక్కువగా ఉందా?
ఈ రోజుల్లో చాలామంది ఎదుర్కొంటున్న సమస్యల్లో లోక్రెడిట్ స్కోర్ ఒకటి. క్రెడిట్ కార్డు యూజర్లు గడువుకు ముందే బిల్లు చెల్లిస్తే స్కోర్ క్రమంగా మెరుగవుతుంది. ఒకవేళ మీ బిల్లు ఎక్కువగా ఉంటే రెండు విడతల్లో చెల్లించేందుకు ప్రయత్నించండి. ఉదా.మీరు Sep 2న రూ.20వేలు చెల్లించాల్సి ఉందనుకుందాం. Aug 20న రూ.10వేలు, Sep 1న మరో రూ.10వేలు చెల్లించండి. క్రెడిట్ స్కోరు తక్కువుంటే లోన్స్ దొరకడం కష్టతరం అవుతుంది.
Featured News
Sorry, no posts matched your criteria.