India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 17, 2024
భారతీయ యువత ఎంతో తెలివైనది: నారాయణమూర్తి
ఇండియన్ యూత్ గురించి ఇన్‌ఫోసిస్ వ్యవస్థాపకుడు నారాయణ మూర్తి ఇంట్రెస్టింగ్ వ్యాఖ్యలు చేశారు. నేటి యువకులు ఎంతో తెలివైనవారని, వీరి వయసులో తనకున్న తెలివి కంటే 10-20 రెట్లు ఎక్కువ టాలెంట్ కలిగిఉన్నారని చెప్పారు. యువకులకున్న అడ్డంకులను తొలగించి, ఆకాశానికి చేరుకోవడానికి అవకాశాలను అందించాల్సిన అవసరం ఉందని అభిప్రాయపడ్డారు. AI పురోగతిలో భారతదేశం పాశ్చాత్య దేశాలను చేరుకోగలదని ఆశాభావం వ్యక్తం చేశారు.
News May 17, 2024
వివేకా హత్యపై మాట్లాడొద్దన్న ఆదేశాలపై సుప్రీం స్టే
AP: వివేకా హత్య కేసుపై మాట్లాడొద్దని కడప కోర్టు ఇచ్చిన ఆదేశాలపై సుప్రీంకోర్టు స్టే విధించింది. కోర్టు ఉత్తర్వులు సుప్రీం తీర్పునకు విరుద్ధంగా ఉన్నాయన్న ధర్మాసనం.. YS షర్మిల పిటిషన్‌పై మధ్యంతర ఉత్తర్వులు జారీ చేసింది. కాగా ఏప్రిల్ 16న వివేకా హత్యపై మాట్లాడొద్దని కడప కోర్టు ఇచ్చిన తీర్పుని సవాలు చేస్తూ వైఎస్ షర్మిల హైకోర్టుకెళ్లారు. అక్కడ చుక్కెదురు కావడంతో ఆమె సుప్రీంకోర్టును ఆశ్రయించారు.
News May 17, 2024
మహిళలకు ఫ్రీ బస్.. మోదీ కీలక వ్యాఖ్యలు
మహిళలకు ఉచిత బస్సు ప్రయాణ హామీతో మెట్రోను ఇబ్బందుల్లో పడేస్తున్నారని ప్రధాని నరేంద్ర మోదీ అన్నారు. ఈ నిర్ణయంతో 50శాతం మహిళా ప్రయాణికులను మెట్రో కోల్పోతోందన్నారు. ‘ఇలా చేయడం వల్ల మెట్రో నిర్వహణ సాధ్యం కాదు. భవిష్యత్తులో మెట్రో నిర్మాణం జరుగుతుందా? లేదా? అనేదానిపై సందిగ్ధం ఏర్పడింది. ఇలా ఎవరూ ఆలోచించరు. బస్సును ఫ్రీగా ఇచ్చి మెట్రోను ఖాళీ చేస్తే ఎలా నడుస్తుంది?’ అని ప్రశ్నించారు.
News May 17, 2024
జూన్ 1న బంగ్లాతో వార్మప్ మ్యాచ్
టీ20 వరల్డ్ కప్‌ టోర్నీకి ముందు బంగ్లాదేశ్‌తో జూన్ 1న భారత జట్టు వార్మప్ మ్యాచ్ ఆడనుంది. వార్మప్ మ్యాచుల షెడ్యూల్‌ను ఐసీసీ విడుదల చేసింది. మే 27 నుంచి జూన్ 1వ తేదీ వరకు ఈ వార్మప్ మ్యాచ్‌లు జరుగుతాయి. ఇండియా, బంగ్లాదేశ్ మ్యాచ్ అమెరికాలో జరగనున్నప్పటికీ వేదికను ఇంకా ఖరారు చేయలేదు. కాగా.. పాకిస్థాన్ వార్మప్ మ్యాచులు ఆడకుండా నేరుగా బరిలోకి దిగనున్నట్లు తెలుస్తోంది.
News May 17, 2024
ఆరుగురికి పునర్జన్మనిచ్చిన 21 ఏళ్ల యువకుడు
యుక్త వయసులోనే తమ కుమారుడు తిరిగిరాని లోకాలకు వెళ్లిపోయినప్పటికీ.. మరో ఆరుగురిలో అతణ్ని చూసుకునేలా అవయవదానం చేసేందుకు కుటుంబసభ్యులు ముందుకొచ్చారు. మున్కల ప్రశాంత్ అనే 21 ఏళ్ల యువకుడు చనిపోగా అతని కుటుంబసభ్యులు అతని కిడ్నీలు, లివర్, ఊపిరితిత్తులు, నేత్రాలు దాని చేసినట్లు కుటుంబ సభ్యులు ‘జీవన్‌దాన్’ పేర్కొంది. అవయవదానం చేసేందుకు ప్రజలు ముందుకురావాలని పిలుపునిచ్చింది.
News May 17, 2024
UPI పేమెంట్స్‌లో ఇండియా టాప్
డిజిటల్ చెల్లింపుల్లో భారత్ ప్రపంచంలోనే అగ్రస్థానంలో ఉందని గ్లోబల్ డేటా సంస్థ నివేదిక వెల్లడించింది. దీని ప్రకారం.. 2023లో భారత జనాభాలో 90.8% UPI ద్వారా లావాదేవీలు చేస్తున్నారు. 2024 ఏప్రిల్‌లో ఏకంగా ₹19.64లక్షల కోట్ల ట్రాన్సాక్షన్లు జరిగాయి. ఇక ఈ మే తొలి 15రోజుల్లోనే ₹10.70లక్షల కోట్ల పేమెంట్స్ జరిగాయి. స్మార్ట్‌ఫోన్ల వాడకం పెరిగే కొద్ది డిజిటల్ పేమెంట్స్ పెరుగుతాయని ఆ సంస్థ అంచనా వేసింది.
News May 17, 2024
విశాఖలో రౌడీయిజం బాగా పెరిగింది: విష్ణుకుమార్ రాజు
AP: వైసీపీ గూండాలకు పోలీసులు మద్దతిస్తున్నారని బీజేపీ విశాఖ నార్త్ అభ్యర్థి విష్ణుకుమార్ రాజు ఆరోపించారు. కూటమికి ఓటేశారని విశాఖలో ఓ కుటుంబంపై దాడి చేయడం దారుణమని మండిపడ్డారు. ‘కుటుంబ తగాదాల వల్లే ఈ దాడులు అనేది అబద్ధం. బాధితులకు రక్షణ కల్పించాలి. ఈ ఘటనపై CP, కలెక్టర్‌కు ఫిర్యాదు చేస్తాం. విశాఖలో రౌడీయిజం బాగా పెరిగింది. మేం ప్రచారం చేస్తున్న సమయంలోనూ కొందరు అడ్డుకున్నారు’ అని ఫైర్ అయ్యారు.
News May 17, 2024
సీబీఐ కోర్టులో విచారణకు హాజరైన అవినాశ్ రెడ్డి
AP: మాజీ మంత్రి వివేకానంద రెడ్డి హత్య కేసుపై ఇవాళ నాంపల్లి CBI కోర్టులో విచారణ జరిగింది. కేసులో నిందితులుగా ఉన్న కడప MP అవినాశ్ రెడ్డి, ఆయన తండ్రి భాస్కర్ రెడ్డి, శివశంకర్ రెడ్డి కోర్టులో హాజరయ్యారు. చంచల్‌గూడ జైలులో ఉన్న మరో నలుగురు నిందితులను వీడియో కాన్ఫరెన్స్ ద్వారా అధికారులు హాజరుపర్చారు. కాగా ఈ కేసులో అవినాశ్ ముందస్తు బెయిల్ రద్దు చేయాలన్న పిటిషన్‌ను ఇటీవల తెలంగాణ హైకోర్టు కొట్టేసింది.
News May 17, 2024
రష్యాకు మేం ఆయుధాలు పంపడం లేదు: ఉ.కొరియా
రష్యాకు తాము ఎలాంటి ఆయుధాలు అందించడం లేదని ఆ దేశ అధ్యక్షుడు కిమ్ సోదరి కిమ్ యో జోంగ్ తెలిపారు. దక్షిణ కొరియా, అమెరికా తమపై తప్పుడు ఆరోపణలు చేస్తున్నాయని మండిపడ్డారు. కాగా ఉక్రెయిన్‌తో యుద్ధం కోసం మార్చి నెలలో 7వేల కంటైనర్లలో ఆయుధాలను రష్యాకు ఉ.కొరియా సరఫరా చేసిందని దక్షిణ కొరియా నొక్కి చెప్తోంది. సైనిక, శాటిలైట్ టెక్నాలజీలో రష్యా సాయాన్ని నార్త్ కొరియా ఆశిస్తోందని అమెరికా ఆరోపిస్తోంది.
News May 17, 2024
వారణాసిలో భయానక వాతావరణం: జ్యోతిర్‌మఠ్ శంకరాచార్యులు
వారణాసిలో ప్రధాని మోదీకి వ్యతిరేకంగా నామినేషన్లు వేసిన వారిని బెదిరిస్తున్నారని జ్యోతిర్‌మఠ్ శంకరాచార్యులు స్వామి అవిముక్తేశ్వరానంద సరస్వతి సంచలన ఆరోపణలు చేశారు. 43 మంది నామినేషన్లు దాఖలు చేస్తే ఏకంగా 36 మంది నామినేషన్లు తిరస్కరణకు గురయ్యాయని చెప్పారు. వారణాసిలో భయానక వాతావరణం కొనసాగుతోందని వాపోయారు. కాగా వారణాసిలో పోటీకి దిగిన HYDకు చెందిన శివకుమార్ నామినేషన్ కూడా తిరస్కరణకు గురైంది.
Featured News
Sorry, no posts matched your criteria.