India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 12, 2024
త్వరలో పట్టభద్రుల ఎమ్మెల్సీ ఉపఎన్నిక
TG: వరంగల్-ఖమ్మం-నల్గొండ పట్టభద్రుల ఎమ్మెల్సీ స్థానానికి త్వరలోనే ఉపఎన్నికల జరగనుంది. ఈ ఎన్నికకు సంబంధించి వారం, 10 రోజుల్లో షెడ్యూల్ విడుదల చేయాలని ఈసీఐ నిర్ణయించింది. పల్లా రాజేశ్వర్ రెడ్డి అసెంబ్లీ ఎన్నికల్లో ఎమ్మెల్యేగా గెలుపొందడంతో శాసనమండలిలో ఈ సీటు ఖాళీ అయింది. ఖాళీ అయిన తర్వాత నుంచి 6 నెలల్లో ఉపఎన్నిక నిర్వహించాల్సి ఉన్న నేపథ్యంలో ఎలక్షన్ తేదీలపై ఎన్నికల సంఘం కసరత్తు చేస్తోంది.
News April 12, 2024
IPL: పవర్‌ప్లేలో అత్యధిక స్కోరింగ్ రేటు ఆ జట్టుదే
IPL-2024లో పవర్‌ప్లేలో అత్యధిక స్కోరింగ్ రేటు కలిగిన జట్టుగా కోల్‌కతా నైట్ రైడర్స్ (11.33) తొలి స్థానంలో కొనసాగుతోంది. ఆ తర్వాతి స్థానాల్లో ముంబై ఇండియన్స్ (10.70), సన్‌రైజర్స్ హైదరాబాద్ (10.67), ఢిల్లీ క్యాపిటల్స్ (9.07), చెన్నై సూపర్ కింగ్స్ (8.77) ఉన్నాయి.
News April 12, 2024
నేడు 62 మండలాల్లో వడగాలులు
AP: రాష్ట్రంలోని 62 మండలాల్లో ఇవాళ వడగాలులు వీస్తాయని విపత్తుల సంస్థ ఎండీ రోణంకి కూర్మనాథ్ తెలిపారు. అల్లూరి సీతారామరాజు జిల్లా చింతూరు మండలంలో తీవ్రవడగాల్పులు వీస్తాయని, రేపు 33 మండలాల్లో వడగాలులు వీచే అవకాశం ఉందని పేర్కొన్నారు. వడగాలుల వీచే మండలాల వివరాల కోసం ఇక్కడ <
News April 12, 2024
తెలంగాణలో ఎన్నికలకు టీడీపీ దూరం!
లోక్‌సభ ఎన్నికల్లో తెలంగాణలో పోటీ చేయకూడదని TDP నిర్ణయించింది. ఈ విషయాన్ని ఆ పార్టీ రాష్ట్ర అధికార ప్రతినిధి జ్యోత్స్న తిరునగరి వెల్లడించారు. APలో NDAలో భాగస్వామిగా ఉన్నప్పటికీ, TGలో ఎవరికి మద్దతు ఇవ్వాలనే దానిపై ఎలాంటి నిర్ణయం తీసుకోలేదన్నారు. స్థానిక సంస్థల ఎన్నికల్లో తప్పక పోటీ చేస్తామని చెప్పారు. రాష్ట్ర అధ్యక్షుడి నియామకంపై మహానాడులో నిర్ణయం తీసుకోనున్నట్లు పేర్కొన్నారు.
News April 12, 2024
ఆ పరీక్షను మళ్లీ నిర్వహించండి: హైకోర్టు
TG: గురుకులాల్లో ఆర్ట్ టీచర్ పోస్టుల భర్తీకి మరోసారి నియామక పరీక్ష నిర్వహించాలని TREI-RBను హైకోర్టు ఆదేశించింది. ఇంగ్లిష్‌తో పాటు తెలుగులో పరీక్ష పేపర్ ఇవ్వాలని స్పష్టం చేసింది. నోటిఫికేషన్‌లో తెలుగు, ఇంగ్లిష్‌లో పరీక్ష ఉంటుందని పేర్కొని, కేవలం ఇంగ్లిష్‌లోనే పరీక్షను నిర్వహించడంపై పలువురు అభ్యర్థులు కోర్టును ఆశ్రయించారు. దీంతో పరీక్షను మళ్లీ నిర్వహించాలని ధర్మాసనం తీర్పునిచ్చింది.
News April 12, 2024
ఎన్నికల సిరాను ఎక్కడ తయారు చేస్తారో తెలుసా?
ఓటర్ల చేతి వేలికి వేసే సిరాను కర్ణాటకలోని మైసూర్ పెయింట్స్ అండ్ వార్నిష్ లిమిటెడ్ కంపెనీలో తయారు చేస్తారు. దీని తయారీ ఫార్ములా రహస్యంగా ఉంటుంది. అక్కడ పనిచేసే ఇద్దరు కెమిస్ట్‌లకు మాత్రమే ఫార్ములా తెలుస్తుంది. వారు తమ రిటైర్మెంట్ సమయంలో నమ్మకస్తులైన తర్వాతి ఉద్యోగులకు దానిని బదిలీ చేస్తారు. ఈసారి ఎన్నికల్లో ₹55కోట్ల విలువైన 26.55 లక్షల ఇంక్ వయల్స్‌ను వినియోగించనున్నారు. <<-se>>#Elections2024<<>>
News April 12, 2024
30 ఏళ్ల తర్వాత మళ్లీ ఇప్పుడే
కేన్స్ ఫిల్మ్ ఫెస్టివల్-2024 స్క్రీనింగ్ కాంపిటీషన్‌కు భారతీయ సినిమా ‘ఆల్ వి ఇమేజిన్ యాజ్ లైట్’ ఎంపికైంది. మే 14 నుంచి 25 వరకు ఈ ఫెస్టివల్ జరగనుండగా, పోటీలో ప్రదర్శించే సినిమాల పేర్లను నిర్వాహకులు ప్రకటించారు. భారత్ నుంచి 1994లో ‘స్వహం’ అనే మూవీ తొలిసారిగా ఈ ఫెస్టివల్ స్క్రీనింగ్‌కు ఎంపికైంది. ఆ తర్వాత మళ్లీ 30 ఏళ్లకు ఇప్పుడు పాయల్ కపాడియా తెరకెక్కించిన ‘ఆల్ వి ఇమేజిన్ యాజ్ లైట్’ సెలక్ట్ అయింది.
News April 12, 2024
రైల్వే శాఖలో 15శాతం డ్రైవర్ పోస్టులు ఖాళీ
రైల్వే శాఖలో 15% డ్రైవర్ పోస్టులు ఖాళీగా ఉన్నాయని రైల్వే బోర్డు వెల్లడించింది. ఆర్టీఐ ద్వారా అడిగిన ప్రశ్నకు సమాధానమిచ్చింది. మొత్తం 1,27,644 డ్రైవర్, అసిస్టెంట్ డ్రైవర్ పోస్టులు మంజూరు కాగా, అందులో 2024 మార్చి 1 నాటికి 18,766 (14.7%) పోస్టులు ఖాళీగా ఉన్నట్లు పేర్కొంది. అలాగే 14,429 లోకో పైలట్ పోస్టులు, 4,337 అసిస్టెంట్ లోకో పైలట్ పోస్టులు ఖాళీగా ఉన్నాయని తెలిపింది.
News April 12, 2024
ఈ రోజు నమాజ్ వేళలు
తేది: ఏప్రిల్ 12, శుక్రవారం
ఫజర్: తెల్లవారుజామున గం.4:49
సూర్యోదయం: ఉదయం గం.6:02
జొహర్: మధ్యాహ్నం గం.12:17
అసర్: సాయంత్రం గం.4:43
మఘ్రిబ్: సాయంత్రం గం.6:32
ఇష: రాత్రి గం.07.45
నోట్: ప్రాంతాన్ని బట్టి నమాజ్ వేళల్లో స్వల్ప తేడాలుండొచ్చు.
News April 12, 2024
ఫోన్‌, గేమ్స్‌కు బానిసైన పిల్లలకు ముప్పు: పరిశోధన
స్మార్ట్‌ఫోన్స్, వీడియో గేమ్స్‌కు బానిసలైన పిల్లలకు భవిష్యత్తులో మానసిక వ్యాధులు వచ్చే అవకాశాలు ఉన్నాయని కెనడా పరిశోధకులు వెల్లడించారు. వీరికి 23ఏళ్లు వచ్చేసరికి భ్రమ కలగడం, మతిస్థిమితం కోల్పోవడం వంటి సమస్యలు వస్తాయట. ముఖ్యంగా టీనేజ్‌లో ఈ గేమింగ్‌కు అడిక్ట్ అయితే ఈ ప్రభావం 3-7% ఎక్కువ ఉంటుందట. స్మార్ట్‌ఫోన్ల వినియోగం తగ్గించకుంటే పేరెంట్స్-పిల్లల మధ్య బంధం సైతం దెబ్బతింటుందని హెచ్చరిస్తున్నారు.
Featured News
Sorry, no posts matched your criteria.