India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 14, 2024
Jr.NTRకు యాక్సిడెంట్ అంటూ ప్రచారం.. ఖండించిన టీమ్
ప్రముఖ నటుడు జూనియర్ ఎన్టీఆర్ రోడ్డు ప్రమాదానికి గురైనట్లు వస్తున్న వార్తలను ఆయన టీమ్ ఖండించింది. తారక్ సురక్షితంగా ఉన్నారని వెల్లడించింది. కాగా, నిన్న రాత్రి హైదరాబాద్ జూబ్లీహిల్స్‌లో ఎన్టీఆర్ ప్రయాణిస్తున్న కారు ప్రమాదానికి గురైందని వార్తలు వస్తున్నాయి. ఎడమ చేతి మణికట్టు, వేళ్లకు గాయం కావడంతో ప్రైవేట్ ఆస్పత్రిలో చికిత్స తీసుకుంటున్నారని ప్రచారం జరుగుతోంది.
News August 14, 2024
16న ఢిల్లీకి సీఎం చంద్రబాబు?
ఏపీ సీఎం చంద్రబాబు ఈ నెల 16న ఢిల్లీకి వెళ్లే అవకాశం ఉంది. పర్యటనలో భాగంగా ప్రధాని మోదీ, పలువురు కేంద్రమంత్రులను కలవనున్నట్లు తెలుస్తోంది. అమరావతి, పోలవరం, వెనుకబడిన జిల్లాలకు నిధులు, రుణాల రీషెడ్యూల్ సహా రాష్ట్రానికి సంబంధించిన పలు అంశాలను కేంద్రంతో CM చర్చించనున్నట్లు సమాచారం.
News August 14, 2024
ఆ ఐపీఎస్‌లకు డీజీపీ మెమో జారీ
AP: వెయిటింగ్‌లో ఉన్న 16 మంది ఐపీఎస్‌లకు డీజీపీ ద్వారకా తిరుమలరావు మెమో జారీ చేశారు. జాషువా, అమ్మిరెడ్డి, విశాల్ గున్ని, రిశాంత్ రెడ్డి, పీఎస్సార్ ఆంజనేయులు, సునీల్ కుమార్, కొల్లి రఘురామరెడ్డి, సంజయ్, విజయరావు, కాంతిరాణా టాటా సహా పలువురు ఈ జాబితాలో ఉన్నారు. రోజూ ఉదయం 10 గంటల నుంచి సాయంత్రం 6 గంటల వరకు హెడ్‌క్వార్టర్స్‌లోనే ఉండాలని ఆదేశించారు. అటెండెన్స్ రిజిస్టర్‌లో సంతకాలు చేయాలని పేర్కొన్నారు.
News August 14, 2024
ఫోన్లపై భారీ డిస్కౌంట్ ప్రకటించిన గూగుల్
పిక్సెల్ 9 సిరీస్ ఫోన్లను లాంఛ్ చేసిన నేపథ్యంలో తన పాతతరం ఫోన్ల ధరలను గూగుల్ తగ్గించింది. 8, 7 సిరీస్ ఫోన్లపై రాయితీ ప్రకటించింది. పిక్సెల్ 8 ప్రొ 128GB వేరియంట్ ధర రూ.1,06,999 నుంచి రూ.99,999కు, పిక్సెల్ 8 ఫోన్‌ను రూ.75,999 నుంచి రూ.71,999కు, పిక్సెల్ 8Aపై రూ.3వేలు, 7Aపై ₹2వేలు చొప్పున తగ్గించింది. పిక్సెల్ 7A బేస్ వేరియంట్ ₹41,999కే లభించనుంది. త్వరలోనే తగ్గించిన ధరలు అందుబాటులోకి రానున్నాయి.
News August 14, 2024
ఇద్దరు పేషెంట్లపై అత్యాచారం.. డాక్టర్ అరెస్ట్
కోల్‌కతాలో లేడీ ట్రైనీ డాక్టర్‌పై హత్యాచారం దేశం మొత్తాన్ని అట్టుడికిస్తుంటే మరోవైపు ఒడిశాలో ఓ డాక్టర్ ఇద్దరు పేషెంట్లపై అత్యాచారం చేసిన ఘటన వెలుగు చూసింది. ఠాకూర్ దిల్బాగ్ సింగ్ కటక్‌లోని SCB ఆసుపత్రిలో కార్డియాలజిస్ట్‌. Aug 9న ఇద్దరు మహిళలు గుండె సమస్యలతో ఆసుపత్రికి రాగా Aug 11న వాళ్లను మళ్లీ రమ్మన్నారు. ఒకరి తర్వాత ఒకరిపై అత్యాచారం చేశారు. బాధితుల ఫిర్యాదుతో పోలీసులు అతడిని అరెస్ట్ చేశారు.
News August 14, 2024
జమ్మూకశ్మీర్‌లో ఎన్‌కౌంటర్‌.. నలుగురు ఉగ్రవాదులు హతం
జమ్మూకశ్మీర్ దోడాలో భద్రత బలగాలు, ఉగ్రవాదుల మధ్య కాల్పులు జరిగాయి. ఈ ఎన్‌కౌంటర్‌లో నలుగురు ఉగ్రవాదులు హతమయ్యారు. కాల్పుల్లో ఆర్మీ కెప్టెన్ ఒకరు వీరమరణం పొందినట్లు సమాచారం. పూర్తి వివరాలు తెలియాల్సి ఉంది.
News August 14, 2024
ఏసీబీ కోర్టులో జోగి రాజీవ్ బెయిల్ పిటిషన్
AP: అగ్రిగోల్డ్ భూముల వ్యవహారంలో అరెస్టైన మాజీ మంత్రి జోగి రమేశ్ కుమారుడు రాజీవ్ ఏసీబీ కోర్టులో బెయిల్ పిటిషన్ వేశారు. నిన్న రమేశ్ ఇంట్లో సోదాలు నిర్వహించిన ఏసీబీ అధికారులు అనంతరం రాజీవ్‌ను అరెస్ట్ చేసి కోర్టులో హాజరుపర్చారు. ఆయనకు కోర్టు రిమాండ్ విధించిన విషయం తెలిసిందే.
News August 14, 2024
సుప్రీం తీర్పుతో ఈ షేర్లు ఢమాల్
<<13849728>>రాయల్టీ బకాయిలను<<>> రాష్ట్రాలు వసూలు చేసుకోవచ్చన్న సుప్రీంకోర్టు తీర్పుతో మైనింగ్, మెటల్ కంపెనీల షేర్లు కుదేలయ్యాయి. టాటా స్టీల్, NMDC, వేదాంత, హిందుస్థాన్ జింక్, కోల్ ఇండియా షేర్లు ఇంట్రాడేలో 5% మేర పతనమయ్యాయి. కొన్ని షేర్లు 3% నష్టాల్లో, మరికొన్ని ఫ్లాట్‌గా ట్రేడవుతున్నాయి. ఈ తీర్పుతో కేవలం PSUలే రూ.70వేల కోట్ల మేర చెల్లించాల్సి వస్తుందని అంచనా. మెటల్, సిమెంట్ కంపెనీల పైనా ప్రభావం ఉండనుంది.
News August 14, 2024
మరో కొత్త రూల్.. ఖాతాదారులకు అదిరిపోయే న్యూస్
ఎమర్జెన్సీ పరిస్థితుల్లో తమ డిపాజిట్లను NBFCల డిపాజిటర్లు వెనక్కి తీసుకోవచ్చని RBI వెల్లడించింది. ఆమోదించిన 3 నెలల్లోపు, అత్యవసర కారణాలతో విత్‌డ్రాకు విజ్ఞప్తి చేస్తే వడ్డీ లేకుండా 100% డిపాజిట్ ఇవ్వాలంది. అత్యవసరం కానప్పుడు డిపాజిట్ మొత్తంలో సగాన్ని వడ్డీ లేకుండా చెల్లించాలంది. అసలులో సగం లేదా రూ.5లక్షలు, ఈ రెండింటిలో ఏది తక్కువైతే ఆ మొత్తం చెల్లిస్తారు. జనవరి 1 నుంచి ఈ రూల్ అమల్లోకి రానుంది.
News August 14, 2024
కేజ్రీవాల్‌కు చుక్కెదురు
ఢిల్లీ సీఎం అరవింద్ కేజ్రీవాల్‌కు సుప్రీంకోర్టులో చుక్కెదురైంది. ఢిల్లీ లిక్కర్ స్కాంకు సంబంధించి సీబీఐ కేసులో ఆయనకు బెయిల్ ఇచ్చేందుకు న్యాయస్థానం నిరాకరించింది. ఈ నెల 23న తదుపరి విచారణ చేపడతామని వెల్లడించింది. ఈలోగా కేజ్రీవాల్‌కు బెయిల్ ఇవ్వడంపై సీబీఐ అఫిడవిట్ దాఖలు చేయాలని సుప్రీం ఆదేశించింది.
Featured News
Sorry, no posts matched your criteria.